Mąątɛ̨nɛ̨ 51:15 - Yálá laawoo hɛɓɛ (dc)

¹⁵ Ŋą́ yɛ́ pələi lɛ hɔn ɲɔ̨n gɛ nuą diɛ, nɛ̨ŋɛ̨n ɉəɠə nuą diɛ pɛli pənəi, diɛ pa ə́ pɔ.

Yálá laawoo hɛɓɛ

¹⁵ Ŋą́ yɛ́ pələi lɛ hɔn ɲɔ̨n gɛ nuą diɛ, nɛ̨ŋɛ̨n ɉəɠə nuą diɛ pɛli pənəi, diɛ pa ə́ pɔ.

Bible

¹⁵ Ǹuu-namui, kpɔŋ-maa tɛɛ ḿbɔ ŋá lóno. Gɛ̀ ní ŋa pâi ílaa maa tɛ̂i.

Mąątɛ̨nɛ̨ 51:15 Referans Kwoze

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Mąątɛ̨nɛ̨ 9:14

'Mą́ą́wɛli kaa, Yai-Laa! Nwɔ́ mɔ̨nɔ̨i kaa! Yai ɲówóɠaa daa naa mą́ą́! Yɛ́i ya gúlɔ haa wolo la.

Izikiɛ 29:21

«A mąą yələ, ŋą́ Israɛlə nwɔ pɛlɛ́i vąŋąn ta pɛlɛ mą; ɛlɛɛ, ə mą kɛ yɛ́, hulɔnu lon, gáá pai gɛi yɛ́ pɛli mɛ̨nį ɓoi diɛ, di lɔwai. A mąą yələ, da gili kɔ́lɔ, diɛ kɛ Yai-Laa ɓaa a ɲą́ą́.»

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.

Izikiɛ 3:27

Kɛlaa ŋą́ pa mɛ̨nį ɓoi yɛ́, ŋą́ gɛ ə́ laa ə hvaa, yɛ́ kɛ diɛ: Yai-Laa ka wɔ Yálái woo ka, yɛ; nui yɛ ə nwəli tɔɔ, ə nwəli tɔɔ; nui hvo bɔ hvo nwəli tɔɔ, hvo nwəli tɔɔ; mąąhɔlɔɓo kulɔ nwoo mu nuą li.»

Lɛɛ gbɔwɔ ɓa 4:11

Yai-Laa yɛ mą: «Gbɛɛ ɓə laaləi kɛ nu ɓa? A wala kɛ ti, gbɛɛ ɓə a nu kɛ a muugbɛ, a wala kɛ ti wəli tínímun? Gbɛɛ ɓə a nu ɲɛ̨ilon gɛ ɉu, awala kɛ tii ə gɛ, a ɲɛ̨ipumun? Kɛlɛi Ɲą́ą́ Yai-Laa, ɲą́ą́ ɓə!

Markə 7:34

Yili pulu ə ɲɛ̨i pili yələi, ə nii tɛ ə doo; yɛ ɉulɔnu tii ɓa: «Ɛfata!» Mukulaa ɓaa: «Hvólóon.»

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Samuɛlə dɔlɔɔ 2:9

Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.

Maafîu 22:12

Ə mo yili ɓa yɛ mą: ‹Náwɛi, ə́ gɛ pələ kɛ ləi yɛ́ lɔ ɓɛ yaan ɉɛli həɠə ta hvo ə́ kwaną?› Kɛlaa, nui tii hvo hvaa.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Zɛnɛse 44:16

Ɉuda ə mo Ɉosɛfə ɓa, yɛ mą: «Ną́n! Yɛ́i ŋɛ̨i ə́ kaa a nɔi nwun nąmu, lə mɛ̨nį kpɔ ɓə kwa pɛli ku mo yɛ́, ə gɛ, ə́ laa na, yɛ́ diɛ, ku hvo a hɔn mąą nuą mɛ̨nįi ŋɛ̨i hu? Yálá aa ku mąą kpoloon, aa ku hɔn gulɔ pɔ̨nɔ̨ŋą, kwaa kɛ a hɔn mąą nuą. Nui ŋɛ̨i di ə́ wɔ kpələ kɔ́wɔi kaa ɲəi míi hu, kwa diɛni kəlee kwaa kɛ a ə́ wɔ luwɔ.»

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?