Mąątɛ̨nɛ̨ 51:12 - Yálá laawoo hɛɓɛ (dc)

¹² Ee Yálá! 'Kili lɛlɛɛ too gwə́i, líi ninɛ̨ lɔ ɉú.

Yálá laawoo hɛɓɛ

¹² Ee Yálá! 'Kili lɛlɛɛ too gwə́i, líi ninɛ̨ lɔ ɉú.

Bible

¹² Ǹíi nɛ̃ɛ̂i nyii a kûla íƃalo-laai sui tɛ́ɛ mî ḿbɔ. Ŋ́gili kúla a gɛɛ ŋá íwoo ŋàa sèe kɛ́.

Mąątɛ̨nɛ̨ 51:12 Referans Kwoze

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Mąątɛ̨nɛ̨ 13:5

Ɲówó hvo pa nəi kɛ diɛ: «Ɲéé aa tɛɛ mą», ɛlɛɛ ɲówóɠaa diɛ kɛa kwəinɛ̨ɛ̨ kulɔ, dóó mɛ̨nį hu.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

Korɛntə veelɛ 3:17

Mąąhɔlɔɓo, gu Ną́mu kaa a Kili, yaan, ɓɛi gu Ną́mu-Nįi kaa laa, nąą ɓə lɛɛ gbɔwɔ ɓa laa kaa laa.

Lukə 1:47

Gwə́inɛ̨ɛ̨i nwún mąąɓomun Yálá nwɔ mɛ̨inɛ̨ɛ̨ mąą mɛ̨nį ɓa

Mąątɛ̨nɛ̨ 35:9

Nąąlɔwai, gáá pai pilii yələi a kwənɛ̨ɛ̨, Yai-Laa laa hu, gɛ́ mąną a kwəinɛ̨ɛ̨ málo mɛ̨nį ɓa.

Mąątɛ̨nɛ̨ 119:133

Váŋąlɔ a ə́ wɔ tɔn nwooɠaai, 'hvó mɛ̨nį ɲɔ̨n nɛɛ laa hvo hee mą́ą́.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Ɉeremi 10:23

Yai-Laa! Gíli kaa ɉu, gɛ́: Nu kanŋaa di hva pɛli di kpɔɔ tənən dɔɔi, yɛ bələi mąąnɛ̨ɛ̨ la. Di hvo kpɛli pɛli li di kpɔɔ kɔ́wɔ hvilɛn ɉi kili ɓoi.

Lomaŋ 14:4

Gbɛɛ ɓaa a yɛ́, yai, nui hvo a yɛ́ tímun, yɛ́ giti tee? Ə tɔɔ-o, ə too-o; ə́ wɔɔ lə mɛ̨nį ɓə ɉu? Da Ną́mu di lɔwai li. Ɛlɛɛ, ɲee kaa pai lɔi, mąąhɔlɔɓo, hvaŋą kaa gu Nąmu yəi, yɛ dɛɛ bɔ.

Mąątɛ̨nɛ̨ 21:1

Nwələ ɲɛ̨i tɔwɔmun. Davidə nwɔ wələ.

Mąątɛ̨nɛ̨ 19:13

Gbɛɛ ɓə gili a pu nwɔ lan dúwɔ́ɠaa hu? Dɛ́ɠii nɛ̨ŋɛ̨ŋaa lɛɛ mą́ą́ a kpɛli.

Mąątɛ̨nɛ̨ 17:5

Ŋą́ hvilɛn ə́ wɔ pələɠaai mɛ̨i, mą́ą́ hva kpɛlin.

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Mąątɛ̨nɛ̨ 24:4

Nui hɔn ɲɔ̨n və ɲee pɔ, nii hu mąąhəɠɛɛ, hva Yálá kɛ a kɛla lɛɛ mɛ̨nį hu, ɛlɛɛ, hva gwɛla nu ɓowo mɛ̨nį ɓa.