Mąątɛ̨nɛ̨ 51:11 - Yálá laawoo hɛɓɛ (dc)

¹¹ 'Ə́ ɲɛ̨́i həɠə nwɔ́ nɛ̨ŋɛ̨nŋąąi diɛ, 'nwɔ́ nɛ̨ŋɛ̨nŋąąi kəlee waa.

Yálá laawoo hɛɓɛ

¹¹ 'Ə́ ɲɛ̨́i həɠə nwɔ́ nɛ̨ŋɛ̨nŋąąi diɛ, 'nwɔ́ nɛ̨ŋɛ̨nŋąąi kəlee waa.

Bible

¹¹ Ífe ŋ́gbɛ̀ íŋɛi-tuɛ. Ífe Ímɔ̂leŋ Maa Waai kùla ǹyêei.

Mąątɛ̨nɛ̨ 51:11 Referans Kwoze

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Tɔɔɓɛlaa veelɛ 13:23

Kɛlaa, Yai-Laa ə Israɛlə nuą ɲɛ̨imąąwɛli kaa, ə ɲɛ̨i lɛlɛɛ hee diɛ, mįnɛ̨ da Abrahamə, Isaakə, Ɉakɔbə ni di ɉəɠə mąą mɛ̨nį ɓa; hvo kɛ bɔ di huwu hvo kpɛɛ, hvo di pili ɲɛ̨ipulu.

Lomaŋ 8:9

Kɛlaa, ka wɛi, ka hvo nu kili yeekɔnma, kɛlaa, Kili-Mąąhəɠɛɛ ɓə; gbala ə tɔɔ, Yálá ŋą Kilii kaa ka hu, nui Kristə nwɔ Kilii hvo ɉu, Kristə nwɔ nu hvə li.

Zɛnɛse 6:3

Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.»

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Samuɛlə dɔlɔɔ 16:14

Yai-Laa nwɔ Kilii ə kulɔ Saulə yəi, ə lɛɛ, Yai-Laa ə ɲįnɛ̨n vilɛn Saulə pulu, yɛ mɔ̨nɔ̨ɓo.

Samuɛlə dɔlɔɔ 10:10

Həli di mo Givea, da Yálá kwəi mɛ̨nį hukulɔ nuą di kwiɛn. Nąąlɔwai, Yálá nwɔ Kilii ə pa bɔ, hvo kɛa kɛ gbɔwɔ yee kɔ́nma lɔ yɛ pələi yiiɠaai tii di kɛ la.

Nwun mąąɓo 16:20

Yili pulu, yɛ Samsɔn ɓa: «Samsɔn, Filisti nuą kaa pai.» Samsɔn ə ɲįnąąɓo, yɛ kɛ nwɔ kwəi pələ: «Gáá pai kulɔi ɉu, yɛ bələi hiɛ ŋą́ kɛ kulɔi la ɉu.» Kɛlaa, hvo kɛ gɔlɔn yɛ kɛ Yai-Laa aa mąą kwɛa mą.

Tɛsalonikə veelɛ 1:9

Di hutɔɔ mɛ̨nį kaa pai kɛi a gahoi kpɛɛ hvo mą, di mąąkwɛaa gu Nąmu ɓa, da ŋą mąąwiɛlaai,

Mąątɛ̨nɛ̨ 71:9

Ɓɛlɔwai ŋɛ̨i ŋą́ą́ pɔlɔ la, 'hvó lənə mą́ą́; ɓɛlɔwai váŋą́ kaa kpɛɛi la, 'hvó ə́ kili kulɔ ɉú.

Tɔɔɓɛlaa veelɛ 24:20

Mɛ̨nįɠaa tii di laa Ɉerusalɛmə da Ɉuda diɛ, mąąhɔlɔɓo, Yai-Laa ə niiŋanwana diɛ, ə di pili kwɛaa la, ə di həɠə ɲɛ̨i mu. Sedesiasə ə muhəɠə Babilonə tɔɔmun nąą ɓa a kɔ́.

Samia Veerɛi 7:15

Kɛlaa, nwóói ŋį́ gwɛlɛ vá ɲali bulu yaa tii mą, yɛ bələi ŋą́ gɛ la a Saulə, yai ŋą́ bili, gɛ́ ɉəɠə ə́ ɲɛ̨i tɔwɔ.

Nwun mąąɓo 15:14

Ɓɛlɔwai di həli la Lɛhi daai, Filisti nuą di pa naakwiɛn ɉii, diɛ tomą a kwəinɛ̨ɛ̨. Kɛlaa, Yai-Laa nwɔ Kilii ə too ɉu, ɲɛli tii di ɲili la, ə kɛ lɔ yɛ nwɔ̨n a yeekali kələn, ə tee ɲeeɠaa diɛ.

Ɉeremi 7:15

Gáá ka pilii kpɔɔ kwɛaa la, yɛ bələi ŋį́ ka kaayɔwɔɠaa Ɛfraimə huwu nuą kɛ la.

Mąątɛ̨nɛ̨ 43:2

Yálá, yɛ́i a mą́ą́ kilɛ taa wala wala, lə ɓə kɛ yai ə́ bílí? Yɛ́ nɛ́ɛ́ laa, gɛ́ li a ɲɛ̨́i mąąwɛliɛ, ɲówó həɛ ɉú kpɔ tii kɛnɛ̨-o?

Zɛnɛse 4:14

Háákələi, ə́ kaa gbɛ́i, yɛ́ ɉə́ɠə tíi kɛ lɔi lɛlɛɛ ɓa, ɛlɛɛ, hvo kɛa pai mɛ̨́i kaai, gáá pai kɛi a nu kpoloon, gɛ́ gilɛ həɠə lɔi mɛ̨i. Gbəli hu, nu ta a kwiɛn a ɲą́ą́, gaa pai báái.»

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Tɔɔɓɛlaa veelɛ 23:27

Yili ɓə gɛ Yai-Laa yɛ kɛ diɛ: «Ə mą kɛ Ɉuda lɔi ɓə, gaa pai di kulɔi ɲɛ̨i mu yɛ bələi ŋą́ gɛ la a Israɛlə lɔi. Ɉerusalɛmə taa kɛnɛ̨i ŋɛ̨i ŋą́ ɉəɠə ɉu a niiɓa taa, ŋą́ mąą kwɛa mą́ą́, ə mą kɛ bɛlɛ́i ŋɛ̨i ŋą́ náá hee mai.»

Nwun mąąɓo 13:25

Ɓɛlɔwai Samsɔn ə kɛ la Mahane-Dan, Sorea da Ɛstaɔlə di lɔwai, Yai-Laa nwɔ Kilii ə gɔwɔ tɔɔ, yɛ too ɉu.