Mąątɛ̨nɛ̨ 50:4 - Yálá laawoo hɛɓɛ (dc)

⁴ Gaa yələkɔlɔn da lɔi di təlii, nwɔ nu huwui kiti tee mɛ̨nį ɓa.

Yálá laawoo hɛɓɛ

⁴ Gaa yələkɔlɔn da lɔi di təlii, nwɔ nu huwui kiti tee mɛ̨nį ɓa.

Bible

⁴ È ŋ̀elei da ǹɔii tôli a gɛɛ díkɛ a ŋɔsêre-ŋa, díkɛ gàa gɛ́ ŋɔnûai dímɛnii ŋá tèe.

Mąątɛ̨nɛ̨ 50:4 Referans Kwoze

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Dutɛrɔnome 32:1

Yələkɔlɔn! Ə́ wəli tɔɔ! Gɛ́ ŋį́ mɛ̨nį ɓo. Lɔi! Nwóóɠaa ŋɛ̨i mɛ̨n!

Dutɛrɔnome 31:28

Yii hu kɛa, galanɉonŋąą kəlee, nɔi nwun nąmįnąą kəlee, ka di ɲąąkpɔn gwɛ́lɛ, ŋį́ nwooɠaa ŋɛ̨i ɓo, ə too di wəlii, yələkɔlɔn da lɔi di kɛ a nwɛ́i gɛla.

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Dutɛrɔnome 30:19

«Gáá háákələi yələkɔlɔn da lɔi di kɛi a kɛla ka mąą mɛ̨nį hu. Gáá ɓalo da haa laai ka ɲɛ̨i; lúwɔ́ da nɛ̨ŋɛ̨n naa. Yɛnɛ̨ɛ̨ həɠə ɉu, ə gɛ, kaa-o, ka huwu hu nuą-o ka lamun yɛnɛ̨ɛ̨.

Mąątɛ̨nɛ̨ 98:9

'Ka gɛ tii Yai-Laa tɔwɔ, mąąhɔlɔɓo, gaa pai lɔi kiti teei, gaa pai yɛnɛ̨ɛ̨ kiti teei a tələnmolaa, ə mą kɛ nu huwuɠaa.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Mąątɛ̨nɛ̨ 50:6

Yələkɔlɔn gaa nwɔ tələnmolaa loloɓoi, Yálá ɓə a kiti teemun.

Dutɛrɔnome 4:36

Ə lɛɛ yələkɔlɔn ɉu, yɛ ka mąąkwɛli a nwoo, ka lɛɛ lɔi mɛ̨i, ə nwɔ nwɔ̨n gɛnɛ̨i lɛ kaa, ɛlɛɛ, ka nwooɠaa mɛ̨n nwɔ̨n nən ɉu.

Ɉeremi 2:9

Yili mąą mɛ̨nį ɓa, gáá kiti pɛlɛi kaa. Gɛ́ bɛlɛ ka lonnii di wɔ lonnii diɛ.