Mąątɛ̨nɛ̨ 50:22 - Yálá laawoo hɛɓɛ (dc)

²² Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Yálá laawoo hɛɓɛ

²² Kaai ka lɛ̨ą Yálá ɓa, ka mɛ̨nįi ti mɛ̨n, ka gbaɠala kaa! Ka wala gɛ tii, ŋą́ ɉuɓɛla, ɛlɛɛ, nu ta hva gulɔ ɲəi kɛ.»

Bible

²² “Kâai káfa káwoli tɔ̀ɔ ḿâi, ka nyíŋi mɛ́ni. À wàla kɛ́ tí, ŋa pâi ká su karâi, ǹyaŋ núu da fé pâi kɛ̂i naa é ká kula yêei kɛ́.

Mąątɛ̨nɛ̨ 50:22 Referans Kwoze

Zôo 8:13

Nuąi da lɛ̨ą Yálá ɓa, di wɔ yɛnɛ̨ɛ̨ laa kulɔ pələ lɔ ka ti; ɓowo mun nwɔ kilitɔɔi hu a kala.

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Mąątɛ̨nɛ̨ 7:2

Yai-Laa, nwɔ́ Yálá, yɛ́ ɓə ŋą́ mą́ą́kilɛ ə́ hvaŋąn mu, nuąi kpɔ di hvilɛnŋąą búlu a kɔ́, 'málo, 'gulɔ di yəi!

Osia 13:8

Gɛ́ wolo diɛ yɛ kwɛli haai daa nonnii kulɔ ɲəi; gɛ́ di líí kulɔ di kwəi, gɛ́ lɛɛ laa, gɛ́ di mįi yɛ yala haa, lɔwɔ huwɔɠaa diɛ di hu hɛɠɛ-hɛɠɛ.

Ɉeremi 2:32

Halakpəla a mɔ̨ɔ̨ lɛ̨ą mąą yili hɛnŋaa diɛ? Toonwəlii nɛ̨ą a mɔ̨ɔ̨ lɛ̨ą nwɔ wɛli gbonoi ɓa? Kɛlaa, nwɔ́ lɔi hu nuą daa lɛ̨ą mą́ą́, nu hvo mąn kɛa voló kɔ́lɔn.

Dutɛrɔnome 32:18

«Ee, Israɛlə! Gwɛnii ŋɛ̨i ə́ mɛ̨i kaai yáá lɛ̨ą mą. A yaai ə́ kɛ yɛnɛ̨ɛ̨! Yálái ŋɛ̨i yɛnɛ̨ɛ̨ tɛɛ ə́ pɔ yáá mąą mɛ̨nį viikpɛɛ kulɔ!»

Amɔsə 2:14

Ə mą kɛ nui gɔwɔ mąą hulaa gilɛ həɠəi, hvo pai pɛlii mąą kilɛi. Nui kpɛli ɉu walawala, hva pɛli nwɔ huwalawala lɛi, ə ma kpɛli kɛ kɔ́kuláá walawala ɓə, nwun mąą hvo pai ɓoi.

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Mąątɛ̨nɛ̨ 10:4

Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Samia Veerɛi 22:42

Da tomą a wɔlɔ, nu ta hva pa hvo di mąą kpɔmąąɓo. Da di woo tɛ Yai-Laa ɓa, hva kpɛli di pɔ pələ kaa.

Lukə 15:17

Hvóló ta, ə hee, ə giliŋąhiɛ, yɛ mą: ‹Kóló kɛ nuą tamąą kaa ną́n ɲəi bɛlɛ́n, diɛ kɔ̨nɔ̨n mį́į́ diɛ gbəli lɛɛ! Kɛlaa, ɲą́ą́ mun, gɛ́ ɓo ɓɛ, gɛ́ haa a pulu!

Egaa 1:5

Ɲą́ą́ Yai-Laa Mɛ̨nį Kəlee ŋą Hééɓomun, gɛ́ ka ka kiliŋąhiɛ, mɛ̨nįɠaai daa həli kaa diɛ.

Izikiɛ 18:28

gili a pu nwɔ kulɔ nwoo mu laai kəlee hu, ɛlɛɛ, a bulu tinɛ̨n gəlee ɓa, gaa pai lɛɛi yɛnɛ̨ɛ̨, ɉəɠə mąą hvo mą, hvo pai haai.

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Ikilisiati 7:14

Ɓɛlɔwai ɲɛnɛ̨ɛ̨ ɲąą a nɛ̨ɛ̨ la gu yəi, ka gu gu kwəinɛ̨ɛ̨. Ɲąąnwąnąą a həli la guɔ, ka gu gu kiliŋąhiɛ, ɲąąnɛ̨ɛ̨ da ɲąąnwąnąą, Yálá kɛ mɛ̨nį ɓaa a gəlee, Ə yili kɛ tii, əgɛ, nu hvo pɛli Yálá kɛ mɛ̨nįɠaa kpun ɉu kaai.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Zôo 10:7

Yɛ́ kpinįi gbaɠala kaa yɛ́, ɉɔ́n və mą́ą́, ə lɛɛ nu ta hva pɛli gúlɔi ə́ yee ŋą.

Mąątɛ̨nɛ̨ 9:18

Nuąi da di woo kala, di pənə tai, di li ɲąmuątaa, a nu huwuɠaai kpɔ tii da lɛ̨ą Yálá ɓai.