Mąątɛ̨nɛ̨ 50:10 - Yálá laawoo hɛɓɛ (dc)

¹⁰ Mąąhɔlɔɓo, lɔwɔ huwɔɠaa kəlee di kaa a nwɔ́ɔ́, da taatɛlɛɛɠaai da di kɔ̨nɔ̨n gwɛli yeeɠaa hu.

Yálá laawoo hɛɓɛ

¹⁰ Mąąhɔlɔɓo, lɔwɔ huwɔɠaa kəlee di kaa a nwɔ́ɔ́, da taatɛlɛɛɠaai da di kɔ̨nɔ̨n gwɛli yeeɠaa hu.

Bible

¹⁰ Vɛnɛ-sãai díkaa ǹɔii sui, díkelee díkaa a ḿbɔɔ. Ǹiŋa-ŋai díkaa ǹyée wála tɔnɔi (1,000) mai, díkaa a ḿbɔɔ.

Mąątɛ̨nɛ̨ 50:10 Referans Kwoze

Zôna 4:11

Yɛ́ Ɉonasə, hvo kɛ bɔ və́ Ninivə daa lee kɛnɛ̨i tii hu nuą mąąwɛli kaa? Nu kpului daai tii hu, di tɛɛi nu waa nwundɔ̨nɔ̨ ɲee hveelɛ hu, kɛlaa, di hvo kɛ mɛ̨nį lɛlɛɛ kɛ pələ kɔ́lɔn di kpɔɔ ɓa; ə mą kɛ daatɛlɛɛɠaa.»

Mąątɛ̨nɛ̨ 104:14

Yá kalaɠaa ɓɔn lɔi mɛ̨i, taatɛlɛɛɠaa kɔ̨nɔ̨n mɛ̨nį ɓa, nu kan ɲɛ hihɛn ɲɛa, yɛ gɔ̨nɔ̨n ɉɔlɔɓo ɉu lɔi yəi.

Danîa 2:38

Yálá aa hvaa mą, aa nu lonnii, da lɔwɔi huwɔɠaa, ə mą kɛ yələi nwɛ̨nįɠaa di lɔ ə yee mu, aa ə́ hee di mɛ̨i. Yɛ́ ɓə ə́ kaa a mąąnįnįn ɉaɠaa tii nwun galən yai kɛ a hɛni.

Zɛnɛse 31:9

Yálá ɓə, ka nąn nwɔ taatɛlɛɛɠaa kulɔ ɲəi, ə dɛɛ bɔ́.

Zɛnɛse 8:17

Ɉuwɔɠaa da nwɛ̨niɠaai kpɔ kɛ ə́ pɔ gələn ɉu, gəlee kulɔ di hala lɔi mɛ̨i nąą kəlee, di di kaa, di huwu ə ɓɛlɛ.»

Zɛnɛse 2:19

Ɉuwɔɠaa da nwɛ̨niɠaai Yai-Laa ə di kulɔ, ə pa a gəlee nu lííla, əgɛ ə gaa, bələi nu kaa pai di laa heei la, əgɛ, naai tii ə lɛɛ diɛ.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!