Mąątɛ̨nɛ̨ 50:1 - Yálá laawoo hɛɓɛ (dc)

¹ Asafə nwɔ wələ woo. Yáláɠaa di wɔ Yálá, Yai-Laa aa hvaa; aa lɔi nuą kəlee təli ɲąąkpɔn ma. Ə həɠə voló kulɔi pələ, ə həli dooi pələ.

Yálá laawoo hɛɓɛ

¹ Asafə nwɔ wələ woo. Yáláɠaa di wɔ Yálá, Yai-Laa aa hvaa; aa lɔi nuą kəlee təli ɲąąkpɔn ma. Ə həɠə voló kulɔi pələ, ə həli dooi pələ.

Bible

¹ Ŋ̀wála-wâla kélee Ɣâlai, Yâwɛɛ è lono. È ŋ̀éniɛi su-ƃelai kélee tòli é síɣe vóloi kulâi pere é tóo vóloi liî-pere.

Mąątɛ̨nɛ̨ 50:1 Referans Kwoze

Mąątɛ̨nɛ̨ 113:3

Ə həɠə hvoló kulɔi pələ, ə həli la dooi pələ, mąąwiɛ ə kɛ Yai-Laa ɓa!

Maafîu 25:32

yɛnɛ̨ɛ̨ nuą kəlee di kaa pai di ɲąąkpɔn ɉii nií la, a di ɓɛlaɓo ɉu a kpulu heei hveelɛ yɛ pələi taa-təlɛɛ nąmu a ɓooliɠaa da ɓɛlaaɠaa di ɓɛlaɓo la.

Zasua 22:22

«Yáláɠaa di wɔ Yálá, yii gaa a Hɛn gəlee Nąmu Yálá, gbaɠala kaa mą, ɛlɛɛ, mąąnɛ̨ɛ̨ Israɛlə nuą kəlee di gbaɠala kaa, akɛ kwɛli tee laa ɓə ŋɛ̨i ku ka gulɔi, awala kɛ tii, akɛ ku kulɔ mɛ̨nį Yai-Laa pɔ ɓə ku yii kɛ la; ku nwun və kulɔ ɉu háákələi.

Amɔsə 3:8

Yala a kɛi huluun, gbɛɛ ɓə hva ɲɔw? Akɛ Nąmu Yai-Laa a gwəi mɛ̨nį ɓo, gbɛɛ ɓə a lənə naa həlii?

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Ɉeremi 10:6

Yai-Laa! Nu ta hvo laa gulaa yɛ́! Ə́ kɛnɛ̨i, ə́ laa kɛnɛ̨i, Ə́ kɛ mɛ̨nį ɲɛ̨i kɛnɛ̨ɠaai ə́ di kɛ, mąą mɛ̨nį ɓa.

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Azaya 37:20

Kɛlaa, Ə́ wɛi, Yai-Laa, ku wɔ Yálá, ku kulɔ ɲəi, ə gɛ yɛnɛ̨ɛ̨ tɔɔlɔiɠaa kəlee di pɛli ɉu kɔ́lɔn ɉi diɛ kɛ, yɛ́ tɔ̨nɔ̨ lɔ ɓaa a Yai-Laa.»

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Mąątɛ̨nɛ̨ 83:1

Wələ woo, Asafə nwɔ hvɛ́li woo.

Mąątɛ̨nɛ̨ 73:1

Asafə nwɔ Yálá mąątɛ̨nɛ̨ woo. A tɛ̨ą, Yálá lii nɛ̨ɛ̨i gwəi Israɛlə pɔ, da nuąi di kwəi kwəlɛɛ.

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Kɔlɔnikɔ Maa-ŋuŋ 25:6

Nuą tii kəlee kɛ di nąn ɲeemu. Di kɛi wələ too Yai-Laa nwɔ pɛlɛ́i mu, a: laloɠaa, gwɛnįnŋąą, da kɛ́ɛ́ɠaa. Di wɔɔ tíɓoi li kɛ Yálá nwɔ pɛlɛ́i mu. Di kəlee kpɔ kpun, di ɓo la tɔɔmun, Asafə da Heman di wɔɔ ɲąąwooɓo mu.

Kɔlɔnikɔ Maa-ŋuŋ 25:2

Asafə lonnii hu: Ɉakurə, Yosɛfə Netania da Asarela. Asafə lonnii di kɛ ɲeemu, Asafə yaa kpɛli, yɛ Yálá kwəi mɛ̨nį hukulɔ tɔɔmun ɲeemu.

Kɔlɔnikɔ Maa-ŋuŋ 16:37

Davidə ə Asafə da nąn nonnii lɛɛ Yai-Laa nwɔ mįnɛ̨ kəhii nií la, diɛ tí mą, yɛ bələi mąą tɔɔ ɓo pələ kaa la a yələ kəlee.

Kɔlɔnikɔ Maa-ŋuŋ 15:17

Di Yoɛlə lon Heman lon ɉee, da Bɛrɛkiahu lon Asafə yii lɛɛ bulu, da Kusayahu lon Etan yii lɛɛ a ɉaaɓa nąą; diɛ kɛ a Merari huwuhu nuą.

Tɔɔɓɛlaa dɔlɔɔ 18:21

Eli ə mąą lɛɠɛ diɛ, yɛ diɛ: «Ka káá pai lɛɛi tɔɔi yai yai, ə lɛɛ la ɉu mįnɛ̨ lɔwai? Akɛ ka káá lɛɛi Yai-Laa gu wɔ Yálái pulu, ka lɛɛ bulu; akɛ ka káá hvilɛn ɉii Baalə pulu, ka hvilɛn bulu.» Kɛlaa, nuą di hvo pɛli woo ta ɓoi.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Kɔlɔnikɔ Maa-ŋuŋ 6:24

Yili a həɠə laa, gaayɔwɔ Asafə yai kɛ mamįiyee hu. Asafə galáni ɓaa: Bɛrɛkiahu, Simea,

Mąątɛ̨nɛ̨ 74:1

Asafə nwɔ nu mąąkwɛli woo. Yálá! Ə́ ku pili kpɔ ti kwɛaa la lə mɛ̨nį ɓa, lə liiholi ɓə ə́ ɉee ə́ wɔ lɔi hu taatɛlɛɛ kpului ɓa?

Mąątɛ̨nɛ̨ 75:1

Nwələ ɲɛ̨itɔwɔmun. Nwələi da kɛ mą: «'Hvo ɉu kala.» Asafə nwɔ hvɛ́li woo.

Mąątɛ̨nɛ̨ 76:1

Nwələ ɲɛ̨itɔwɔmun. Gwɛnin nwələ. Asafə nwɔ hvɛ́li woo.

Mąątɛ̨nɛ̨ 77:1

Nwələ ɲɛ̨itɔwɔmun Yeditun. Asafə nwɔ hvɛ́li woo.

Mąątɛ̨nɛ̨ 78:1

Asafə nwɔ nu mąąkwɛli wələ. 'Ŋą́ nu huwu, 'ə́ wəli tɔɔ nwɔ́ tɔ́n nwooi ɓa, 'ə́ wəli tɔɔ nwooɠaai kulɔi ná, ə too ə́ wəlii.

Mąątɛ̨nɛ̨ 79:1

Asafə nwɔ wələ woo. Ee Yálá! Hįi takpɛliɠaa daa lɔ ə́ kwɛlin nɔi hu, daa ə́ wɔ pɛ́lɛ́i mąąliɓi; daa Ɉerusalɛmə lɛɛ a taa kpoloon.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Mąątɛ̨nɛ̨ 81:1

Nwələ ɲɛ̨itɔwɔ mun, hvaa mąą wələ. Asafə nwɔ wələ woo.

Mąątɛ̨nɛ̨ 82:1

Asafə nwɔ Yálá hvɛli woo. Yálá aa haŋą aa tɔɔ yáláɠaa di wɔ ɲąąkpɔn ɉu. Gaa kiti teei yáláɠaa hąąi.