Mąątɛ̨nɛ̨ 5:10 - Yálá laawoo hɛɓɛ (dc)

¹⁰ A tɛ̨ą, nu hva pɛli gilitɔɔi, di hvaa woo tai lɔpee ɓa, di hu pələ kalaai kpɔ hɔwɔ-hɔwɔ; di kwaną wolo kaa a kámą laa tɛɠaa, di hvaa woo kaa yɛ niminin.

Yálá laawoo hɛɓɛ

¹⁰ A tɛ̨ą, nu hva pɛli gilitɔɔi, di hvaa woo tai lɔpee ɓa, di hu pələ kalaai kpɔ hɔwɔ-hɔwɔ; di kwaną wolo kaa a kámą laa tɛɠaa, di hvaa woo kaa yɛ niminin.

Bible

¹⁰ Óo Ɣâla, dímɛnii ŋá tée, í dísu-kara. Ǹɛɛ naa dí kɔ́ a díkpɔɔi ƃare-ŋai. Díkpɛ íŋɛi-tuɛ, kpɛ́ni fêi, díkaa a sɔnyɔ̂ŋ-ƃela. Dítɔɔ̂i yâ.

Mąątɛ̨nɛ̨ 5:10 Referans Kwoze

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Samia Veerɛi 17:14

Absalɔn da Israɛlə kalanɉonŋaa kəlee diɛ mą: «Arki mun Husai nwɔ liɛwooi aa lɛlɛ, aa tɛɛ Ahitofɛlə nwɛi ɓa.» Yai-Laa ə hvaa mą, ə Ahitofɛlə nwɛi hu kala, yai kɛ viɛlaɓoɔ, ə gɛ, Yai-Laa ə Absalɔn nwun na pili.

Korɛntə dɔlɔɔ 3:19

Hvo gaai, ɲɛ̨nɛ̨ɛ̨ hu kilikɛɲəi laa, gaa a ɓowo Yálá ɲɛ̨i ɓa. Yɛ bələi bɛ̨ɛ̨ la, diɛ mą: «A kilikɛɲəi nuą hon di kpɔ-kpɔɔ gbąnąlaaɠaa hu.»

Mąątɛ̨nɛ̨ 71:13

Nuąi kɔ́ pɛlɛi nwɔ́ yɛnɛ̨ɛ̨ ɓa, di nwun na ə pili a nwumɛ̨; nuąi di kaa bɔ mą́ą́ ə wɛli, ɓáá ə kulɔ diɛ, ɲɛ̨ipaa ə lɛɛ a di wɔɔ.

Mąątɛ̨nɛ̨ 31:18

Yai-Laa, ə́ təlii gáá moi, və́ nwumɛ̨ ɉu, Kɛlaa, nwumɛ̨ ə lɛɛ a nuąi di hva ə́ mąąwiɛ di wɔɔ; di laa pɛlɛ mą, diɛ yɛɛ ɲąmuątaa pələ.

Samia Veerɛi 17:23

Yii kɛa Ahitofɛlə ə gaa yɛ di hvo hvilɛn ɉii nwɔ liɛwooɠaai pulu, ə nwɔ hoohvaalən hąą yili ə hvilɛn bələ ɓa, yɛ li bɔ taai. Ə vɛli ɲəi bɛlɛ́n nuą kəlee diɛ, ə li ə gbɔwɔ hɛlɛn. Haai ə mo, di noo nąn gámą hu.

Samia Veerɛi 15:31

Di pa diɛ Davidə ɓa: «Ahitofɛlə kaa nɔgili kɛ nuą pɔ, da Absalɔn ni ɓə di tɔɔ.» Davidə ə Yálá hvɛli yɛ mą: «Gáá ə́ hvɛlii Yai-Laa, gɛ ə́ Ahitofɛlə kili ŋąą pɛlɛ hvo kilimąą woo ɓo.»

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Woolaa 1:5

Mɔ̨nɔ̨ ɓo nuą yee aa tɛɛ mą, ɲowoɠaa kwəi aa nɛ̨ɛ̨. Yai-Laa aa mɔ̨nɔ̨ laa mɛ̨i, nwɔ túwɔ́ pələ ɲɔ̨n damąą mąą mɛ̨ni ɓa. Ɲowoɠaa daa li a nonnii kəlee luwɔlaa hu.

Mąątɛ̨nɛ̨ 55:15

Nɛ̨ɛ̨laa ɲąąnɛ̨ɛ̨ aa kɛ gu yili gu kee ɓa, gu ɓo gu kee pɔ Yálá yəi bɛlɛ́n guɔ hiɛ gu kee pɔ.

Mąątɛ̨nɛ̨ 35:26

Nuąi kpɔ nwɔ́ mɔ̨nɔ̨ kaa a di kwəinɛ̨ɛ̨ mɛ̨nį, 'nwumɛ̨ ə gəlee ɲɛ̨i paa a gee! Nuąi kpɔ tii kɛi di nwun dɛ, nwumɛ̨ da ɓáá-kulɔmąą, ə kɛ a di mąą həɠə!

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.

Danîa 9:5

Kwaa kulɔ ə́ woo mu, kwaa nɛ̨ŋɛ̨n ɉəɠə yɛ́, kwaa kɛ a hɔn mąą nuą, kwaa ku kwɛli tee yɛ́, kwaa ku pulu tɔɔ ə́ wɔ tɔ́n da bɔ liɛwooɠaa diɛ.

Azaya 1:20

Kɛlaa, ka wala gɛ, ka lɛɛ lɔ a ka pulu tɔɔ mą́ą́, ka lɛɛ a kɔ-kɔ ɓɔwa kɔ̨nɔ̨n. Bələ ɓə Yai-Laa ə mo la.

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Mąątɛ̨nɛ̨ 107:11

Mąąhɔlɔɓo daa kɛ kulɔ Yálá woo mu, daa Hɛn Gəlee Mɛ̨imun Yálá nwɔ liɛwooɠaa lɛɛ.

Mąątɛ̨nɛ̨ 79:12

Mɔ̨nɔi ku kwɛlɛ nuą daa naa kuɔ, yili gwələ kulɔ diɛ geemɛ̨i mɛ̨ihveelɛ, ə yali di lii ɓa.

Mąątɛ̨nɛ̨ 66:7

Vąŋą kɛnɛ̨ pələ, Heeɓolaa kaa ɲəi a yələ kəlee mɛ̨nį, ɲɛ̨i ə ɓo lɔiɠaa diɛ, nuąi diɛ di tɔɔ nai, da too, di hvo di muhəɠə, kpɔ kɔlɔ-kɔlɔ.

Mąątɛ̨nɛ̨ 17:13

'Ə́ muhəɠə Yai-Laa, ə́ kɔ́ pɛlɛ mą, 'ɲali bulu! 'Nwún mąąɓo a ə́ wɔ ɓɔwa kwɛai, nwąnąlɔmun ɲəi.

Mąątɛ̨nɛ̨ 10:15

Nwąnąlɔmun, nwɔ nwąnąlɔ yeei hu yali, nwɔ nwąnąlɔlaa hvɛla tɛɛi bɔ, ə kwɛlɛɛn ə́ ɲɛ̨i mu, hvó kɛa gaa.

Kɔlɔnikɔ Veerɛi 25:16

Ə lɛɛ lɔ hvaai, Amasiasə ə bələ tee mɛ̨i ɲəi, yɛ mą: «Gbɛɛ ɓə ə hee a tɔɔmun niɛwoo kɛmun? 'Kpəla mą! Awala kɛ tii, ə́ kaa bɔ di ə́ kɛlɛ?» Yálá kwəi mɛ̨nį hukulɔ mun ə naa pilɛ; kɛlaa, yɛ mą: «Ŋą́ą́ gbaɠala kaa, gɛ́ diɛ, Yálá kaa bɔ ə ə́ paa. Hvó gaai, dúwɔ́ taaləi tii yáá mo, ɛlɛɛ, hvo gɛ li hvó ə́ wəli tɔɔ nwɔ́ɔ́ liɛwoo ɓa.»

Samuɛlə dɔlɔɔ 25:39

Davidə ə Navalə haa mɛ̨nį bələ mɛ̨n, yɛ diɛ: «Mąąwiɛ ə kɛ Yai-Laa ɓa, aa mą́ą́ tɛ̨ą ɓo nwumɛ̨ mɛ̨nįi Navalə ə gɛ a ɲą́ą́ ɉu. Ɛlɛɛ ə ɲee too nwɔ tí mun ɉu, yili hvo mɛ̨nį ɲɔ̨nwɔ̨ɔ̨ kɛ li. Navalə nwɔ mɛ̨nį ɲɔ̨n tii, Yai-Laa aa nwulu lɛɛ Navalə kpįnįi nwuɔ̨.» Davidə ə nuą tɔɔ, diɛ li Avigailə hu hvɛlii hilɛ tai mɛ̨nį ɓa.

Samuɛlə dɔlɔɔ 25:29

Nuą daa di muhəɠə nwɔ́ mɛ̨nį Nąmu laa ɓa, di hvilɛnŋaa bulu, ə gɛ di baa, kɛlaa di ma gɛ tii, nwɔ́ mɛ̨nį Nąmu nwɔ yɛnɛ̨ɛ̨ a lɛɛ Yai-Laa ə́ wɔ Yálá yəi, ə naa hɔn mo. Kɛlaa, ə́ yowoɠaa di wɔ yɛnɛ̨ɛ̨ nwɛi, Yai-Laa a naa vingwɛni hu, ə bili kpɔ kwɛa la.

Dutɛrɔnome 2:30

Kɛlaa, Hɛsbɔn tɔɔmun Sihɔn hvo hvaa mą ku hvo tɛɛ nwɔ lɔi hu. Yai-Laa aa kɛ gili walawala, bələ ɓə ə tɛɛ la yɛ doo gu yee ŋą a nąąlɔwai.