Mąątɛ̨nɛ̨ 49:5 - Yálá laawoo hɛɓɛ (dc)

⁵ Ŋą́ nwə́li tɔɔ kpɔ a nɛlɛɛ hanwon ma, ŋį́ mɛ̨nį hukpinɛ̨ɛ̨ hu pɔ̨nɔ̨ a nwɔ́ gwɛnįn nwooi.

Yálá laawoo hɛɓɛ

⁵ Ŋą́ nwə́li tɔɔ kpɔ a nɛlɛɛ hanwon ma, ŋį́ mɛ̨nį hukpinɛ̨ɛ̨ hu pɔ̨nɔ̨ a nwɔ́ gwɛnįn nwooi.

Bible

⁵ Fé yaôi mɛni kpɔ̂lu da kélee ma, berei máŋ ŋ́gbɔara-ƃelai tínaŋɔ̂ɔi la ḿâi.

Mąątɛ̨nɛ̨ 49:5 Referans Kwoze

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Filipə 1:28

'ká hvo nɛɛ laa ka yowoɠaa di hvo ka mąą ɲɔw mɛ̨nį ta hu, yili a di kili pu ɉu, diɛ, di kaa nwun na pili pələ mɛ̨i, kɛlaa ka wɛi, ə ɓo a ɓalo pələ. Yili a həɠə Yálá pɔ.

Ifisiɛŋ 5:16

diɛi, da yiihu yɛnɛ̨ɛ̨ ŋɛ̨i dɔlɔ hɔlɔɓo, mąąhɔlɔɓo hvóló ɲɔ̨nwɔ̨ɔ̨ɠaa kaa hɔɔi gu mɛ̨i

Amɔsə 5:13

Yili ɓə a gɛ, lɔwai tamąą hu, yɛ pələi ka wɛi ŋɛ̨i kaa la, nui kili kaa mą, hva hvaa. Mąąhɔlɔɓo, ka wɔ lɔwai ŋɛ̨i hvo lɛlɛ li.

Osia 7:2

Ɛlɛɛ di hvo kɛ gɔlɔn di kwəi pələ diɛ kɛ mɛ̨nį ɲɔ̨n di kaa gɛi, gáá gəlee kili lɛɛi ɲą́; yiihu, di kɛ mɛ̨nįɠaa daa di yili, di kaa ɓɛ ɲɛ̨́i mu.

Hanwon 24:10

Ɲələi líitoo pulu mɛ̨nį a həli la yɛ́, yá wala ə́ liikpələ, hvaŋą hva lɛɛ ə́ yəi.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Mąątɛ̨nɛ̨ 38:4

Ə́ wɔ líiholii aa kulɔ ną́ą́ kəlee, aa gbóną. A tɛ̨ą, gɔ́w kəlee kponąąi ɉú, a gɛ́ nɛ̨ŋɛ̨n naa pɔɔ!

Mąątɛ̨nɛ̨ 23:4

Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ.

Mąątɛ̨nɛ̨ 22:16

Gwáną aa kpala, yɛ kwɛahaɠa a kɛ nwɔ̨n ɉu, nɛ̨́n yɛ kanąn nɛ̨́ŋɛ̨-nɛ̨ŋɛ̨ mu, yáá náá kámą la pɔlɔkpɔlun ɉu.

Samuɛlə dɔlɔɔ 26:20

Yálá hvo gɛ ɲą́mą hvo pu lɔi ɓa, mą́ą́ kwɛa Yai-Laa ɓa. Mąąhɔlɔɓo, Israɛlə tɔɔmun aa kɔ́ muhəɠə, vilɛn ŋąą la kpə-kpə pulu, yɛ da kɛi haɉali kpɛ yeeɠaa lɔwai.»

Zɛnɛse 49:17

Dan kaa a pələi kaalə, yɛ pələ kwɛlɛ tumo. Yɛ naa pili hoo wɛlɛ pulu, mɛ̨imun ə too, gɔwɔ ə tɛ mɛ̨i.

Lonon mo 23:7

Nąąlɔwai, Balaamə yɛ kɛa nwələi ŋɛ̨i too, yɛ kɛ mą: «Balakə ə də́li Aramə lɔi hu, Ŋą́ kɛ Kɛdɛmə yee lɔiɠaa hu, Moabə tɔɔmun yɛ də́li. Yɛ kɛ mą́ą́: 'Pá ə́ Ɉakɔbə nɛ̨ŋɛ̨n naa! 'Pa ə́ Israɛlə ɲɛ̨i paa.

Mąątɛ̨nɛ̨ 78:2

Gáá mɛ̨mi ɓoi yɛ hanwon ɉu, gɛ́ tɔwɔ tɔwɔ mɛ̨nįɠaa ɓɛla hanwon ɉu.