Mąątɛ̨nɛ̨ 48:11 - Yálá laawoo hɛɓɛ (dc)

¹¹ Yálá, Ə́ mąątɛ̨nɛ̨ woo da ə́ laa, a lɔi nąą kəlee kulɔ ə́ ɓa-mįi-yee laahvɛɛi a tələnmolaa.

Yálá laawoo hɛɓɛ

¹¹ Yálá, Ə́ mąątɛ̨nɛ̨ woo da ə́ laa, a lɔi nąą kəlee kulɔ ə́ ɓa-mįi-yee laahvɛɛi a tələnmolaa.

Bible

¹¹ Gɛ́ Zãiyɔŋ-ƃelai líi é nɛ̃ɛ. Ya nûa dímɛni ŋá tèe a tɔ̃yâ-pere. Gɛ́ Zuda-ƃelai dí koi-nɛ̃ɛ kula daa-lee-ŋai su Zuda kpiniŋ su.

Mąątɛ̨nɛ̨ 48:11 Referans Kwoze

Mąątɛ̨nɛ̨ 97:8

Yai-Laa! Ə́ wɔ kiti wooɠaai mąą mɛ̨nį ɓa, Siɔn a bələ mąn, yɛ mąą kwəinɛ̨ɛ̨ kulɔ, Ɉuda taaɠaa diɛ mąą mąną kaa.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

Lukə 23:28

Jesus ə tinɛ̨n ə mo diɛ, yɛ diɛ: «Ɉerusalɛmə nɛ̨ą, ka hvo wɔlɔ mą́ą́ mɛ̨nį ɓa, kaamun, ka ka kpɔɔ mąą wɔlɔ ɓo da ka lonnii.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Azaya 37:22

Mɛ̨nįi Yai-Laa kaa moi, yɛ hvilɛn Senakeribə ɓa ya ka: «Siɔn nɛ̨ɛ̨gbɛla aa tɛɠɛɓo ə́ hu, yɛ yɛlɛ yɛ́, Siɔn nɛ̨ɛ̨gbɛla, mąąɲąŋąą, Ɉerusalɛmə nɛ̨ɛ̨gbɛla, kaa gɔn gbɛlaan ɉi a yɛ́, ə́ pulu pələ.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Wɛli 3:5

Ka ka gwɛla, Ɉerusalɛmə nɛ̨ɛ̨lɛa, ka ka kwɛla a palai-lomąɠaa, kpɔ a kpalan mɛlaɠaa laa, kaa ka hvo pai yíi tee wɛlikɛmąą ɲɛ̨i, ka hvo wɛlikɛmąą nwun; gwəinɛ̨ɛ̨ mɛ̨nį hvo pa tee mɛ̨i.

Wɛli 2:7

Ka ka gwɛla, Ɉerusalɛmə nɛ̨ɛ̨lɛa, ka ka kwɛla a palai-lomąɠaa, kpɔ a kpalan mɛlaɠaa laa, kaa ka hvo pai yíi tee wɛlikɛmąą ɲɛ̨i, ka hvo wɛlikɛmąą nwun; gwəinɛ̨ɛ̨ mɛ̨nį hvo pa tee mɛ̨i.

Wɛli 1:5

Gáá kpɛli ŋɛ̨i a hvɛliɓamun, nɛ́lɛɛi, ə həli kaa Ɉerusalɛmə nɛ̨ɛ̨lɛa. Nɛ́lɛɛi yɛ nini kɔ́lɔ həɠə. Yɛ Salomɔn nwɔ gąną-həɠə.

Mąątɛ̨nɛ̨ 58:10

Gɛɛ ka wɔ ləɠiɠaa di hvo nwɔ̨n nən daŋą, ka kɛ nii a ka nwunu, ka pɔlɔ, líiholi kɛnɛ̨ɛ̨ a ka hu kala!

Nwun mąąɓo 5:31

«Yai-Laa, pələ ɓə ə́ yowoɠaa kəlee nwun na a pili la, Kɛlaa, ə́ wɛlikɛmąą nuą, da lən yɛ hvóló a tɛ nwun ma.» Bələ ɓə Israɛlə lonnii di líilaa hɔlɔɓo la, kwɛlan bow nąąn ɲee mu.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.