Mąątɛ̨nɛ̨ 47:1 - Yálá laawoo hɛɓɛ (dc)

¹ Nwələ ɲɛ̨itɔwɔmun, Kore lonnii di wɔ wələ.

Yálá laawoo hɛɓɛ

¹ Nwələ ɲɛ̨itɔwɔmun, Kore lonnii di wɔ wələ.

Bible

¹ Kákelee ka káyee ŋá lókwa a koi-nɛ̃ɛ pere. Ka Ɣâla láa ma tɛ́ a wule-ŋa.

Mąątɛ̨nɛ̨ 47:1 Referans Kwoze

Mąątɛ̨nɛ̨ 106:47

Yai-Laa, ku wɔ Yálá! 'Ku ɓalo wɛ! 'Ku kulɔ huwu takpɛliɠaa lɔwai, ə ku ɲąąkpɔn. Kuɔ pɛli Ə́ laa Mąąhəɠɛɛ tooi a wələ, ɛlɛɛ, Ə́ mąątɛ̨nɛ̨ mɛ̨nį ə ɓo a ku ɲɛ̨i pono mɛ̨nį.

Mąątɛ̨nɛ̨ 98:4

Yɛnɛ̨ɛ̨ nąą kəlee! 'Ka tómą Yai-Laa pɔ pələ, 'ka tómą a kwəinɛ̨ɛ̨ 'ka wələ too, ka hvɛ́li hee mu.

Ɉeremi 31:7

Mɛ̨nįi Yai-Laa kaa moi, ya ka, yɛ diɛ: «'Ká ka yee lɔwa Ɉakɔbə ɓa a kwəinɛ̨ɛ̨, ka lɔiɠaa ɲąąwooɓomun laakwiɛn a ɲɛ̨i kɛnɛ̨, ka tomą ka kwəinɛ̨ɛ̨ kulɔ, kaa diɛ: ‹Yai-Laa nwɔ nu kpəlii aa lɛɛ a Israɛlə, gaa di nwun mąąɓoi›.»

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Mąątɛ̨nɛ̨ 47:5

Ə ku kwɛlin nɔi kulɔ ɉu a dee, niiɓamun Ɉakɔbə ɲɛ̨i pɔ̨nɔ̨ mɛ̨nį li.

Tɔɔɓɛlaa veelɛ 11:12

Nąąlɔwai Yehoyada ə pa a tɔɔmun, ə dɔɔ ɓɔlɔ lɔ nwuɔ̨, di dɔɔmun mąąyili hɛnŋąą kɛ mą, di ɉee a tɔɔmun, diɛ di yee lɔwa mą, diɛ kɛ diɛ: «Tɔɔmun ɲíi ə kwɛa!»

Samia Veerɛi 6:15

Davidə da Israɛlə nuą kəlee di kɛ hvilɛn ni Yai-Laa nwɔ mįnɛ̨ kəhii pulu, diɛ paa la; diɛ wələ too mɛ̨i, diɛ lalo yɔw.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Zakari 4:7

«Yɛ́i ŋɛ̨i a ɲee tɔɔi, ə́ kaa kpɔ a lə? Yáá lɛɛ kpɔ a nɛ̨ɲɛ̨ lɔi Zorobabɛlə ɲɛ̨i tɔwɔ, nąą ɓə gwɛni kɛnɛ̨ɛ̨ kaa pai kulɔi laa nuą diɛ mąątɛ̨nɛ̨.»

Mąątɛ̨nɛ̨ 98:8

Yá kpɛa-kpɛaɠaa kəlee di di yee lɔwa, yeeɠaa di tómą a kwəinɛ̨ɛ̨.

Kɔlɔnikɔ Veerɛi 13:15

Ɉuda nuą di tómą kpɔ a kɔ́ mɛ̨i woo, ɓɛlɔwai di kɛi tómą la, Yálá ə yɔwu too Ɉeroboamə da Israɛlə nuą hu Abiya da Ɉuda nuą tɔwɔ.

Samuɛlə dɔlɔɔ 10:24

Samuɛlə yɛ nɔi lonnii kəlee diɛ: «Nui Yai-Laa ə ɲee lɛ mą, kaa gaa! Gɔɔn mąą hvo nɔi lonnii kəlee lɔwai.» Nąąlɔwai, nu kəlee ə ɲee lɔwa, diɛ tomą, diɛ kɛ mą: «Tɔɔmun ə́ yii ə kwɛa!»

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Mąątɛ̨nɛ̨ 42:1

Nwələ ɲɛ̨itɔwɔmun. Kore lonnii di wɔ kiliŋą pono wələ.