Mąątɛ̨nɛ̨ 45:8 - Yálá laawoo hɛɓɛ (dc)

⁸ Mɛ̨nį haŋąą wɛli kaa yɛ́, yɛ́ wɛlikpɛɛmąąlaa kulɔ a mɛ̨nį ɲɔ̨n, yili ɓə gɛ, Yálá, ə́ wɔ Yálái yɛ ə́ mąąti a kwəinɛ̨ɛ̨ wulɔ, yɛ ə́ hviɛlaɓo la tii ə́ ɓɛlaa diɛ.

Yálá laawoo hɛɓɛ

⁸ Mɛ̨nį haŋąą wɛli kaa yɛ́, yɛ́ wɛlikpɛɛmąąlaa kulɔ a mɛ̨nį ɲɔ̨n, yili ɓə gɛ, Yálá, ə́ wɔ Yálái yɛ ə́ mąąti a kwəinɛ̨ɛ̨ wulɔ, yɛ ə́ hviɛlaɓo la tii ə́ ɓɛlaa diɛ.

Bible

⁸ Wúru-ya kúŋ nɛ̃ɛ puɔɔ̂i íseɣei ma gwaa kélee. Ípɛrɛi mu kpɛtɛɛ̂i a séle nyîŋ-ŋa, wule too-ƃela díkɛ kɔnîŋ ɣàle yâ, ílii láa.

Mąątɛ̨nɛ̨ 45:8 Referans Kwoze

Wɛli 1:3

Ə́ mąątí wulɔ a ə́ mąą kun nɛ̨ɛ̨! Guɔi! Yá nu lii hon. Ɉɛn kpɔ a gɛ, ə́ wɛli yɛ too la nɛ̨ɛ̨lɛa diɛ, yaa li.

Ɉaan 19:39

Nikodɛmə tii ta li Jesus pɔ a kpinį, yaa kpɛli ə mąątí wulɔ kun-nɛɛ hveelɛ humu (mirə wulɔ da alowɛsə wulɔ) a gee, ə kɛ a tuku tɔ̨nɔ̨ da gbulɔ.

Wɛli 4:6

Gɛɛ pɛlɛ́ kɔ́n nįnįn hvo pu gee hu, gɛɛ hvitili hvo kɛ pui, gáá gíliŋąhiɛi bá mɛ̨nį ɓa, gɛ́ diɛ, ní hiɛ ka ɉamą kun nɛ̨ɛ̨ yee ɓa, da lansan yee ɓa.

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Mąątɛ̨nɛ̨ 16:11

Yá yɛnɛ̨ɛ̨ kɛ pələ lɛ mą́ą́, kwəinɛ̨ɛ̨ kɛnɛ̨ lɔ ɓə ə́ lííla; a mɛ̨nį ɲąąnɛ̨ɛ̨ɠaai kpɛɛ hvo mą, diɛ ɓə ə́ ɓa-mįi-yee hu.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Ɉaan 14:2

Nu heei tamąą kaa Ną́n Yálá pɔɔli. A wala kɛ tii, ŋą li kɛ kaa: gáá lii ŋį́ kɛɛnąą ta pɛli ka laa ɓa.

Amɔsə 3:15

Vaŋą ɲɔ̨nwɔ̨ɔ̨ tɛɛ lɔwai, bɛlɛ́ɠaai da kɛ di nwun mąą kilɛi mu, ŋį́ gəlee wolo, ŋį́ di wɔ hvóló laa teɛ pɛlɛ́ɠaai wolo. Ŋą́ di wɔ hə́lə́ ɲįn bɛlɛ́ɠaai wolo, ŋį́ di wɔ pɛlɛ kpɛa kpɛai pu. Yai-Laa woo li.

Wɛli 5:13

Gumɔɠaa kaa yɛ wulu powa mąą kun nɛ̨ɛ̨, gun yɛ tɛ. Naawulun gaa yɛ yagbudɛn powa aa kɛi hvólón; yai gun a kulɔ a nɛ̨ɛ̨.

Wɛli 5:5

Ŋą́ mąn múhəɠə ɉa, gɛ́ li bɛlɛ́ laa ɓoi, nwɔ́ wɛlii tɔwɔ. Ɲéé ŋą yɔwɔ ni a mąątí wulɔ, gun nɛ̨ɛ̨ yɛ hąmą; nwulɔ kun nɛ̨ɛ̨ tii kɛ ɲéé ɓa, ə lɛɛ gbon-gwɛli ɓa.

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Wɛli 1:13

Nwɛ́likɛmąąmun kaa ɲə́i yɛ hąmą ɓíi mąąkun nɛ̨ɛ̨ naa ɲíni lɔwai yɛ vįitɔɔ.

Mąątɛ̨nɛ̨ 150:4

'Ka mąątɛ̨nɛ̨ a damąn da mąną kaa, 'ka mąątɛ̨nɛ̨ a hvɛ́li kɛ hɛn yii ɲɛli kaa mą.

Tɔɔɓɛlaa dɔlɔɔ 22:39

Akabə kɛ mɛ̨nį gbəliɠaa, yiiɠaai kpɔ ə gɛ, ɉələ ɲin bɛlɛ́i ə dɔɔ, ə mą kɛ daa kpɛa kpɛaai ə dɔɔ, gəlee di hvo mɔ̨ɔ̨ pɛ̨ɛ̨ li Israɛlə tɔɔɓɛlaa kɛ mɛ̨nį hɛɓɛ́ hu?

Mąątɛ̨nɛ̨ 45:15

Mąąyiliɛ a həɠə ɲɛ̨i tɔɔ, diɛ li la tɔɔmun bɔ, mɛlaa nɛ̨ɛ̨lɛai tii bɔ, di kaa lɔi tɔɔmun ɲəi bɛlɛ́n.

Mąątɛ̨nɛ̨ 11:7

Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.