Mąątɛ̨nɛ̨ 45:7 - Yálá laawoo hɛɓɛ (dc)

⁷ Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Yálá laawoo hɛɓɛ

⁷ Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

Bible

⁷ Í tɔ̃yâ mɛni wɛ́lini. Ífe wɛ́lini a mɛni nyɔ́mɔɔ kélee da. Sâpoi ŋí ƃé Ɣâla nyii gáa a Íɣâlai a ísiɣe la, a íkɛ a kâloŋ, a ísee. Kâloŋ da fé seri ní ípɔ.

Mąątɛ̨nɛ̨ 45:7 Referans Kwoze

Hebreu 1:9

Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Mąątɛ̨nɛ̨ 21:6

Ə́ wɔ yeetɛɛmąąlaa, aa kɛ mą a ɲɛ̨i pɔ̨nɔ̨ kɛnɛ̨, Yáá mąąwiɛ kɛ mą, loo hvo mą.

Mąątɛ̨nɛ̨ 33:5

Tələnmolaa da tɛ̨ą di wɛli kaa Yai-Laa ɓa, lɔi laahvɛɛi a Yai-Laa yəi mɛ̨inɛ̨ɛ̨.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Gɛlaɠaa 2:28

Bələi nu ya tɛɛ la ə́ yɛnɛ̨ɛ̨ kɛ, yaa yili lɛ mą́ą́, ya kɛ gwɛ́lɛ, yili ɓə a nááhvɛɛ a kwəinɛ̨ɛ̨.›

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Mąątɛ̨nɛ̨ 101:8

Yələ wala pɔ tɛi tɛi, nuąi da mɛ̨nį ɲɔ̨n gɛ nɔi hu, gáá pai di laa kpului, gɛ́ mɛ̨nį ɲɔ̨n gɛ nuą kəlee kulɔ Yai-Laa nwɔ taai kwəi.

Ɉaan 1:16

A tɛ̨ą nwɔ mɛ̨inɛ̨ɛ̨ kɛnɛ̨i tii, gu kəlee gu da hɔlɔɓo, lúwɔ́ ə laa lúwɔ́ mɛ̨i guɔ ɉɔlɔɓo.

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Mąątɛ̨nɛ̨ 89:26

Gáá pai gboloyá laai ɲee mu, nwɔ heeɓolaa yɛ hee yáleeɠaa mɛ̨i.

Mąątɛ̨nɛ̨ 89:20

Ə́i kpɔwɔ lɛ a yələ ta, ə́ pələ ɓo ə́ liiɓa nuą diɛ, yɛ diɛ: Ŋą́ą́ kpɔnmąą tɛɛ kulaa ta pɔ, ŋą́ą́ nwɔ́ lɔi hu laŋąlon da hvaŋą tɛ.

Mąątɛ̨nɛ̨ 11:7

Mąąhɔlɔɓo, Yai-Laa tələnmoɔi, tələnmolaa wɛli kaa mą, ɛlɛɛ, tələnmo nuą diɛ ɲɛ̨ilai gaa.

Lukə 3:22

Kili-Mąąhəɠɛɛ ə yɛɛ mɛ̨i yɛ tonwələn. Woo ta ə tɔɔ yɛ həɠə yələkɔlɔn ɉu, yɛ kɛ mą: «Yɛ́ ɓə ə́ kaa a nííɓa Lon ɉulɔnu, yii nwɛli kaa mą́ą́; ŋą́ą́ nííɓa mɛ̨nįɠaa kəlee lɛɛ yɛ́.»

Maafîu 3:15

Jesus ə nwoo ŋąąpənə, yɛ mą: «'Hváá mą, ə́ mą́ą́waa. Hvó gaai, bələ ɓə mąąnɛ̨ɛ̨ gu Yálá liiɓa mɛ̨nį ɲɛ̨i kulɔ la.» Ɉaan ə hvaa mą ə mąąwaa.

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

Tɔɔɓɛlaa dɔlɔɔ 19:16

Yili pulu, ə́ dɔɔ wulɔ lɔ Nimsi lon Ɉehu ɓa, ə́ gɛ a Israɛlə tɔɔmun. Ɛlɛɛ, Safatə lon Elise, yai gaa a Avɛlə-Mehola mun, 'ə́ dɔɔ wulɔ lɔ mą, 'ə́ gɛ a gwə́i mɛ̨nį hukulɔ mun a ə́ mąąhvalin.

Levetekɔ 8:12

Ə nwulɔ mąąhəɠɛɛ tii ta pu Aarɔn nwuɔ̨, ə da lɔ mą, yɛ naakwɛlanmo la Yai-Laa ɓa.

M̀ɛni-lɛɛi 21:27

Mɛ̨nį kɔhɔɓoɔ da lɛɛ, di ha lɛɛ nu ta yee pɔ hvo lɔ la laa, kɛlaa, hvo kɛli lɔ nuąi di laa pɛ̨ɛ̨ kaa mɛlaa lon ŋą yɛnɛ̨ɛ̨ kɛ hɛɓɛ́ hu, diɛ ɓə da lɔ laa.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Ɉaan 20:17

Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Lukə 13:27

A pənə ə mo kaa nwɔ̨nɔ̨ a nįnɛ̨, yɛ kɛ kaa: ‹Ɓɛi ka həɠə laa, və́ nąą kɔ́lɔn, ka ka mąą kwɛa mą́ą́, ka mɛ̨nį ɲɔ̨n gɛ nuą ŋɛ̨i.›

Maafîu 7:23

Nąąlɔwai, ŋą kɛ diɛ: ‹Və́ ka kɔ́lɔn! Ka ka mąą kwɛa mą́ą́ ka mɛ̨nį ɲɔ̨n gɛ nuą ŋɛ̨i.›»

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.