Mąątɛ̨nɛ̨ 44:5 - Yálá laawoo hɛɓɛ (dc)

⁵ Ee kə Yálá! Yɛ́i a nwɔ́ Heeɓomun, Yɛ́ ɓə kɛi gɛ, kɔ́ɠaa diɛ nɛ̨ɛ̨ Ɉakɔbə ɓa.

Yálá laawoo hɛɓɛ

⁵ Ee kə Yálá! Yɛ́i a nwɔ́ Heeɓomun, Yɛ́ ɓə kɛi gɛ, kɔ́ɠaa diɛ nɛ̨ɛ̨ Ɉakɔbə ɓa.

Bible

⁵ Íwala-wala-laai ƃa gɛ̀ kúkɛ kúkpɔara-ƃelai yée mɛi ɣâle.

Mąątɛ̨nɛ̨ 44:5 Referans Kwoze

Mąątɛ̨nɛ̨ 108:13

'Pa, ə́ kpɔnmąą tɛɛ ku pɔ, ku yówóɠaa tɔwɔ. Mąąhɔlɔɓo, nukan nwɔ kpɔnmąą a nu ɓowó.

Mąątɛ̨nɛ̨ 60:12

Ə kulɔ ə́ pulu, Yálá, yɛ́i ŋɛ̨i yáá ku pilii, yɛ́i hvo kɛa bɔ, hvo li a ku wɔ kɔlaɠaɠaai kɔ́ ɓa.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Danîa 8:4

Ŋą́ mɛlaa hilɛi tii kaa, yɛ nwun bili voló tooi pələ, ɲələi pələ da ɉɛɠɛɛ pələ, huwɔ lɔpee ta hva kɛ pɛli tɔɔi dɔwɔ, nui lɔpee ta hvo kɛi pɛli hɛn da kulɔi ɲəi. Yii a nɛɛ mą, ya ɓə a gɛ, ə lɛɛ, yɛ kɛnɛ̨.

Mąątɛ̨nɛ̨ 91:13

Ə́ kaa pai hiɛi yala da tumo di mɛ̨i, yɛ́ ɓɔlɔn yala lon da yíleen di mɛ̨i.

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Tɔɔɓɛlaa dɔlɔɔ 22:11

Nąąlɔwai Kenaana lon Sidkiyahu, ə huwɔ mįnɛ̨ pɛli a kwɛli, ə dɔɔ nwuɔ̨, yɛ kɛ diɛ: «Yai-Laa yɛ diɛ: ‹Mįnɛ̨ɠaa ŋɛ̨i, di kaa a huwalawalai ə́ kaa lii Aramə nuą huwu pui la, mąą pɔɔ kɔ́ɔn.›»

Mąątɛ̨nɛ̨ 5:3

Ə́ təlii gáá moi, ə́ wəli tinɛ̨n bɔ́ pələ, nwɔ́ tɔɔmun, nwɔ́ Yálá! Yɛ́ ɓə gáá ə́ təlii.

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.