Mąątɛ̨nɛ̨ 44:3 - Yálá laawoo hɛɓɛ (dc)

³ Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Yálá laawoo hɛɓɛ

³ Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Bible

³ Ínûai dífe ǹɔii su-ƃelai yée mɛi ɣále ní a díƃoa-sɔkpɔ-ŋai, kpaa máŋ díkpîŋ wala-wala-laai. Kɛ́lɛ yá ƃé gɛ̀ a íwala-wala-laai da íkɛ naa-laai. Íkɛ naai maa laa laai è ǹɛ a gɛɛ í díwɛlini.

Mąątɛ̨nɛ̨ 44:3 Referans Kwoze

Zasua 24:12

Ŋį́ gbeapili kpulu tɛɛ ka ɲɛ̨i tɔwɔ, di Amɔrə tɔɔɓɛlaa hveelɛi kpɛ ka ɲɛ̨i tɔwɔ; ka wɔ kɔ́ kɔ́ ɓɔwaɠaa, da ka wɔ kilɛŋąąi hvəi yili kɛ.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Mąątɛ̨nɛ̨ 77:15

Yɛ́ ɓə a kpalo mɛ̨nįɠaa kɛ Yálá, Ə́ ə́ wɔ huwala walalaai lɛ nuą diɛ.

Mąątɛ̨nɛ̨ 20:6

Akɛtii kwa yɛ́ yeetɛɛmąąlaa mąą kwəinɛ̨ɛ̨ kulɔ. Kuɔ kɛa ɉilɛyili tɛ ɲələi ku wɔ Yálái laa hu. Gɛ́, mɛ̨nįi ə́ kaa vɛlii, Yai-Laa ə gəlee kɛ yɛ́!

Dutɛrɔnome 10:15

Yaan, ka nąnni lɔ ɓə Yai-Laa ə kanąn diɛ, yɛ di wɛli la kɛ, ɛlɛɛ, haai di mo, di huwu lɔ ɓə ə ɉəɠə ɉu a niiɓa nu huwu, nu huwuɠaa kəlee lɔwai, ya ɓaa kaa; yɛ bələi gu kaa gaai la háákələi.

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Mąątɛ̨nɛ̨ 42:11

Gɔ́lɔ́ kəlee aa kpɔną mą́ą́, ɲówóɠaa diɛ nálán, da tuwɔ lɔ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 42:5

Ɲələɠaai ŋį́ kɛi li la Yálá yəi bɛlɛ́n, a kwəinɛ̨ɛ̨ wələɠaa, da mąątɛ̨nɛ̨ wələɠaa, kwa nu kpulu kɛnɛ̨, ŋą́ gíliɲąhiɛ di hu, níí a kɛ lɔ ə ɓɛla gwə́i.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Mąątɛ̨nɛ̨ 74:11

Lə ɓə kɛ yai ə́ ə́ yee yali bulu, yɛ́ ə́ ɓa-mįi-yee laa lɔ tii kpɛ ə́ kəŋə mɛ̨i?

Mąątɛ̨nɛ̨ 17:7

Ə́ wɔ tələnmolaa kulɔ pɔ̨nɔ̨ ŋą, ə́ nuąi di mąąkilɛi di malo, yai a nuą kulɔ di yowoɠaa yəi, a ə́ wɔ huwalawala yeei.

Mąątɛ̨nɛ̨ 4:6

Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa.

Lonon mo 14:8

Yai-Laa a tɔɔ gu pulu, gaa gu lɔi nɔi tii hu, ə nąą tɛɛ gu pɔ. A nɔi lɛlɛɛ tii hihɛn ɉuwui lɔpee gəlee a lɛlɛ ɉui.

Azaya 63:12

A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Mąątɛ̨nɛ̨ 80:16

Ɉihɛn yɛ́ kpinįi ə́ ɉin a ə́ yee, mąąkpɛ, da non ŋɛ̨i ə́ ɉuwalawala ə́ mąą mɛ̨ni ɓa.

Zasua 3:10

Yili pulu, Ɉosue yɛ diɛ: «Ka káá pai gɔlɔn ɉii kaa diɛ, Yálá húlu kaa ka lɔwai. Ɛlɛɛ, Kanaan nuąi a: Hɛtə nuą, Hivi nuą, Perizi nuą, Girgasə nuą, Amɔrə da Ɉebusə nuą, gaa pai di kpɛi ka tɔwɔ.

Samia Veerɛi 7:23

Nu huwu ta kaa mɔ̨ɔ̨ ɓɛ yɛnɛ̨ɛ̨ ə ɓo yɛ Ə́ wɔ nu huwui Israɛlə, a nu huwui ŋɛ̨i Yálá ə nwun mąąɓo yɛ gɛ a gwɛlin, yɛ naa hee mą, yɛ mɛ̨nį kɛnɛ̨i ŋɛ̨i kɛ mąą mɛ̨nį ɓa da mɛ̨nį kpɛa-kpɛa mąą ɲɔwɔɠaai, ə́ gɛ di wɔ lɔi mąą mɛ̨nį ɓa. Lɔi ta kaa mɔ̨ɔ̨ laa diɛ pɛli gɔwɔn ɉii ə́ wɔ nu huwui ɓa, yai ə́ nwun mąąɓo Eziptə nuą yəi di wɔ lɔi da wɔ haligaai.

Kɔlɔnikɔ Veerɛi 20:7

Kɛlɛi ku wɔɔ Yálá ɓaa a Yɛ́! Nuąi kɛ heeni nɔi ŋɛ̨i hu, Yɛ́ ɓə di kpɛ, Ə́ wɔɔ nu huwui Israɛlə tɔwɔ, Ə́ nɔi kulɔ di yəi, Ə́ dɛɛ, Ə́ ɓɛlanmun Abrahamə lonnii pɔ, a di wɔɔ a yələ kəlee mɛ̨nį-e!

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Mąątɛ̨nɛ̨ 80:9

Nwulu ɓɔn ə́ gulɔ Eziptə lɔi hu, yɛ́ hį́i takpɛliɠaa kpɛ di heei, yɛ́ ɉin naai;

Mąątɛ̨nɛ̨ 111:6

Ə gɛ mɛ̨nįɠaa hvaŋą kɛnɛ̨ pələ lɛ nwɔ nu huwui ɓa, a lɔiɠaa di wɔ hɛngɔw tɛɛi ə mo di bɔ.