Mąątɛ̨nɛ̨ 43:4 - Yálá laawoo hɛɓɛ (dc)

⁴ Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Yálá laawoo hɛɓɛ

⁴ Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Bible

⁴ Óo Ŋáɣâlai, gɛ̀ ní, ŋa pâi liî íteƃelei ma ŋá ífɛli naa, kpɛ́ni fêi, yá ƃa gɛ̀ ŋ́gɛ koi-nɛ̃ɛ kùla. Ŋa pâi kɔnîŋ ɣâlei ŋá laa ma tɛ̂ wule too yâ, óo Ɣâla, yá nɔ́ ƃa Ŋáɣâlai.

Mąątɛ̨nɛ̨ 43:4 Referans Kwoze

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Mąątɛ̨nɛ̨ 57:8

Ną́mu Yálá, níi laa gwə́i, níi laai kpɔ gwə́i gɛ́ wələ too.

Mąątɛ̨nɛ̨ 33:2

'Ka Yai-Laa hɛɠɛɛɓo a bɛlɛgwəi! 'Ka gwɛnįn nwoo nɛ̨ɛ̨ yɔw naa hu.

Mąątɛ̨nɛ̨ 81:2

'Ka tomą a kwəinɛ̨ɛ̨ Yálá pɔ pələ, Yaa ɓə a gu wɔ huwalawala, 'ka ka yee lɔwa Ɉakɔbə nwɔ Yálái ɓa.

Mąątɛ̨nɛ̨ 42:6

Níi wolo! Ə́ kaa mąąwɛli hee ɓoi, yɛ́ ə́ woo laa mɛ̨́i, lə mɛ̨nį ɓa? 'Ə́ kilitɔɔ Yálá ɓa! A tɛ̨ą, gáá nwɔ̨nɔ̨ pai Naa tooi a wələ, Yai a Yálá, ɲɛ̨ilain a málo.

Mąątɛ̨nɛ̨ 26:6

Gáá ɲə́i waai, gɛ́ nwɔ́ kwəi kwələlaa lɛ la, əgɛ, gɛ́ pɛli kɛa haláá kulɔi yɛ́ Yai-Laa.

Samia Veerɛi 6:5

Davidə da Israɛlə nuą kəlee di kɛi kwəinɛ̨ɛ̨ kulɔ Yai-Laa lííla, a hvɛli kɛ hɛnŋaa di ɉaɠa a siprə wulu: kələn, gwɛnįn, bɛlɛgwəi, damąn, lalo da ɓala.

Lomaŋ 5:11

Yili pulu yii gaa laa ya ɓaa: Gwa gu kpɔwɔɲąą Yálá mɛ̨nį hu gu Nąmu Jesus Kristə háálai, yaai gwa diɛ ni gu yee lɔ gee hu.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

Mąątɛ̨nɛ̨ 57:9

'Ə́ muhəɠə ɲɛ̨́i pɔ̨nɔ̨ hɛn. 'Ka ka muhəɠə, gwɛnįn da bɛlɛgwəi. Gɛ́ pɛli hvóló nwun ɉii.

Mąątɛ̨nɛ̨ 63:2

Yálá, nwɔ́ Yálá ɓaa a yɛ́, ŋą́ humon a ə́ mąą lii hɛlɛn ɉəɛ, ə́ mąą pulu yɛ ɉon, yɛ ɉúwɔ hu kpɛlin, yɛ lɔi hu kpalaai, yá hvo laa.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»