Mąątɛ̨nɛ̨ 43:3 - Yálá laawoo hɛɓɛ (dc)

³ Yɛ́ kɛɛponoi da yɛ́ tɛ̨ąi tɛɛ, diɛ dɛ̨́nɛ̨n dɔɔ, diɛ li a ɲą́ą́ ə́ wɔ yee mąąhəɠɛɛi nwuɔ̨, ə́ yəi bɛlɛ́n.

Yálá laawoo hɛɓɛ

³ Yɛ́ kɛɛponoi da yɛ́ tɛ̨ąi tɛɛ, diɛ dɛ̨́nɛ̨n dɔɔ, diɛ li a ɲą́ą́ ə́ wɔ yee mąąhəɠɛɛi nwuɔ̨, ə́ yəi bɛlɛ́n.

Bible

³ Ǹɛɛ naa íkwaa ponoɔɔi da ítɔ̃yâ-laai, díkɛ a ńdeniŋ tɔɔ sãa, dí pá a ńyãa íyee maa waai Zãiyɔŋ ma, ŋ́gɛ ƃò naa Ípɛrɛ Kɛ́tɛi mu.

Mąątɛ̨nɛ̨ 43:3 Referans Kwoze

Mąątɛ̨nɛ̨ 36:9

Diɛ pilɛ ə́ yəi bɛlɛ́n gɔ̨nɔ̨n nɛ̨ɛ̨ɠaa hu; ɲái yá dɔɔ di la, gaa a yɛnɛ̨ɛ̨ ɲąąnɛ̨ɛ̨ yá.

Ɉaan 1:4

Nwoo tii ɓə yɛnɛ̨ɛ̨ kpɛɛ hvo mą kaa ɉu, ɲiipoo tii ɓə a nuą di wɔ kɛɛ pono.

Mąątɛ̨nɛ̨ 143:10

Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Mąątɛ̨nɛ̨ 119:105

Ə́ laawoo kaa a nwɔ̨n nən, gɔ́wɔ mu, yɛ ɓo a kɛɛpono dɛ́ɛ́ pələ hu.

Mąątɛ̨nɛ̨ 97:11

Kɛɛ pono aa lən, a Tələnmolon nwɔɔ, ɛlɛɛ, kwəinɛ̨ɛ̨ li, kwəi kwələ nuą diɛ.

Mąątɛ̨nɛ̨ 84:1

Nwələ ɲɛ̨itɔwɔmun. Kore lonnii di wɔ wələ woo, diɛ mu hee gwɛnįn.

Mąątɛ̨nɛ̨ 40:11

Və́ ə́ wɔ tələnmolaa lɛɛ li gwə́i və́ hee mɛ̨i, bələi yá kulɔ la ə woo ɓa, ŋį́ yili hukulɔ, da ə́ wɔ nu ɓalo mɛ̨nį, və́ ə́ wɔ wɛlikɛmąąlaa da ə́ wɔ tɛ̨ą loo li ɲąąkpɔn gɛnɛ̨ɛ̨ hu.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Mąątɛ̨nɛ̨ 57:3

Gáá nwóo tɛi Yələkɔ́lɔn ɉu Yálá pɔ pələ, a Ɲálái tii a mą́ą́ mɛ̨nį kəlee ɲɛ̨i kulɔi.

Mąątɛ̨nɛ̨ 3:4

Kɛlaa, Yai-Laa, yɛ́ ɓə a nwɔ́ kɔ́ kɔ́-gbala, yɛ́ ɓə a nwɔ́ ɲɛ̨i pɔ̨nɔ̨, yai a nwún mįhəɠə.

Mise 7:8

Hvó yɛ́lɛ́ mą́ą́, yɛ́i a ɲówó, akɛ ŋą́ą́ too, múhəɠə hiɛ li, akɛ gáá kpinįi, Yai-Laa ɓə gaa a nwɔ́ kɛɛ pɔ̨nɔ̨.

Mąątɛ̨nɛ̨ 78:68

Ɉuda nwɔ nu huwui ɓə ə ɉəɠə ɉu a níiɓa, a Siɔn yeei nwɛli kaa mai.

Mąątɛ̨nɛ̨ 46:4

Yáɠaa diɛ huluun, di hvili yɛ tɔɔ di ŋą, yeeɠaa diɛ kpɛlin di wulu ŋą.

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Kɔlɔnikɔ Maa-ŋuŋ 16:1

Di pa a Yálá nwɔ mįnɛ̨ kəhii, ɉəɠə pɛlɛ́i ŋɛ̨i Davidə ə dɔɔ mįnɛ̨ kəhii tii laa ɓa, di ɉee mu. Yili pulu, di nɛ̨ɛ̨mą, di haláá hɛn da gəlee kələn da nɛ̨ɛ̨yɔwɔ laa haláá, di gulɔ laa Yálá ɓa.

Kɔlɔnikɔ Maa-ŋuŋ 16:39

Davidə ə ɉaláá laa həli mun Sadɔkə, da ɉaláá laa həli nuąi kɛ a nąn gaaɠaa di lɛɛ Yai-Laa nwɔ pɛlɛ́i la, Gabaɔn ɉaláá kulɔi;

Samia Veerɛi 15:20

ə lɛɛ, wɛi lɔ ɓə ə́ paa la, a kɛ tii nwɔ̨nɔ̨ háákələi gɛ́ ə́ kpaan, yɛ́ hvilɛn búlu; ya pa, nwɛ́i ŋɛ̨i nwɛi, gáá lii too nwuma ɓa. Ə́ pulu pənə ə́ li ka ə́ nąn nonnii, gɛ́ Yai-Laa ə ə́ hon a wɛlikɛmąąlaa da lii nɛɛ gwəi.»

Kɔlɔnikɔ Maa-ŋuŋ 21:29

Yaan, Yai-Laa nwɔ pɛlɛ́i Moisə ə bɛli nɔi pun ɉu, da ɉaláá kulɔi, nąąlɔwai, ə kɛ Gabaɔn ɉaláá kulɔi.

Samia Veerɛi 15:25

Tɔɔmun yɛ Sadɔkə ɓa: «Pənə ə́ li a Yálá nwɔ kəhii taai. Yai-Laa a kɛ bɔ a ɲɛ̨i lɛlɛɛ hee mą́ą́, gaa pai pənəi ə pa a ɲą́ą́, ə hvaa mą ŋą́ pənə ŋą́ gaa da mąąwiɛ pɛlɛ.

Mąątɛ̨nɛ̨ 57:4

Ee kə! Yálá 'ə hvaa mą, ə lɛɛ yələi pələ, 'ə málo wɛ! Nui vánąi, ə ɲɛ̨i paa! Yálá ə nwɔ wɛlikɛmąąlaa da nwɔ tɛ̨ąi tɛɛ kuɔ wɛ!