Mąątɛ̨nɛ̨ 41:13 - Yálá laawoo hɛɓɛ (dc)

¹³ Nwɛ́i, yáá ə́ yee hee mú, yáá gɔ́lɔi pɔ̨nɔ̨, Ə́ ɲɛ̨i kaa mą́ą́ a yələ kəlee da wɔɔ.

Yálá laawoo hɛɓɛ

¹³ Nwɛ́i, yáá ə́ yee hee mú, yáá gɔ́lɔi pɔ̨nɔ̨, Ə́ ɲɛ̨i kaa mą́ą́ a yələ kəlee da wɔɔ.

Bible

¹³ Ka laa maa tɛ̂ tɛɛ Eezuɛ Ŋɔɣâlai Yâwɛɛ pɔ́! Ka laa maa tɛ̂ tɛɛ bɔ́ wɔ́lɔ-wɔlɔ da wɔ́lɔ-wɔlɔ. É kɛ́ tí! É kɛ́ tí!

Mąątɛ̨nɛ̨ 41:13 Referans Kwoze

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

Mąątɛ̨nɛ̨ 89:52

Yai-Laa, ə́ yowoɠaa daa mɔ̨nɔ̨ lɔ bɔ, nui ə́ ɉəɠə ɉu, a kɛi tɛɛ, diɛ di laayá pili gɔwɔ pɔɔ hu.

Mąątɛ̨nɛ̨ 106:48

Mąąwiɛ 'ə kɛ Yai-Laa ɓa, yai a Israɛlə nwɔ Yálá! Wɔlɔ-wɔlɔ da wɔlɔ-wɔlɔ, və́ ɲɛ̨n dee li! Nɔi lonnii kəlee di mu hon, diɛ mą: «Yálá ə kɛ tii! Mįiną! 'Kánikookwəi!»

Mąątɛ̨nɛ̨ 150:6

Hɛn kpɔ a nɔ̨ɔ̨, 'ə Yai-Laa mąątɛ̨nɛ̨! 'Kánikookwəi!

M̀ɛni-lɛɛi 7:12

Diɛ kɛ mą: «Amįįną! Mąątɛ̨nɛ̨, mąąwiɛlaa, kilikɛɲəilaa, mąmąɓo, ɓɛlɛ laa hvaŋą laa, ɛlɛɛ da huwalawalalaa, di kaa a ku wɔɔ Yálái nwɔɔ, ɲɛ̨n deei hvo mą! Amįįną!»

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Korɛntə dɔlɔɔ 14:16

Gbala ə tɔɔ, ɉį́iwooi gáá moi, ŋą́ kɛli lúwɔ́ kɛ ɉu, nuą di hvo gɔlɔn, da hvaa pələ kɛ ləi núwɔ́ mu? Mąąhɔlɔɓo, mɛ̨nįi ə́ kaa moi, hvo di mɛ̨n ɉii.

Ɉeremi 28:6

«Mįįną lúwɔ́; Yai-Laa əgə tii wɛ! Mɛ̨nįɠaai kpɔ ŋɛ̨i ə́ di lɛɛ kwɛa la yɛ́ mo a Yai-Laa laa, ə gəlee kɛ-oo! Yálá hee pɛlɛ́ mu hɛnŋaa da nəɠiɠaa kəlee, ə di kulɔ Babilonə, ə pa a diɛ gɛɛnąąi ŋɛ̨i ɓa-oo!

Kɔlɔnikɔ Maa-ŋuŋ 16:36

Mąąwiɛ ə kɛ Yai-Laa Israɛlə nwɔ Yálái ɓa, a yələ kəlee da yələ kəlee mɛ̨nį!» Nąąlɔwai nɔi lonnii kəlee di mu hon, diɛ mą: «Ə kɛ tii! Mąąwiɛ ə kɛ Yálá ɓa!»

M̀ɛni-lɛɛi 11:17

diɛ kɛ mą: «Ku kaa Ə́ mąmąɓoi gu Námu Yálá huwalawala kəlee nąmu, yɛ́i laa, yɛ́i wɔlɔ kɛ laa, hvó gaai, yáá ə́ kɛ mɛ̨nį kɛ a yɛ́ huwalawalalaa kɛnɛ̨ɛ̨i, ɛlɛɛ, Yáá Ə́ wɔɔ tɔɔlaai hee.

Tɔɔɓɛlaa dɔlɔɔ 1:36

Yehoyada lon Benayahu yɛ tɔɔmun ma: «Yai-Laa yai gaa a nwɔ́ mɛ̨nį nąmu nwɔ Yálá, yɛ diɛ: Ə kɛti!

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

Lonon mo 5:22

Ɲái ŋɛ̨i nɛ̨ŋɛ̨n naa kaa ɉu, gaa pai yɛɛ ə́ kwəi, ə ə́ koo tɛ ə́ ɲą, ə ə́ kwəi paa. Nɛ̨ɛ̨nui tii a mu hon, yɛ mą: ‹Mįiną! Mįiną!›

Mąątɛ̨nɛ̨ 147:6

Yai-Laa a ɲee pu nuąi da di nwun mąą yɛɛ, di mu, yɛ nwąnąlɔ nuą yee pɛlɛ lɔi ɓa.