Mąątɛ̨nɛ̨ 41:1 - Yálá laawoo hɛɓɛ (dc)

¹ Nwələ ɲɛ̨itɔwɔ mun. Davidə nwɔ wələ.

Yálá laawoo hɛɓɛ

¹ Nwələ ɲɛ̨itɔwɔ mun. Davidə nwɔ wələ.

Bible

¹ Lûwa káa diai dîa díkpaaŋɔɔ̂i gôlo-ƃelai mɛni mai. Da kɛ̀ mɛni kpɔ̂lu su, Yâwɛɛ a pâi dí kulâi zu.

Mąątɛ̨nɛ̨ 41:1 Referans Kwoze

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hanwon 14:21

Nui a tɛɠɛ ɓo mɛlan gaalon ɉu, nɛ̨ŋɛ̨n ni. Kɛlaa, nui a yeehvowolo nuą mąąwɛlikaa, lúwɔ́ lon ni.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Mąątɛ̨nɛ̨ 37:19

Di ɲɛ̨i mąą hvo pai luwui a mɔ̨nɔ̨ yələ, pulu a too, da pilɛ.

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Markə 14:7

Mąąhɔlɔɓo, ka yeehowolo nuą ka káá lɔ ka kee ɓa a yələ kəlee, ka pɛli ka mɛ̨nį nɛ̨ɛ̨ kɛ diɛ a lɔwai lɔpee ka káá la bɔ. Kɛlaa nwɛ́i, və́ pai kɛi ka pɔ a yələ kəlee.

Mąątɛ̨nɛ̨ 37:26

Yələ kəlee, tələnmomun a nu mąąwɛli kaa, yɛ kwələ tɔɔ; lúwɔ́ kaa gwəi lonnii diɛ.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

Galatə 2:10

Di kɛ lɔ kuɔ: 'Ká ká kili kɛ yeehvowolo nuą mąą mɛ̨nį hu, yaan yili kpɔ ɓə ŋą́ kɛi gɛ a nɛlɛɛ.

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Hanwon 16:14

Tɔɔmun nii a holi, nu paa nuą too hiɛ li, Kɛlaa, kilimąą mun a tɔɔmun ɉu hon.

Mąątɛ̨nɛ̨ 34:19

Nuąi di lii yaliɛ di kwəi, Yai-Laa a mąąlɛɠɛ diɛ, nuąi di hviikpɛɛ kɛnɛ̨, a di nįilɔ.

Ikilisiati 12:1

Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Rutə 2:19

Ɉilɛ lee yɛ mą: «Mįnɛ̨ pələ ɓə háá ə́ kaa gbai kpan ɉu kwɛli la? Gbɛɛ yəi ɲɛa ɓə háá ə́ kaa laa? Nui ŋɛ̨i mɛ̨inɛ̨ɛ̨ kɛ yɛ́, Yálá ə lúwɔ́ too mąą nu ɓa.» Nąąlɔwai, ɓɛi Rutə ə túwɔ́ laa, nui ə kɛ ɲəi ɲɛa, ə yili kəlee hukulɔ mą, yɛ mą: «Nui ŋą́ kɛ ɲəi ɲɛa, da kɛ naa ɓaa: Boozə.»

Ɉeremi 39:17

Nąąlɔwai, ŋą́ ə́ hvólóon na ɓo, hvo pai tooi nuąi tii ə́ kaa ɲɔwi diɛ, di yee ŋą; Yai-Laa woo li.