Mąątɛ̨nɛ̨ 40:9 - Yálá laawoo hɛɓɛ (dc)

⁹ Nwɔ́ Yálá, yii nwɛli kaa yɛ́, ya ɓə gáá bɔ ŋį́ gɛ, ə́ wɔ tɔ́n kaa níí hu.»

Yálá laawoo hɛɓɛ

⁹ Nwɔ́ Yálá, yii nwɛli kaa yɛ́, ya ɓə gáá bɔ ŋį́ gɛ, ə́ wɔ tɔ́n kaa níí hu.»

Bible

⁹ Yâwɛɛ, ƃɛ́i kélee ínûai da díŋaa tɛ̀ naa gîe mai, ŋa m̀o dîa a gɛɛ yá nɔ́ ƃa kúŋuŋ ma ƃó nuui. Í gɔ́lɔŋ a gɛɛ fé pâi wɔ́lɔ kperâi duŋ lɛ́lɛɛi ŋí ƃôi nûa dîa.

Mąątɛ̨nɛ̨ 40:9 Referans Kwoze

Mąątɛ̨nɛ̨ 22:25

Hvo gili kulɔ li mąą wɛlimun ɉu, nwɔ mąą wɛlilaa hu, hvo bulu tɔɔ li mą. Kɛlaa, wɔlɔi ə mo mą, ə nwoo mu hon

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.

Mąątɛ̨nɛ̨ 22:22

'Gúlɔ yala la, 'gúlɔ lan mįnɛ̨ lɔwai… Yáá nwóó mu hon!

Hebreu 2:12

yɛ nwɔ̨nɔ̨ kɛ diɛ: «Gáá pai ə́ laa lɛi ną́n nonnii diɛ. Ŋá ə́ laa mąątɛ̨nɛ̨ di kpɔn ɉu.»

Mąątɛ̨nɛ̨ 35:18

Yá gɛ tii, ŋą́ ə́ hɛɠɛɛɓo ɲąąkpɔn gɛnɛ̨ hu, gɛ́ ə́ mąątɛ̨nɛ̨ nu kpulu kɛnɛ̨ ɲɛ̨i ɓa.

Zasua 22:22

«Yáláɠaa di wɔ Yálá, yii gaa a Hɛn gəlee Nąmu Yálá, gbaɠala kaa mą, ɛlɛɛ, mąąnɛ̨ɛ̨ Israɛlə nuą kəlee di gbaɠala kaa, akɛ kwɛli tee laa ɓə ŋɛ̨i ku ka gulɔi, awala kɛ tii, akɛ ku kulɔ mɛ̨nį Yai-Laa pɔ ɓə ku yii kɛ la; ku nwun və kulɔ ɉu háákələi.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Mąątɛ̨nɛ̨ 37:31

Nwɔ Yálái nwɔ tɔ́n nwooi kaa níi hu, gɔwɔ pɔɔ hva pu ɉu.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!