Mąątɛ̨nɛ̨ 39:8 - Yálá laawoo hɛɓɛ (dc)

⁸ Yiihu kɛa Ną́mu! Lə kpɔ ɓə kɛa ŋą́ hee gɛ́ mąąkpɔn? Gílitɔɔi yɛ́!

Yálá laawoo hɛɓɛ

⁸ Yiihu kɛa Ną́mu! Lə kpɔ ɓə kɛa ŋą́ hee gɛ́ mąąkpɔn? Gílitɔɔi yɛ́!

Bible

⁸ Ŋ́gula ŋásɔnyɔ̂ŋ-ŋai kélee su. Ífe ǹɛɛ naa ƃoo-nuu da é ɣɛ́lɛ maa kúla ŋ́gbonôi.

Mąątɛ̨nɛ̨ 39:8 Referans Kwoze

Mąątɛ̨nɛ̨ 44:13

Yáá ə́ wɔ nu huwui lɔwɔ́tɔɔ a ɉɔ̨nwɔ̨ hvįi kpɛɛ, hvó tɔ̨nɔ̨ hvɔlɔɓoli nɔwɔi tii hu.

Mąątɛ̨nɛ̨ 79:4

Nuąi kwa diɛni ku kaa kwəli tɔ̨nɔ̨ hu, di kaa ku ɓɛlɛkpɛɛi kuɔ, yiiɠaa di kaa ku kwɛlɛ, diɛ yɛlɛ kuɔ, diɛ di laa pu ku hu.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Mise 7:19

Gaa nwɔ̨nɔ̨ pai pənəi yɛ ku hon a lii nɛ̨ɛ̨ gwəi laa, yɛ ku wɔ nɛ̨ŋɛ̨nŋaa kiin-giin gɔwɔ mu; yɛ nɛ̨ŋɛ̨n gəlee pili gboloyá kpon gbala.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Mąątɛ̨nɛ̨ 130:8

Ya ɓə a Israɛlə nwun mąąɓo nwɔ nɛ̨ŋɛ̨nŋaai kəlee yəi.

Mąątɛ̨nɛ̨ 119:39

Ŋą́ ɲɔw lalan ma, 'voló mą́ą́, ə́ wɔ kiti wooɠaai pa lúwú ɓə.

Mąątɛ̨nɛ̨ 65:3

Yɛ́i yá ə́ wəli tɔɔ, ə́ hvɛli woo ɓa, nu kan gəlee da pa ə́ pɔ.

Mąątɛ̨nɛ̨ 57:3

Gáá nwóo tɛi Yələkɔ́lɔn ɉu Yálá pɔ pələ, a Ɲálái tii a mą́ą́ mɛ̨nį kəlee ɲɛ̨i kulɔi.

Mąątɛ̨nɛ̨ 51:14

'Málo mɛ̨nį ŋą kwəinɛ̨ɛ̨ too ɉú. 'Lii kpələ kili tɛɛ bɔ́.

Mąątɛ̨nɛ̨ 35:21

Daa di laaləi kpɛa kpɛaɠaai tii hee mą́ą́, diɛ kɛ diɛ: «Hiyoo! Gaa mą! Gaa mą! Yii lɔ kwaa gaa.»

Mąątɛ̨nɛ̨ 25:18

Mą́ą́ wɛli pələ kaa, da nwɔ́ mɔ̨nɔ̨ mįi pələ, nwɔ́ nɛ̨ŋɛ̨nŋaai kəlee kulɔ mą́ą́.

Mąątɛ̨nɛ̨ 25:11

Ə́ laa mąąwiɛ mɛ̨nį ɓa, Yai-Laa, nwɔ́ nɛ̨ŋɛ̨n mąąhvaa lɛɛ, gɛnɛ̨ ɓə!

Zooɛ 2:19

Yai-Laa ə nwɔ nu huwui nwɔ hvɛli woo mu hon Yɛ diɛ: «Yili ɓa, gáá pənəi ŋį́ mɔ̨nun dɛɛ ka pɔ, da lɔ, ɛlɛɛ da wulɔ nįnɛ̨. Ka káá pai pilɛi ɉu, və́ kɛa pai ka kɛi a nu huwu takpɛliɠaa di wɔ yɛlɛ kulɔ ɉu hɛn.

Mąątɛ̨nɛ̨ 130:6

Yai-Laa wɛli kaa ɉón ɉii, dɛɛ taa mąąkpɛmun nwɔ yələɓoi lɔwai mąąkpɔnŋąą ɓa, ə mą kɛ, taa mąąkpɛmun mə, hva yələwala mąąkpɔn di.