Mąątɛ̨nɛ̨ 38:1 - Yálá laawoo hɛɓɛ (dc)

¹ Davidə nwɔ Yálá mąątɛ̨nɛ̨ wələ yɛ gili lɛɛ la Yálá kɛ mɛ̨nį hu.

Yálá laawoo hɛɓɛ

¹ Davidə nwɔ Yálá mąątɛ̨nɛ̨ wələ yɛ gili lɛɛ la Yálá kɛ mɛ̨nį hu.

Bible

¹ Óo Yâwɛɛ, ífe ílii ŋwana ḿâ í ŋ́gula maa kɛ́.

Mąątɛ̨nɛ̨ 38:1 Referans Kwoze

Mąątɛ̨nɛ̨ 6:1

Nwələ ɲɛ̨itɔwɔmun; Davidə nwɔ wələ woo. Ə doo a gwɛnįn ɲɛli kɛɛ ɲą mɛ̨ihaaɓa.

Azaya 54:8

Níí holi pələ kɛnɛ̨, ŋį́ ɲɛ̨́i lai loo yɛ́, gɛ́ mą́ą́kwɛa yɛ́ lɔ a lɔwai logolo mɛ̨nį, Kɛlaa, ə́ wɛli kɛ pələ mą́ą́ kɛnɛ̨, gáá ə́ hon ɉii a lii nɛɛ gwəi; Yai-Laai ə́ nwun mąąɓoi, nwoo li.

Ɉeremi 30:11

Yai-Laa yɛ, gáá ə́ pɔ ə́ kulɔ mɛ̨nį ɓa mɛ̨nįi. Nɔiɠaai kpɔ tii ŋą́ ka taɠa taɠa ɉu, gáá gəlee hu kalai. Kɛlaa ə́ wɛi, vá ə́ kala, gáá ə́ mąąkwɛli, yɛ́ hiɛ a bələ, vá da lɛɛ hvo tɛɛ yɛ́ kpɛli-kpɛli.

Mąątɛ̨nɛ̨ 70:1

Davidə nwɔ wələ ɲɛ̨itɔwɔ mun, a Yálá mąą mɛ̨nį kili too pələ nu ŋą.

Ɉeremi 10:24

Ɉútɔɔ, Yai-Laa, Kɛlaa bɛli mą́ą́; hvó gɛ a liiholi, ə gɛ hvó pa ɉú kala.

Habakukə 3:2

Éé Yai-Laa! Ŋą́ą́ ə́ kɛ mɛ̨nįɠaa mąą pələ mɛ̨n ŋą́ą́ ɲɔw. Yai-Laa ə́ kɛ mɛ̨nįɠaa kɛ yiihu. Yɛ bələi wɔlɔ ə́ kɛi gɛ la. Ə́ kɛ mɛ̨nį kɔlɔŋąą lɛ a kwɛlan gəlee. Ə mą kɛ kwaa ə́ liiholi mɛ̨nį kɛ, ə́ wɔ ɲɛ̨i mąą wɛli kaa lɛ kuɔ.

Azaya 27:8

Ə di kiti tee, a di kpɛi ə mo, di kulɔ nɔi hu, ə di kpɛ a nɔ̨ɔ̨ hvaŋą, a gbooyee hu hvaŋą tɛɛi tɔ̨nɔ̨

Mąątɛ̨nɛ̨ 88:7

Yáá náá ɲąmuątaa kpon ɉeei, gáá kpinį hu, ŋį́ ɓo ɓoloonŋąą hu.

Dutɛrɔnome 9:19

Níí hɛlɛnŋąąi kɛ Yai-Laa nwɔ liiholi da nwɔ liikələn gwəi mɛ̨nį tii ɓa. Hvo gaai, niiholiɛ kɛ ka pɔ, yɛ kɛ ə ka nwun napili. Kɛlaa Yai-Laa ə nwəli tɔɔ nwɔ̨nɔ̨ nwóó ɓa mɛ̨nį tii hu.