Mąątɛ̨nɛ̨ 37:8 - Yálá laawoo hɛɓɛ (dc)

⁸ 'Liiholi lɛɛ laa, ə́ nii kələn gwəi lɛɛ laa. 'Hvó ə́ líiholi, naa kulɔi hvo lɛlɛ li.

Yálá laawoo hɛɓɛ

⁸ 'Liiholi lɛɛ laa, ə́ nii kələn gwəi lɛɛ laa. 'Hvó ə́ líiholi, naa kulɔi hvo lɛlɛ li.

Bible

⁸ Ílii fé sɛ̀lɛŋ kpaa máŋ í ílii ŋwána. Lii-sɛlɛŋ da lii-ŋwana da gɛ̀ núu kɛ́ ƃò mɛni kpɔ̂lu su.

Mąątɛ̨nɛ̨ 37:8 Referans Kwoze

Hanwon 14:29

Nui hva níiholi ɉa, kilimąą mun gɛnɛ̨ li. Nui níiholi laa nɛ̨ɛ̨i, a nwɔ ɓowo laa tɔɔ ɲɛ̨i.

Hanwon 16:32

Nui hva níiholi ɉa, viɛlaɓoɔ ɓə kɔ́kuláá ɓa. Nui a gbɔwɔ hu hon, viɛlaɓoɔ ɓə dɛɛ taalee honmun ma a kɔ́.

Ifisiɛŋ 4:31

Woo ɲɔ̨n, liikələn gwəi, lííholi, lii ɲąnwąną, háŋąmąą da lalan, mɛ̨nįɠaa tii di mąą hvo nɛ̨ɛ̨li ká lɔwai, da nwąnąlɔɔ huwui lɔpee gəlee.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Kolosə 3:8

Kɛlaa yiihu kani kɛa, kaa kpɛli mąn, mąąnɛ̨ɛ̨ ka mɛ̨nįɠaa ŋɛ̨i lɛɛ laa, diɛ ɓaa: liiɲąnwąną, lii kələn gwəi, nwąnąlɔɔ túwɔ́, lalan biliɛ, woo ɲɔ̨n nɔpee ta hvo kulɔ ka la.

Zôo 5:2

Kilikpɛɛɲəimun a haa a liikələn gwəi; tolo yɛ hupumun baa.

Zôna 4:1

Yili kaa tii Ɉonasə ə mo, ə nwąną kpɔ mą kɛnɛ̨, ə nii tee.

Zôna 4:9

Yálá ə Ɉonasə mąąnikɛ, yɛ mą: «Nwului tii haa mɛ̨nį ə nwąną yɛ́ lə mɛ̨nį ɓa?» Ɉonasə ə nwoo ŋąąpənə yɛ mą: «Tɛ̨ą kaa bɔ́ ŋį́ kɛ diɛ ɉáá hviɛlaɓoɔi.»

Zôo 18:4

Ə́ kaa ə́ kpɔɔ hukalai liiholi hu. Ə́ kaa bɔ lɔi ə lɛɛ a gboloon a ə́ laa pɔɔ? Kwɛniɠaa diɛ həɠə di laai?

Mąątɛ̨nɛ̨ 73:15

Ŋą́ kɛ kɛ diɛ: «Gáá gíliŋąhiɛi yɛ diɛ», ŋį́ li kɛ lɔ ə́ lonnii mąą kilii.

Mąątɛ̨nɛ̨ 31:22

Mąąwiɛ kaa Yai-Laa ɓa, mąąhɔlɔɓo gulɔ mɛ̨nį nwoo ɓa aa kpalo mɛ̨nį kɛ mą́ą́, kɔ́ taa kɛnɛ̨ɛ̨ hu.

Mąątɛ̨nɛ̨ 116:11

Ɉú pu pələ mą́ą́, ŋį́ kɛi kɛ diɛ: «Nu kəlee kaa a lɛɛ nuą.»

Tɔɔɓɛlaa dɔlɔɔ 11:22

Eziptə tɔɔmun yɛ mą: «Lə ɓə hvɛɠɛɛi la ɓɛ gwɛ́lɛ, yai ə́ kaa bɔ ə́ li ə́ wɔ lɔi hu?» Yili ə nwoo pulu pənə yɛ mą: «Hɛn gəlee kaa ɲə́i, kɛlaa, ə mą kɛ tii, nɛ́ɛ́ lɔ laa ŋį́ li.»