Mąątɛ̨nɛ̨ 37:32 - Yálá laawoo hɛɓɛ (dc)

³² Nu ɲɔ̨nwɔ̨ɔ̨ɠaa da kɛ tələnmomun mąąhɛnŋįi, diɛ baa pələ kwɛli.

Yálá laawoo hɛɓɛ

³² Nu ɲɔ̨nwɔ̨ɔ̨ɠaa da kɛ tələnmomun mąąhɛnŋįi, diɛ baa pələ kwɛli.

Bible

³² Ŋ̀wana-lɔ̂ɔ-ƃelai da kɛ́ dɔ̃yâ-ƃelai maa kpɛɛ̂i. Da kɛ́ ŋ̀wɛ̂lii dí dípaa.

Mąątɛ̨nɛ̨ 37:32 Referans Kwoze

Gɛlaɠaa 9:24

Kɛlaa, Solə kili ə pu di wɔ nwun dɔɔ ɲɔ̨nwɔ̨ɔ̨ ti hu. Yələ kəlee di kɛi ɉíila mąą hɛŋį, ə gɛ, da gaa laa di baa.

Lukə 20:20

Di kɛi Jesus mąą hɛŋi, nuą tii kɛi di kpɔɔ kaa yɛ nu mąą nwumɛ̨ɛ̨ɠaa, di nuą tɔɔ Jesus hon mɛ̨nį ɓa vaa woo hu, a mąąni kɛ ta, əgɛ di dɛŋɛn gwɛlɛ nɔi nąmįną da ɲąąwooɓo kɛ nuą?.

Lukə 14:1

Hvįįtɔɔ yələ ta, Jesus ə li Farisiɛ̨ nwun nąmu ta pɔɔli, kɔ̨nɔ̨n mį́į́ mɛ̨nį ɓa. Nuą tii kɛ laa, di ɲɛ̨i heɛ kpɔ kɛ Jesus ɓa, diɛ mąąkpɛɛ.

Lukə 11:54

Di kɛi gbąną laa mąąni kɛɠaa kɛ mą, əgɛ, di ɉon nwoo hu.

Lukə 6:7

Tɔ́n galamɔ̨ɔ̨ɠaa da Farisiɛ̨ɠaa di ɲɛ̨i heɛ kɛ Jesus ɓa diɛ kɛ mą: «Akɛti gaa mɔ̨ɔ̨ pai nui ŋɛ̨i kɔ́lɔi ponoi a vįitɔɔ yələ?» Mąąhɔlɔɓo, di kɛi Jesus hɔn gwɛli mą.

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Mąątɛ̨nɛ̨ 37:12

Nui hva Yálá mąąwiɛ, a lɔgilii kɛ a tələnmomun, yɛ naa hvaną a mąą mɛ̨nį.

Zɛnɛse 39:16

Ə Ɉosɛfə nwɔ həɠəi laaikɛ, ə lɛɛ ɉu, ɉilɛ ə pa.

Samuɛlə dɔlɔɔ 19:10

Saulə ə gɛ pələ kwɛli mą yɛ kɛ ə Davidə kpanwo bɛlɛ́ nwąną ɓa a nwɔ kpalai. Davidə ə həɠə Saulə nwɔ kpalai tɔwɔ, gbala ə kpanwo bɛlɛ́ nwąną ɓa. Davidə ə pu ə həɠə laa gbinįi tii hu.

Samuɛlə dɔlɔɔ 23:14

Davidə ə li ə hee nɔi pun ɉu yɛ noo; ə ɉeei kulɔ ɲee hɛŋɛlɛn ma Zifə nɔi pun ɉu. Volói tii kəlee yee mu, Saulə ə kɛi gwɛli. Kɛlaa, Yai-Laa hvo hvaa mą Saulə yee hvo pɛli Davidə ɓa.

Tɔɔɓɛlaa veelɛ 6:13

Aramə tɔɔmun yɛ nwɔ kɔ́kuláá taɠaa diɛ: «'Ka li, ɓɛi gaa laa, ka nąą kaa, ŋą́ pa nuą tɔɔ də li di ɉon.» Gɔkulááɠaa diɛ mą: «Gaa Dotan.»

Mąątɛ̨nɛ̨ 56:7

Da di loo, diɛ mą́ą́ hɛnŋį, diɛ dɛ́ɛ́ pɔɔɠaa mąąkpɛɛ; nwún na pili mɛ̨nį ɓa.

Hanwon 24:15

'Nwąnąlɔmun, 'hvó hɛlɛn dɛ tələnmomun nwɔ pɛ́lɛ́i ɓa, 'Hvó too nwɔ pɛ́lɛ́i mɛ̨i.

Ɉeremi 11:19

Nwɛ́i, ŋį́ kɛ lɔ di yəi yɛ ɓɛlaa lon, yii hva mąąkɔ̨nwɔ̨, yaai di kaa lííla baa mɛ̨nį ɓa. Gíli hvo kɛ ɉu, gɛ́ kɛ mɛ̨nį ɲɔ̨nwɔ̨ɔ̨ɠaa di kɛi mo, vilɛnŋaa kɛ mą́ą́; yaai di kɛi kɛ la mą: «Ka gu nwulu lɛɛ nwunu kɔ́lɔi, ka gu gulɔ a ɉamu, ka gu gulɔ yɛnɛ̨ɛ̨, əgɛ, nu ta hvo kɛa naa mɛ̨n.»

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Danîa 6:5

Nąąlɔwai, nwun nąmįnąa da nɔi nu kpɛa-kpɛaɠaa, di kɛi Daniɛlə hɔn gwɛli ma, nɔi nwɔ tɔɲaa hu. Kɛlaa, di hvo dɔ̨nɔ̨ kpɛli kaa yii Daniɛlə a gɛ a ɲɔ̨nwɔ̨ɔ̨. Mąąhɔlɔɓo, Daniɛlə ə kɛ a woo tɔ̨nɔ̨ Nąmu, ə lɛɛ, hvo kɛi mɛ̨nį lɔpee ta viikpɛɛ kulɔ, hɔn, və kɛ mą.