Mąątɛ̨nɛ̨ 37:25 - Yálá laawoo hɛɓɛ (dc)

²⁵ Ə həɠə ɉúlɔnon ɲələ ɓa, ə həli la bɔ́lɔ́i lɔwai ŋɛ̨i ɓa, və́ ta tələnmomun gaa li, yii nu hvo mą, və́ ta gwəilonnii kaa li, diɛ kɔ̨nɔ̨n vɛli.

Yálá laawoo hɛɓɛ

²⁵ Ə həɠə ɉúlɔnon ɲələ ɓa, ə həli la bɔ́lɔ́i lɔwai ŋɛ̨i ɓa, və́ ta tələnmomun gaa li, yii nu hvo mą, və́ ta gwəilonnii kaa li, diɛ kɔ̨nɔ̨n vɛli.

Bible

²⁵ Ŋá kɛ̀ a nyáŋkpa, kɛ́lɛ ŋa nâa pɔlɔ. Fé tá wɔ́lɔ gàa ní Yâwɛɛ é ǹyée kúla ǹúu sɔŋ lɛ́lɛɛ-ŋai da mu, kpaa máŋ díta ǹóŋ é tɔ́ɔ núu da mãa lá mii-sɛŋ mɛni ma.

Mąątɛ̨nɛ̨ 37:25 Referans Kwoze

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Mąątɛ̨nɛ̨ 37:28

Mąąhɔlɔɓo, tɛ̨ą wɛli kaa Yai-Laa ɓa, hva gili kulɔ nwɛlikɛmąą nuą hu, a ɲɛ̨i kɛ diɛ a yələ kəlee. Kɛlaa, da nu ɲɔ̨nwɔ̨ɔ̨ɠaa huwu kulɔ a nwun. Di kaa pai mɛ̨nį ɲɔ̨n gɛ nuą hukalai a yələ kəlee mɛ̨nį.

Mąątɛ̨nɛ̨ 112:2

Nonnii da kɛ ɓɛ yɛnɛ̨ɛ̨ a nu walawalaɠaa, lúwɔ́ a kɛ tələnmo nuą huwu ɓa.

Mąątɛ̨nɛ̨ 25:13

Mąą nu a yíi nɛ̨ɛ̨ ɓo, ɉuwu yɛ lɔi hɔlɔɓo.

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Korɛntə veelɛ 4:9

di hvilɛnŋąą ku pulu, kɛlaa, di hva ku hon, diɛ ku too, kɛlaa, ku nwun va lɛɛ ɉu.

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Zɛnɛse 17:7

Gáá nwóó kwɛlɛi yɛ́ ka ə́ huwuhu kaa a lɔwai lɔpee gəlee, yili ɓa, gáá a ə́ wɔ Yálá ka ə́ huwuhu nuą.

Hanwon 13:22

Nu lɛlɛɛ hɔlɔɓo hɛn, a həli nonnii di wɔ lonnii diɛ. Kɛlaa, nɛ̨ŋɛ̨n ɉəɠəmun ɲəi hɛn gɔw, yɛ lɛɛ a tələnmomun nwɔɔ.

Mąątɛ̨nɛ̨ 71:9

Ɓɛlɔwai ŋɛ̨i ŋą́ą́ pɔlɔ la, 'hvó lənə mą́ą́; ɓɛlɔwai váŋą́ kaa kpɛɛi la, 'hvó ə́ kili kulɔ ɉú.

Gɛlaɠaa 21:16

Gwa Sesare kalan nɛa taɠaa ɓə bələ kpɔn, di kɛli li laa diɛ kpɛlimąn, də li a kuɔ Mnasɔn yəi bɛlɛ́n, galan nɛa tɔlɔɔ tɔlɔɔ ta, a Siprə mun, nąą ɓə kɛ a ku nwɛ̨ą pɛlɛ́.

Zôo 15:23

A kɛ gílɛ həɠəi yɛ gɔ̨nɔ̨n gwɛli, kɛlaa mįnɛ̨ ɓə a ɉɔlɔɓo laa? Gili kaa ɉu yɛ kɛɛnąą kpinɛ̨ɛ̨ ɓə mąąkpɔn ɉii.

Azaya 13:16

Da di lonnii huwolo lɔi ɓa di ɲɛ̨i ɓa, diɛ di wɔ pɛlɛ́ɠaai mu hɛnŋąą taɠa taɠa, diɛ too di nɛ̨ąni mɛ̨i.

Mąątɛ̨nɛ̨ 59:15

Da kɛ pai, yələ wilii pɔ, diɛ hvaa di hu nwɔ̨ɔ̨, yɛ yilɛlɛa, diɛ lia tɛɛ daa pɔ.

Mąątɛ̨nɛ̨ 109:10

Nonnii di kɛ a laatee lɛapɛlɛɛ, diɛ di kɔ̨nɔ̨n vɛli, nuą di di kpɛ, di wɔ pɛlɛ kpoloonŋaai mu.

Zôo 4:7

Ə́ kiliŋąhiɛ tai! Yáá ta tələnmomun gaa, da nuąi hɔn və diɛ, kpalo yɛ ɓɛla diɛ?