Mąątɛ̨nɛ̨ 34:12 - Yálá laawoo hɛɓɛ (dc)

¹² Nónnii, 'ka pa ka ka wəli tɔɔ nwóó ɓa, bələi mąąnɛ̨ɛ̨ nu ə ɲɔw la Yai-Laa ɓa, ŋį́ bələ lɛ kaa.

Yálá laawoo hɛɓɛ

¹² Nónnii, 'ka pa ka ka wəli tɔɔ nwóó ɓa, bələi mąąnɛ̨ɛ̨ nu ə ɲɔw la Yai-Laa ɓa, ŋį́ bələ lɛ kaa.

Bible

¹² Ka ŋ̀wɛ̂lii ka káŋ̀éniɛi ŋ̀aa-nɛ̃ɛ kula? Ka ŋ̀wɛ̂lii ka nâmu ɣele ma lii-see kɛ́ ƃò káyêei?

Mąątɛ̨nɛ̨ 34:12 Referans Kwoze

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Ikilisiati 3:13

Nu a kɔ̨nɔ̨n ɉɔlɔɓo yɛ mįi, yɛ gbələ, yɛ ɲąąnɛ̨ɛ̨ kulɔ gɛ kóló hu, yili kaa a Yálá yəi mɛ̨inɛ̨ɛ̨.

Mąątɛ̨nɛ̨ 91:16

Ŋą́ bilɛ yɛnɛ̨ɛ̨ hu, ŋą́ malo.

Mąątɛ̨nɛ̨ 4:6

Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa.

Zôo 7:7

Gílí aa pu ɉu, gɛ́ nwɔ́ yɛnɛ̨ɛ̨ kaa lɔ a hvaŋą. Ə lɛɛ ɲɛ̨́i kɔ́w hvo kɛa pai mɛ̨nį ɲąąnɛ̨ɛ̨ kaai.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 2:3

Ŋą́ naa gwə́i gɛ́ diɛ: «Gáá lɔɔ kpəlɛɛ ɲąąnɛ̨ɛ̨ kwɛlii mą, ɛlɛɛ, ŋą́ kilikpɛɛgwəi nuą pɔɔ kɔ́ɔn; kɛlaa, gɛ́ gbɔ́wɔ́ hu hon, níi yɛ lɛɛ kili pələ mɛ̨i; mɛ̨nįi kpɔ nuą da gɛ ɓɛ lɔi mɛ̨i di hvulú kɔ́wɔ ŋą, ŋą́ kɛ bɔ ŋą́ yiliɠaa kɔ́lɔn.»

Mąątɛ̨nɛ̨ 21:4

Yá laa nąą tɔwɔ, Ə́ naakwiɛn a lúwɔ́ da mɛ̨inɛ̨ɛ̨ɠaa, yɛ́ hɛni lɔ nwuɔ̨.

Zɛnɛse 49:2

'Ka lɛɠɛ ka kee ɓa, Ɉakɔbə lonnii, ka ka wəli tɔɔ. 'Ka ka wəli tɔɔ ka nąn Israɛlə woo ɓa.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Zôo 33:33

Akɛ yili hvəi, ə́ wəli tɔɔ nwóó ɓa, Ə́ mɛi haa, ŋą́ ə́ mąą kwɛli kili mɛ̨nį ɓa.

Hanwon 4:20

Nón, ə́ wəli tɔɔ nwóó ɓa, ə́ ə́ wəli tɔɔ nwɔ́ liɛwooɠaa diɛ.

Hanwon 7:24

Yili ɓa nónnii, ka ka wəli tɔɔ, ka nwóó mɛ̨n, nwooi kulɔi ná, ka naa ka kili pɔ.

Hanwon 9:10

Nu a ɲɔw Yai-Laa ɓa, yili ɓə a kili mɛ̨nį kɔ́wɔ tɔɔi, nu mąąhəɠɛɛɠaa di wɔ mɛ̨nį kɔlɔn ŋąą, ɓə gaa a nwun gɛ ɉu mɛ̨nį.