Mąątɛ̨nɛ̨ 34:1 - Yálá laawoo hɛɓɛ (dc)

¹ Davidə nwɔ wələ. Ɲələi Davidə ə gbɔwɔ kɛ la a ɓowomun Abimelɛkə ɲɛ̨i ɓa, yili yɛ gbɛ, Davidə yɛ həɠə laa.

Yálá laawoo hɛɓɛ

¹ Davidə nwɔ wələ. Ɲələi Davidə ə gbɔwɔ kɛ la a ɓowomun Abimelɛkə ɲɛ̨i ɓa, yili yɛ gbɛ, Davidə yɛ həɠə laa.

Bible

¹ Ŋa pâi kɛ̂i nɔ́ sɛɣɛ-fei tɛɛ̂i Yâwɛɛ pɔ́ a ɣele kélee. Fé pâi wɔ́lɔ kperâi laa maa tɛ̂ tɛɛ̂i bɔ́.

Mąątɛ̨nɛ̨ 34:1 Referans Kwoze

Tɛsalonikə dɔlɔɔ 5:18

'ká Yálá mąmąɓo mɛ̨nį lɔpee gəlee hu, hvó gaai, yili ɓə a Yálá liiɓa ká mąą mɛ̨nį ɓa Jesus Kristə hu.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Ifisiɛŋ 5:20

Yələ kəlee, mɛ̨nį kəlee hu, 'ká Nąn Yálá hɛɠɛɛɓo, gu Ną́mu Jesus Kristə laa hu.

Mąątɛ̨nɛ̨ 71:8

Ə́ mąątɛ̨nɛ̨ woo lɔ ɓə ná, gɛ́ túwɔ ə́ mąąwiɛ mɛ̨ni noloɓoi a yələ kəlee.

Tɛsalonikə veelɛ 2:13

Yii ɓaa ku wɛi, ku mąąnɛ̨ɛ̨i kuɔ Yálá hɛɠɛɛɓo a yələ kəlee ká mąą mɛ̨nį ɓa, ną́n nonnii, káái ká wɛlikaa gu Nąmu ɓa. Mąąhɔlɔɓo, Yálá ə gbɛa ká həɠə ɉu, a gɔwɔ tɔɔi lɔwai, ə gɛ, ká nwun mąą ə ɓo Kili-Mąąhəɠɛɛ háálai, yai a nu mąąhəɠə, laai ká mo tɛ̨ą la, ɉáálai.

Gɛlaɠaa 16:25

Kwii hąą ɓɛlaɓoi lɔwai, Polə da Silasə di kɛi Yálá hvɛli, diɛ Yálá mąątɛ̨nɛ̨ wələ too, gaho nąmįną yiiɠaa ti diɛ di woo mɛ̨n.

Mąątɛ̨nɛ̨ 71:6

Ə həɠə gáá yələ ɓa, yɛ́ lɔ ɓə ŋą gílitɔɔ yɛ́, ŋį́ lɛɛ néé kwəi, ə́ ɉəɠə ɉu a dee; yɛ́ lɔ ɓə ə́ mąątɛ̨nɛ̨ woo kaa ná.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Zɛnɛse 20:2

Abrahamə ə kɛ Sara mąą mɛ̨nį ɓa: «Mą́ą́hala ka tii.» Kɛlaa Gerarə tɔɔmun Abimelɛkə ə Sara həɠə.

Zɛnɛse 26:1

Pulu kɛnɛ̨ ta ə too laa nɔi, kɛlaa, yii ŋɛ̨i wɔlɔ kɛ a Abrahamə nwɔ lɔwai, yili hvəi. Isaakə ə həɠə yɛ li Gerarə daai Filisti nuą di wɔ tɔɔmun Abimelɛkə pɔ.

Samuɛlə dɔlɔɔ 21:11

Davidə ə pu a ɲələi tii Saulə ɓa; ə li Gatə daai tɔɔmun Akisə pɔɔli.