Mąątɛ̨nɛ̨ 33:2 - Yálá laawoo hɛɓɛ (dc)

² 'Ka Yai-Laa hɛɠɛɛɓo a bɛlɛgwəi! 'Ka gwɛnįn nwoo nɛ̨ɛ̨ yɔw naa hu.

Yálá laawoo hɛɓɛ

² 'Ka Yai-Laa hɛɠɛɛɓo a bɛlɛgwəi! 'Ka gwɛnįn nwoo nɛ̨ɛ̨ yɔw naa hu.

Bible

² Ka sɛɣɛ-fei tɛ̀ɛ Yâwɛɛ pɔ́ a kɔnîŋ-woo. Ka kɔnîŋ ɣale mà a lii-nɛ̃ɛ-pere.

Mąątɛ̨nɛ̨ 33:2 Referans Kwoze

Mąątɛ̨nɛ̨ 144:9

Yálá, gáá pai wələ nįnɛ̨ tooi yɛ́, gɛ́ bɛlɛgwəi yɔw yɛ́, ɲɛli ə ɓo ɲą pow.

Lɛɛ gbɔwɔ ɓa 15:20

Yálá kwəi mɛ̨nį hukulɔ nɛ̨ɛ̨nu Miriamə, yai a Aarɔn mąąhala, ə nwɔ hvɛli kɛ hɛn həɠə, Israɛlə nɛ̨ąą kəlee di di wɔ hvɛli kɛ hɛnŋąąi həɠə, di hvilɛn bulu, diɛ mąną, diɛ vɛli kɛ.

M̀ɛni-lɛɛi 14:2

Ɛlɛɛ, ŋą́ woo ta mɛ̨n yɛ həɠə yələ kwəi, yɛ yálee kɛnɛ̨ huluun din, yɛ tulɔ tuwɔ tin gɛnɛ̨, ɛlɛɛ, nwooi tii ŋą́ mɛ̨n, ə kɛ yɛ hvɛ́li kɛ nuą da di yee pu di wɔɔ gwɛnįnŋaai ɲą, diɛ ɲɔw.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

Mąątɛ̨nɛ̨ 92:3

Ɛlɛɛ, nu yɛ humo, yɛ ə́ wɔ wɛlikɛmąąlaa loloɓo, yɛ yíi ə́ wɔ tɛ̨ą mɛ̨nį hukulɔi,

Kɔlɔnikɔ Maa-ŋuŋ 25:6

Nuą tii kəlee kɛ di nąn ɲeemu. Di kɛi wələ too Yai-Laa nwɔ pɛlɛ́i mu, a: laloɠaa, gwɛnįnŋąą, da kɛ́ɛ́ɠaa. Di wɔɔ tíɓoi li kɛ Yálá nwɔ pɛlɛ́i mu. Di kəlee kpɔ kpun, di ɓo la tɔɔmun, Asafə da Heman di wɔɔ ɲąąwooɓo mu.

Kɔlɔnikɔ Maa-ŋuŋ 25:3

Yedutun lonnii: Gedaliahu, Seri, Yesayahu, Hasaviahu, Matitiahu da Simei, di nu mɛ̨idai tii, di kɛ di nąn Yedutun yee mu, yai kɛi Yai-Laa kwəi mɛ̨nįɠaa hukulɔ a gwɛnįn, yɛ naa tɛ, ə lɛɛ, yɛ mąąwiɛ.

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Kɔlɔnikɔ Maa-ŋuŋ 15:16

Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Samia Veerɛi 6:5

Davidə da Israɛlə nuą kəlee di kɛi kwəinɛ̨ɛ̨ kulɔ Yai-Laa lííla, a hvɛli kɛ hɛnŋaa di ɉaɠa a siprə wulu: kələn, gwɛnįn, bɛlɛgwəi, damąn, lalo da ɓala.

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 71:22

Mąą yələi tii, gáá pai ɲéé pui nwɔ́ bɛlɛgwəi gwɛnįn ɲą, gɛ́ ə́ laa tɛ, nwɔ́ Yálá, yɛ́ ká ə́ wɔ wɛlikɛmąąlaai; gɛ́ nwɔ́ gwɛnįn yɔw ə́ mąą mɛ̨nį ɓa, yɛ́i a Israɛlə nwɔ Yálá mąąhəɠɛɛi.

Mąątɛ̨nɛ̨ 92:4

diɛ doo a wələ, bɛlɛgwəi, gwɛnįn, da kɛɛ di ɓo mu.