Mąątɛ̨nɛ̨ 32:6 - Yálá laawoo hɛɓɛ (dc)

⁶ Bələ ɓə kwəi kwələmun a Ə́ hvɛli la, a ɲələi ka yáá ka kwiɛn na, ə mą kɛ, yá kpɛa-kpɛaa di mąn hvɛɛ, di hva həli mą.

Yálá laawoo hɛɓɛ

⁶ Bələ ɓə kwəi kwələmun a Ə́ hvɛli la, a ɲələi ka yáá ka kwiɛn na, ə mą kɛ, yá kpɛa-kpɛaa di mąn hvɛɛ, di hva həli mą.

Bible

⁶ M̀ɛni ma, fɛ̂ɛ diai kélee a Ɣâla-ƃelai, fɛ̂ɛ dí ífɛli tãi da gɔ̀lɔŋ la a gɛɛ da too sɔnyɔ̂ŋ sui. À kɛ̀ tí, mɛni kpɔ̂lu su kɛ́tɛ da à kɛ̀ pâi dîa yɛ̂ɛ ya-fɛ̂ɛ su kɛ́tɛ, va pɔ̂ri serîi dîa.

Mąątɛ̨nɛ̨ 32:6 Referans Kwoze

Azaya 55:6

'Ka Yai-Laa kwɛli, ɓɛlɔwai, a gbɔwɔ lɛɛ laa diɛ gaa, 'ka dəli, ɓɛlɔwai, nɛɠɛɛi la kaa.

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Korɛntə veelɛ 6:2

Hvo gaai, moɔi diɛ mą: «Ŋą́ ə́ woo mu hon, a mɛ̨inɛ̨ɛ̨ yələ, ŋą́ ə́ mąąkpɔnmąąɓo, a nwun mąąɓo yələ, ɲələ lɛlɛɛ ka kani aa həli.» Nuą ɓalo hvoló di vaaɓo, aa həli.

Ɉaan 7:34

Ka káá pai gwɛ́lii, kɛlaa, ka hvo pai gáái, mąąhɔlɔɓo, ɓɛi gáá pai kɛi laa ka hva pɛli pai laa.»

Hanwon 1:28

Mąą yələ, da də́li, vá di woo mu hon, da gwɛ́li, di hva gáá.

Mąątɛ̨nɛ̨ 4:3

Káái a nu-kanŋąą, ka kili ɲą kaa pai lɛɛi a bɛlɛɛ, káá mɛlɛtoo, ə lɛɛ ɉu, mįnɛ̨ lɔwai ə həli? Kaa kpɛli-kpɛli mɛ̨nįɠaa wɛlilakɛ lɔ, ka hvilɛnŋąą lɔ lɛɛ kɛɛ pulu!

Mąątɛ̨nɛ̨ 144:7

Lɛɛ yələi, ə́ ə́ yee haŋą, ə́ málo, ə́ gúlɔ yánwąną yəi, ə́ gúlɔ nwɛ̨ą nu huwu ɲəi.

Mąątɛ̨nɛ̨ 42:7

Nwɔ́ Yálá! Níi mąą aa wɛli gwəi! Yili ɓə gɛi, gɛ́ ə́ təli la, ə həɠə kpɔ Ɉurdɛn lɔi hu, Hɛrmɔn yee nwuɔ̨, da Misearə yee nwuɔ̨.

Mąątɛ̨nɛ̨ 40:3

Aa gúlɔ ɓoloon ɲɔ̨nwɔ̨ɔ̨ hu, da palayá kpon ɉu kwɛaa hu; ə ɉáŋą ə dɔ́ɔ́, ə gɔ́wɔ́ hvilɛn kwɛni mɛ̨i, ə gɔ́wɔ́ɠaa hukɔlɔ mú.

Taitɔ 2:12

Mɛ̨inɛ̨ɛ̨i tii a gu mąąkwɛli a gu yee kulɔ mɛ̨nį túwɔ́ pələ ɲɔ̨nŋaa hu da yɛ̨nɛ̨ɛ̨ liiɓa mɛ̨nįɠaa, əgɛ, gu yɛnɛ̨ɛ̨ kɛ yiihu, a ɉaŋąą, a Yálá liiɓa,

Korɛntə veelɛ 1:4

Ya ɓə a gu liilaa, gu wɔ kwəi pilimąąɠaa kəlee hu, yɛ gɛ, guɔ pɛli, nuąi kwəi pilimąą hu di liilaai, a liilaai guɔ kpinįlee gwa ɉɔlɔɓo Yálá yəi.

Azaya 49:8

Yai-Laa woo ka, yɛ yɛ́: ŋį́ ə́ woo mu hon, a mɛ̨inɛ̨ɛ̨ yələ, ŋį́ ə́ mąąkpɔnmąąɓo, a nwun mąąɓo yələ, ŋį́ ə́ tɔɔ a dee, ə́ kɛ a kwa nuą ku lɔwai mįnɛ̨, yɛ́ nɔi tɔɔ, ka kwɛlin nɔiɠaai daa ɉu kala, yɛ́ pɛ̨nɛ̨, yɛ́ dɔɔ.

Timote dɔlɔɔ 1:16

Kɛlaa akɛ, di ɲɛ̨́imąąwɛli kaa, ə kɛ lɔ tii, əgɛ, ɲą́ą́ ŋɛ̨i a dɔlɔɔ, Jesus Kristə ə nwɔ liinɛ̨ɛ̨ gwəi laa lɛ bɔ́ pələ, nuąi pai laai na, diɛ ɓalo hva kpɛɛ hɔlɔɓo, diɛ, a nui da di kɔɔn mą.

Mąątɛ̨nɛ̨ 91:7

Nu waa ə mą too ə́ kwɛlɛ ɓɛ pələ, nwaa pow ə too ə́ ɓa-mįi-yee hu pələ, ə́ wɛi, hɛn da hva tunwɔ̨n yɛ́.