Mąątɛ̨nɛ̨ 31:3 - Yálá laawoo hɛɓɛ (dc)

³ 'Ə́ wəli tɔɔ nwoo ɓa, nwún mąąɓo ɉa-ɉa; kɛ́ a mą́ą́kpɛ kwɛni walawalaa, a málo pɛlɛ́ walawala.

Yálá laawoo hɛɓɛ

³ 'Ə́ wəli tɔɔ nwoo ɓa, nwún mąąɓo ɉa-ɉa; kɛ́ a mą́ą́kpɛ kwɛni walawalaa, a málo pɛlɛ́ walawala.

Bible

³ Yá ƃa ŋ́uŋ ma ƃó nuu da ḿaa kɔ̃ɔ nûu yɛ̂ɛ kɔni. Ḿɛi káa í ńdeniŋ tɔ́ɔ yɛ̂ɛ berei í íkono tèe lai.

Mąątɛ̨nɛ̨ 31:3 Referans Kwoze

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Mąątɛ̨nɛ̨ 79:9

'Kpɔnmąą tɛɛ ku pɔ, ku ɓalo Yálá, ə́ laa mąąwiaai mąą mɛ̨nį ɓa; 'ku nwun mąąɓo, ku wɔ nɛ̨ŋɛ̨nŋaai waa, ə́ laa mąąwiaai mąą mɛ̨nį ɓa.

Ɉaan 16:13

Dɛ̨ą Kilii tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Mąątɛ̨nɛ̨ 139:24

Gáá kpɔ a nɛlɛɛ, ə gɛ və́ pa ɉon a pələ ɲɔ̨n. 'Li a ɲą́ą́ ɓalo hva kpɛɛ pələ mɛ̨i.

Mąątɛ̨nɛ̨ 43:3

Yɛ́ kɛɛponoi da yɛ́ tɛ̨ąi tɛɛ, diɛ dɛ̨́nɛ̨n dɔɔ, diɛ li a ɲą́ą́ ə́ wɔ yee mąąhəɠɛɛi nwuɔ̨, ə́ yəi bɛlɛ́n.

Mąątɛ̨nɛ̨ 25:11

Ə́ laa mąąwiɛ mɛ̨nį ɓa, Yai-Laa, nwɔ́ nɛ̨ŋɛ̨n mąąhvaa lɛɛ, gɛnɛ̨ ɓə!

Mąątɛ̨nɛ̨ 25:5

'Dɛ̨́nɛ̨n dɔɔ yɛ́ tɛ̨ą pələi mɛ̨i, 'Ə́ mą́ą́ kwɛli ɉu yíiɓo pələ ɓa, mąąhɔlɔɓo, málo Yálá ɓaa a yɛ́. Gílitɔɔi lɔ yɛ́ a yələ kəlee.

Nehemi 9:12

Ə́ kɛi di tənən dɔɔ hvóló ŋą a tulɔ kpinįn, yɛ́ di tənən dɔɔ kpinį hu a nwɔ̨n nən, bələi di kɛi hiɛ ɉu, ɉu pɔ̨nɔ̨ mɛ̨nį ɓa.

Mąątɛ̨nɛ̨ 25:9

Nuąi da di kpɔwɔ mąą yɛɛ, a di tɛ̨nɛ̨ndɔɔ tələnmolaa ɓa, nuąi di hva di nwun dɛ, a nwɔ pələi lɛ diɛ.

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Nehemi 9:19

Kɛlaa, ə́ wɔ wɛlikɛmąą hu, hvo di lɛɛ laa nɔi pun ɉu, dulɔ kpinįn və həɠə di mɛ̨i hvóló ŋą, ə́ di tənən dɔɔ bələ mɛ̨i, ə mą kɛ nwɔ̨n nən, kwii hąą yɛ di tɛɛ pələ hupono.

Zasua 7:9

Kanaan nuą, da nuąi kpɔ di heɛ kaa nɔi ŋɛ̨i hu, daa mɛ̨nįi ŋɛ̨i bələ mɛ̨n, di kaa pai tínɛ̨n ɉii kuɔ, di ku laa waa lɔi mɛ̨i. Akɛ tii, naa kɛnɛ̨i ŋɛ̨i gaa yɛ́, yá gɛ ləi?»

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.

Mąątɛ̨nɛ̨ 71:3

'Kɛ́ a mą́ą́kilɛi kwɛni, a ɓɛi ŋą́ nóó laa a yələ kəlee; Ə́ naa ə́ kwəi yɛ́ ə́ kaa máloi, mą́ą́kɔ̨nwɔ̨ kwɛni ɓaa a yɛ́, da mą́ą́kpɛ hįi.

Mąątɛ̨nɛ̨ 102:3

'Hvó Ə́ ɲɛ̨i həɠə ɲɛ̨́i, ɲələi mɔ̨nɔ̨ a hee la ɉú. Ɲələi ŋą́ Ə́ təli la, 'Ə́ wəli tɔɔ kpɔ a nɛlɛɛ nwóó ɓa, 'Ə́ nwóo mu hon ɉa.

Mąątɛ̨nɛ̨ 116:2

A nwəli tɔɔ nwóó ɓa, ɛlɛɛ, nwɔ́ yɛnɛ̨ɛ̨ kəlee yee mu, gáá pai kɛi dəlii.