Mąątɛ̨nɛ̨ 31:23 - Yálá laawoo hɛɓɛ (dc)

²³ Ya pa, ɲą́ą́n gwə́i pilɛɛi kɛ mą́ą́, gɛ́ kɛ diɛ; «Yáá mą́ą́kwɛa ə́ ɲɛ̨ilai ɓa.» Kɛlaa, nwɔ́ hvɛli woo mąąwɛliɛi, ə́ mu hon, ɓɛlɔwai ŋį́ tomą la ə́ pɔ pələ.

Yálá laawoo hɛɓɛ

²³ Ya pa, ɲą́ą́n gwə́i pilɛɛi kɛ mą́ą́, gɛ́ kɛ diɛ; «Yáá mą́ą́kwɛa ə́ ɲɛ̨ilai ɓa.» Kɛlaa, nwɔ́ hvɛli woo mąąwɛliɛi, ə́ mu hon, ɓɛlɔwai ŋį́ tomą la ə́ pɔ pələ.

Bible

²³ Káai kélee kákili tɔɔ maai káa Yâwɛɛ mai, ká ŋ̀wɛ́li-ni. Yâwɛɛ a diai maa kɔ̃ɔ díkili tɔɔ̂i mai. Kɛ́lɛ diai dísu mɛ̂ni kɛ̂tɛi, a díkula maa kɛ̂.

Mąątɛ̨nɛ̨ 31:23 Referans Kwoze

Mąątɛ̨nɛ̨ 97:10

Kaai Yai-Laa wɛli kaa kaa! 'Ka mɛ̨nį ɲɔ̨n nwɛli kpɛɛ kaa, a nwɔ tələnmo nuą di wɔ yɛnɛ̨ɛ̨ laa hɔn mo, yɛ di kulɔ nwąnąlɔ nuąi yəi.

Mąątɛ̨nɛ̨ 145:20

Yai-Laa a ɲɛ̨i kɛ nwɛlikɛmąą nuą diɛ, Kɛlaa nuąi di hva kulɔ di woo ɓa, a di hu kala.

Mąątɛ̨nɛ̨ 94:2

'Ə́ muhəɠə ə́ tɔɔ! Lɔi kiti tee mun! Ɉɛn kpɔwɔ ɲąąkɛnɛ̨ nuą di gwɛlii, 'dɛɛ di pɔ!

Mąątɛ̨nɛ̨ 34:9

'Ka ka ɲɛ̨i hee tai, ɛlɛɛ, bələi Yai-Laa nwɔ mɛ̨inɛ̨ɛ̨ kaa la, ka gaa! Nui a mąąkilɛ vaŋąn mu, nwun na nɛ̨ɛ̨i ɓə!

Mąątɛ̨nɛ̨ 30:4

Yai-Laa, yáá nį́i kulɔ ɲąmuątaa yəi, yɛ́ ɓə pənə ə́ nɔ̨ɔ̨ too ɉú, ɓɛlɔwai ŋį́ kɛi yɛɛ laa kámąi.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

Markə 12:23

Akɛti, haaɓɛlaa muhəɠəi lɔwai, nɛ̨ɛ̨nui tii a kɛ a ɉinąą mɛ̨ihveelɛi tii nɛlɛ nɛ̨ą? Mąąhɔlɔɓo, nu mɛ̨ihveelɛi tii gəlee daa kɛ ɉəɠə a di nɛ̨ą!»

Mąątɛ̨nɛ̨ 89:7

Gbɛɛ ɓə yələkɔlɔn ɉu da Yai-Laa di pɛliɛ-o? Yáláɠaa lɔwai, nɛlɛ ɓə gaa yɛ Yai-Laa?

Mąątɛ̨nɛ̨ 54:5

Mąąhɔlɔɓo, nwɛ̨ąą daa wolo mą́ą́, wɛa nuą diɛ báá pələ kwɛli; Yálá mɛ̨nį hvo di wɔ kiliŋąhiɛ hu.

Samuɛlə dɔlɔɔ 2:9

Nuąi da ɲɔw mą, a di mɛ̨i kaa. Kɛlaa, nu ɲɔ̨nwɔ̨ɔ̨ɠaa nwun na kaa pai pilii kpįnįi. Mąąhɔlɔɓo, nu nwɔ huwalawala hvee a kɔ́ nɛ̨ɛ̨ mą.

Dutɛrɔnome 33:3

Israɛlə lonnii wɛli kaa Yai-Laa ɓa; a nwɔ nuą mɛ̨i kaa, diɛi da di ɲąą kpɔn gɔwɔ mu, diɛ di wəli tɔɔ nwɔ liɛwoo ɓa.

Dutɛrɔnome 32:41

Gáá nwɔ́ kɔ́ kɔ́ ɓɔwa ɲą́ą́lii! Gaa pai kiti teei! Gáá nwą́ną kulɔi ɲówoɠaa diɛ. Nuąi wɛli kpɛɛmaa túwɔ́ ɓo a ɲą́ą́, gáá gwələ kulɔi.

Dutɛrɔnome 10:12

Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

Mąątɛ̨nɛ̨ 145:10

Ə́ kɛ mɛ̨nį kəlee pɛlɛɛ gee ɓa, di kaa pai kɛi ə́ mąątɛ̨nɛ̨i, Yai-Laa, ə́ yee pɔnuą diɛ ə́ mąąwiɛ.

Azaya 56:6

Nweąąi da kanąn Yai-Laa ɓa, di yee ə ɓo nwɔ kólóɠaai diɛ, diɛ naa wɛli la kɛ, diɛ di kpɔwɔ kɛ a nwɔ kóló kɛ nuą, nuąi kpɔ da vįitɔɔ yələ mąąhəɠə, di hva ɲali, ɛlɛɛ, diɛ lɛɛ nwɔ́ mįnɛ̨i pulu,

Dutɛrɔnome 30:16

Mɛ̨nįi háákələi gáá ka tí a gɛ mɛ̨nį, ya ɓaa: Ka Yai-Laa ka wɔ Yálái wɛli la kɛ, ka hiɛ a gbaaləi ŋɛ̨i ə nɛ kaa, ka nwɔ tɔ́nŋąą hon, bɛlɛɛ nwɔ tíɓoɠaa diɛ. Ka yili kɛ tii, ka lɛɛ yɛnɛ̨ɛ̨, ka yíi hvólóɠaa hu ə kwɛa, ka ɓuwu ɓo; akɛ tii, nɔi ŋɛ̨i ka káá pai ɉɔlɔɓoi a ka wɔɔ, Yai-Laa ka wɔ Yálá a lúwɔ́ too kaa.

Azaya 38:10

Ŋą́ kɛi kɛ diɛ: «Ŋą́ą́ lɛɛ kpɔlɔ həlii nwɔ́ yɛnɛ̨ɛ̨ ɲąą nɛ̨ɛ̨ ɓa, gɛ́ li! Gɛ́ lii haa nuą pɔtaai, gɛ́ kɛa pa lɛɛi laa, gɛ́ nwɔ́ kwɛlan gbəli kɛ laa!

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›