Mąątɛ̨nɛ̨ 31:13 - Yálá laawoo hɛɓɛ (dc)

¹³ Da lɛ̨ą mą́ą́, yɛ haamun, yɛ haamuŋ gili aa kpɛɛ nuą ɲą gɛ́ pələ kaa lɔ kɛa yɛ pili hɛn.

Yálá laawoo hɛɓɛ

¹³ Da lɛ̨ą mą́ą́, yɛ haamun, yɛ haamuŋ gili aa kpɛɛ nuą ɲą gɛ́ pələ kaa lɔ kɛa yɛ pili hɛn.

Bible

¹³ Ŋ́gbɔara-ƃelai da kɛ̂ ninîŋ-woo ƃôi é pîlaŋ ḿâ. Mɛni kpɔ̂lu a tínaŋ ḿâ gwaa kélee. Nûa da mɛni kpɛtɛɛ nyɔ́mɔɔ támaa kɛ̂i é pîlaŋ ḿâ. Da gbɛtɛ̂i a gɛɛ dí ḿbaa.

Mąątɛ̨nɛ̨ 31:13 Referans Kwoze

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Maafîu 27:1

Yələ wala pɔ, ɉaláá laa həli nuą kpɛa-kpɛa nwun nąmįną da Ɉuifə kalaɉonŋąą di di ŋąąkpɔn, ə gɛ, di Jesus paa.

Woolaa 2:22

Yáá liiholi kəlee təli mą́ą́ yɛ́ nu aa kɛi mɛlaa təli hɛli ɓa. Yai-Laa nwɔ liiholi yələ nu ta hvo pu, nu tɔ̨nɔ̨ kpɛli nwun və kulɔ ɉu. Nuąi kpɔ ŋą́ ɲįnį tɔɔ di la, ɲówo aa gəlee huwu pu.

Samuɛlə dɔlɔɔ 20:33

Saulə ə nwɔ kpalai tɛ ɲee mɛ̨i, yɛ kɛ ə bili ma, Ɉonatan ə gbaɠala kaa yɛ kɛ nąn aa Davidə paa mɛ̨nį mąą kili tee gwəi.

Lukə 23:5

Kɛlaa, di tómą kpɔ a di woo kɛnɛ̨, diɛ mą: «Kuɔ yɛ́, nwɔ kalan gɛ pələ ə kɛi nuą kwɛitee, ə gɔɠɔ tɔɔ kpɔ Galile lɔi hu, ə tɛɛ la Ɉude lɔi hu, ya ka aa pa aa həli la ɓɛ.»

Maafîu 26:59

Ɉaláá laa həli nuą nwun nąmįną da tɔ́nvili nąmįną di kɛi lɛɛ mɛ̨nįɠaa kwɛli diɛ bɛlɛ a Jesus laa, ə gɛ, di mąą ɲaba lɔ di baa.

Ɉeremi 11:19

Nwɛ́i, ŋį́ kɛ lɔ di yəi yɛ ɓɛlaa lon, yii hva mąąkɔ̨nwɔ̨, yaai di kaa lííla baa mɛ̨nį ɓa. Gíli hvo kɛ ɉu, gɛ́ kɛ mɛ̨nį ɲɔ̨nwɔ̨ɔ̨ɠaa di kɛi mo, vilɛnŋaa kɛ mą́ą́; yaai di kɛi kɛ la mą: «Ka gu nwulu lɛɛ nwunu kɔ́lɔi, ka gu gulɔ a ɉamu, ka gu gulɔ yɛnɛ̨ɛ̨, əgɛ, nu ta hvo kɛa naa mɛ̨n.»

Ɉeremi 6:25

Ka hvo kɛ ka káá lii yɛɛ kɔwɔ ta hu, ka hvo ɉon a pələ ta. Mąąhɔlɔɓo, ka yowoɠaa di wɔ kɔlaɠai pɛlɛɛ laa, aa kɛ a mɛ̨nį-o!

Mąątɛ̨nɛ̨ 101:5

Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ.

Mąątɛ̨nɛ̨ 57:4

Ee kə! Yálá 'ə hvaa mą, ə lɛɛ yələi pələ, 'ə málo wɛ! Nui vánąi, ə ɲɛ̨i paa! Yálá ə nwɔ wɛlikɛmąąlaa da nwɔ tɛ̨ąi tɛɛ kuɔ wɛ!

Mąątɛ̨nɛ̨ 55:10

Ną́mu Yálá! 'Hvaa too di lɔwai, woo taɠa lɔ di lɔwai; mąąhɔlɔɓo, gáá wea mɛ̨nį da hvaa mɛ̨nį kaai daa kwəi.

Samuɛlə dɔlɔɔ 24:9

Davidə ə muhəɠə kɛa, ə kulɔ gwɛni wolo hu, ə tomą Saulə pulu pələ, yɛ kɛ mą: «Nwɔ́ mɛ̨nį nąmu tɔɔmun!» Saulə ə tinɛ̨n ə nąą kaa, Davidə ə pɛlɛ nɔi ɓa niiɓa ə kwɛli hvilɛn mą.

Zɛnɛse 40:23

Kɛlaa, nɔɔ pɛli nuą nwun nąmu hvo kɛa gili lɛɛ Ɉosɛfə mąą mɛ̨nį hu.