Mąątɛ̨nɛ̨ 31:11 - Yálá laawoo hɛɓɛ (dc)

¹¹ Nwɔ́ yɛnɛ̨ɛ̨ ɲąą kaa kpɛɛi liikələn gwəi hu, nwɔ́ kwɛlanŋaai diɛ kpɛɛ ɲįn-ɲąmįi hu; gɛ́ nɛ̨ŋɛ̨n mąą mɛ̨nį ɓa, hvaŋą aa kpɛɛ ɲə́i. Yɛ gɔ́wɠaa mįi ɉú pələ.

Yálá laawoo hɛɓɛ

¹¹ Nwɔ́ yɛnɛ̨ɛ̨ ɲąą kaa kpɛɛi liikələn gwəi hu, nwɔ́ kwɛlanŋaai diɛ kpɛɛ ɲįn-ɲąmįi hu; gɛ́ nɛ̨ŋɛ̨n mąą mɛ̨nį ɓa, hvaŋą aa kpɛɛ ɲə́i. Yɛ gɔ́wɠaa mįi ɉú pələ.

Bible

¹¹ Ŋ́gbɔara-ƃelai da kɛ̂ ńarânii, ŋ́gɔlɛ ma-ƃelai kpîŋ ƃa ŋ̀uŋ. Ḿbɛlɛ kpɛɛ̂i díkoi. Da yâo ḿâ. Ƃɛ́i kélee da ŋ́gàa naai, da pû.

Mąątɛ̨nɛ̨ 31:11 Referans Kwoze

Mąątɛ̨nɛ̨ 38:11

Níi kaa kɛlɛi gwə́i, hvaŋą aa kpɛɛ ɲə́i, ɲɛ̨́i yɛ tɛɠi mą́ą́.

Mąątɛ̨nɛ̨ 88:8

Ə́ wɔ líiholii aa wiɛ mɛ̨́i, Ə́ wɔ yáhvuluun kaa kɛlɛi ɉú a vaŋą kɛnɛ̨ɛ̨.

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Mąątɛ̨nɛ̨ 88:18

Yələ kəlee, mą́ą́ tinɛ̨n ŋąąi lɔ a mąąɲɔw hɛnŋaa, di kaa yɛ yáhvɛɛ, daa mą́ą́ tinɛ̨n, daa doo gee hu.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.

Mąątɛ̨nɛ̨ 64:8

Kɛlaa, Yálá aa kilɛn bili diɛ, daa mɛ̨ikɔwɠaa kaa lɔ kɛa di tɛɠii, di kpɔwɔ mɛ̨nįi lɔ di gɛ, yaa lɔ li.

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

Hebreu 13:13

'Ká gu kulɔ kani, gwə li, gu naakwiɛn daa pulu pələ, mɛlɛ too ti həli mą, ə həli gu kəlee guɔ.

Hebreu 11:36

Daɠaa, diɛ di liikpələ yɛlɛkulɔɉu mu, da hvaɠa, diɛ daɠaa yili a yɔwɔn, diɛ daɠaa too gaho ŋą;

Timote veelɛ 4:16

Ɲələ tɔlɔɔi ŋą́ kɛli gbɔ́wɔ́ mąą kɔ̨nwɔ̨ la, nwɔ́ nu hvo hɔlɔɓo, nu gəlee di kulɔ búlú. Yálá ə mą wala yili gwələ hvo kulɔ li diɛ.

Lomaŋ 15:3

Mąąhɔlɔɓo, Kristə hvo kɛ gbɔwɔ liiɓa kɛ li yɛnɛ̨ɛ̨, kɛlaa, yɛ pələi bɛ̨ɛ̨ la Yálá lawoo hɛɓɛ́ hu yɛ mą: «Ə lalan di mo, ɲą́ą́ ɓə di kɛ mą́ą́.»

Markə 14:50

Nąąlɔwai tii hu, nwɔ kalan nɛai kəlee di nɛɛ laa, di pu.

Maafîu 26:74

Nąąlɔwai Piɛrə ə gwɛla kpɔ kɛnɛ̨, yɛ diɛ: «Ɲą́ą́ kwa Yálá ku lɔwai, nui tii ka káá naa ɓoi, və́ gɔlɔn.» Ŋąąɓa, tɛ́ɛ́ ə nwoo pili yələ ɓɔi lɔwai.

Mise 7:6

Mąąhɔlɔɓo, lon ɉulɔnu a nąn gaa yɛ ɓowomun, lon nɛ̨ɛ̨nu yɛ tɔɔ nee la. Lon nɛ̨ą yɛ tɔɔ ɉilɛ lee la, nu ɲowo ə ɓo gɔwɔ ɓaa mɛ̨i.

Ɉeremi 12:6

Yaan, ə mą kɛ, ə́ nąn nonnii, a ə́ yəi bɛlɛ́n nuą kpɔ-kpɔɔ daa kulɔ ə́ pulu. A tɛ̨ą, di kaa nu kpulu ɲąą tɛi yɛ́ ə́ tɛɠii, hvó ə́ kili lɛɛ diɛ, ə mą kɛ di kaa pələ nɛɛ ɓoi yɛ́.

Mąątɛ̨nɛ̨ 22:6

Di kɛi tómą ə́ pɔ pələ, yɛ́ di ɓalo! Da di kilitɔɔ kɛ yɛ́, hvó kɛi di ɲɛ̨i lɛɛ pələi!