Mąątɛ̨nɛ̨ 30:5 - Yálá laawoo hɛɓɛ (dc)

⁵ Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Yálá laawoo hɛɓɛ

⁵ Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Bible

⁵ Ŋɔlii ŋwânai su fa kôya. Ŋɔmaloŋ kâai káa wɔ́lɔ-wɔlɔ da wɔ́lɔ-wɔ́lɔ mɛni ma. Kwa pɔ̂ri lɛɛ̂i wɔ̂lɔi a kpíni é lɛ́ɛ la zu ɣele é ƃɔ́. Kɛ́lɛ ɣele a ƃɔ̀, lii-see a pà kúpɔ, kú pɛ́lɛ lii-nɛ̃ɛ kulâi.

Mąątɛ̨nɛ̨ 30:5 Referans Kwoze

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Maafîu 5:4

Nwun na nɛ̨ɛ̨ nuą ɓaa nuąi di kaa wɔlɔi. Mąąhɔlɔɓo, Yálá kaa pai di ɲɛ̨iyá kələi di ɲɛ̨i!

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Mąątɛ̨nɛ̨ 103:9

Hvo lɔ laa kiti tee mɛ̨ni ɓa a yələ kəlee, hva nu hɔn ɉee gwəi a ɉu kwɛaa.

Mąątɛ̨nɛ̨ 16:11

Yá yɛnɛ̨ɛ̨ kɛ pələ lɛ mą́ą́, kwəinɛ̨ɛ̨ kɛnɛ̨ lɔ ɓə ə́ lííla; a mɛ̨nį ɲąąnɛ̨ɛ̨ɠaai kpɛɛ hvo mą, diɛ ɓə ə́ ɓa-mįi-yee hu.

Mąątɛ̨nɛ̨ 63:3

Ə́ kaai ŋį́ mo ə́ hee pɛlɛ́ mu, náá taɠaai lɔ kɛ poo, ɲɛ̨́i həɛ kɛ ə́ hvąŋą, da ə́ wɔ mąąwiɛ ɓa.

Mąątɛ̨nɛ̨ 59:16

Di kaa lia tɛɛ lɔ ɉu-ɉu, diɛ di kɔ̨nɔ̨n gwɛli, da wala pilɛ, da yíi lɔ hvaai di nwun ɉu.

Mąątɛ̨nɛ̨ 46:5

Kɛlaa yá kɛnɛ̨ ta kaa laa, mɛlaɓoɔ ɉu tamąą, yɛ kwəinɛ̨ɛ̨ tɛɛ Yálá nwɔ taai pɔ; yɛ yələkɔlɔn ɉu Yálá nwɔ pɛlɛ́ɠaai mąąhəɠə.

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Zɛnɛse 32:24

Ə mą kɛ da ɲəi hɛnŋąą kəlee.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Mąątɛ̨nɛ̨ 47:7

'Ka wələ too Yálá ɓa, 'ka doo! 'Ka hvɛli kɛ gu wɔ tɔɔmun ɓa, 'ka gɛ kpɔ!

Mąątɛ̨nɛ̨ 97:12

Tələnmo nuą, 'ka kwəinɛ̨ɛ̨ kulɔ, Yai-Laa mąą mɛ̨nį ɓa, 'ka Naa tɛ, 'kaa nwɔ mąąhəɠəlaa kili too ka ŋą.

Mąątɛ̨nɛ̨ 145:10

Ə́ kɛ mɛ̨nį kəlee pɛlɛɛ gee ɓa, di kaa pai kɛi ə́ mąątɛ̨nɛ̨i, Yai-Laa, ə́ yee pɔnuą diɛ ə́ mąąwiɛ.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.