Mąątɛ̨nɛ̨ 30:11 - Yálá laawoo hɛɓɛ (dc)

¹¹ 'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Yálá laawoo hɛɓɛ

¹¹ 'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Bible

¹¹ Ya ŋámaloŋ too maai pene a koi-nɛ̃ɛ mãla. Ya gɛ́ ŋámaloŋ too maai kélee a pene a lii-nɛ̃ɛ. Ŋa kɛ̀ nɔ́ koi-nɛ̃ɛ kulâi a zu kɛ́tɛ.

Mąątɛ̨nɛ̨ 30:11 Referans Kwoze

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Ikilisiati 3:4

Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Kɔlɔnikɔ Veerɛi 20:12

Ku wɔɔ Yálá, hvó mɔ̨ɔ̨ pai Ə́ wɔɔ kitii pui di mɛ̨i? Hvo gaai, hvaŋą hvo ku yəi, ku hvo tɔɔ la nu kpulu kɛnɛ̨i tii pai dɔwɔ. Kɛlaa, ku ɲɛ̨i kaa lɔ Yɛ́.»

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 150:4

'Ka mąątɛ̨nɛ̨ a damąn da mąną kaa, 'ka mąątɛ̨nɛ̨ a hvɛ́li kɛ hɛn yii ɲɛli kaa mą.

Lukə 15:22

Kɛlaa, nąn ə mo nwɔ koló kɛ nuą diɛ, yɛ diɛ: ‹Ka pa a gbaawi lɛlɛɛ ɉa-ɉa ka doo gwaną, ka gbono too ɲee ɓa, ka kɔ́lɔ lɛlɛɛ lɔ gɔwɔ ŋą.

Mąątɛ̨nɛ̨ 30:5

Kaai a Yai-Laa yee pɔ nuą, 'ka naa tɛ wələ too, 'ka mąątɛ̨nɛ̨, kaa nwɔ mąąhəɠəlaa hukulɔ pɔ̨nɔ̨ ŋą.

Samia Veerɛi 6:14

Davidə ə kɛi mąną yɛ kɔ̨nwɔ̨ kpɔ a neelee Yai-Laa lííla. Kilɛn ɉəɠə lɔ ɓə kɛ gwąną, gbulɔn ŋąą ləŋəi.

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Mąątɛ̨nɛ̨ 4:7

Nu tamąą da kɛ kɛi diɛ: «Gbɛɛ ɓə pai yɛnɛ̨ɛ̨ ɲąąnɛ̨ɛ̨ lɛi kuɔ?» Yai-Laa, 'Ə́ ɲɛ̨ilai kɛɛ pɔ̨nɔ̨ ɓɛla ku mɛ̨i!

Ɉaan 16:20

A tɛ̨ą kpɔ-kpɔ gáá moi kaa, ka káá pai wɔlɔi, kaa ka woolaa, kɛlaa, nąąlɔwai, a kɛ a kwəinɛ̨ɛ̨ yɛnɛ̨ɛ̨ nuą diɛ. Ka liihɛlɛn ŋąąi, ka wɔ liihɛlɛn mąą kaa pai pənəi a kwəinɛ̨ɛ̨.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Kɔlɔnikɔ Veerɛi 20:9

‹Akɛ mɛ̨nį nwąnąą ta aa kɛi pa həlii kuɔ, ə kɛ a kɔ́, ə kɛ a hutɔɔ mɛ̨nį, ə kɛ a lɔi wolo ɲɔ̨n, ə kɛ a pulu; akɛ kwa tɔɔ bɛlɛ́i ŋɛ̨i lííla, Ə́ ɲɛ̨i ɓa; hvo gaai, Ə́ laa kaa bɛlɛ́i ŋɛ̨i mu; kwa tómą Ə́ pɔ pələ ku wɔɔ mɔ̨nɔ̨i tii hu, Yá Ə́ wəli tɔɔ kuɔ, Ə́ ku ɓalo.›

Azaya 25:3

Yili mąą mɛ̨nį ɓə nu huwu huwala walaai kaa Ə́ mąąwiɛi la, lɔi ɲąąwooɓo nuą di wɔ taai yɛ ɲɔw Yɛ́.

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Zɛnɛse 45:28

Israɛlə yɛ kɛa diɛ: «Ɉosɛfə kɛ mɛ̨nį a vulú, gaa a kwəi pili mąą; nón Ɉosɛfə kaa kpɔ ni yɛnɛ̨ɛ̨, akɛtii tɛ̨ą li! Gáá lii ŋį́ ɲɛ̨́i tɔɔ mą, gɛ́ tɛɠa haa.»

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Kɔlɔnikɔ Veerɛi 20:3

Ɉosafatə ə ɲɔw, ə tinɛ̨n yɛ li Yai-Laa mąąnin gɛi; ə hin nolo ɓo Ɉuda lɔi hu nąą kəlee, di hin nɔ.

Mąątɛ̨nɛ̨ 27:7

Yai-Laa, ə́ wəli too nwóó ɓa, ɲɛ̨́i mąąwɛli kaa ə́ nwóó mu hon.

Ɉeremi 52:33

Ə Yoyakimə nwɔ luwɔ həɠəɠaa kəlee kulɔ gwąną. Yoyakimə da Babilonə tɔɔmun mə kɛi di yee lɔ kɔ́wɔ tɔ̨nɔ̨ hu, nwɔ yɛnɛ̨ɛ̨ kəlee yee mu.