Mąątɛ̨nɛ̨ 3:8 - Yálá laawoo hɛɓɛ (dc)

⁸ 'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali.

Yálá laawoo hɛɓɛ

⁸ 'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali.

Bible

⁸ Yâwɛɛ ƃé núu ŋuŋ ma ƃó wala-wala káa ǹyêei. Tɔɔ Ɣâla é lûwa láa ŋɔnûai dîa.

Mąątɛ̨nɛ̨ 3:8 Referans Kwoze

Azaya 43:11

Ɲą́ą́, ɲą́ą́ ɓə a Yai-Laa, nwun mąąɓomun dakpɛli hvo la ə kulɔ ɲą́ą́ búlu.

Zôna 2:9

Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

M̀ɛni-lɛɛi 7:10

Diɛ tomą a di woo kɛnɛ̨, diɛ kɛ mą: «Ku wɔ Yálái ɓə ɓalo mɛ̨nį kaa a nwɔɔ, yai heeni dɔɔkpəlin ɉu da Mɛlaa Lon.»

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Hanwon 21:31

Nu ya pɛli ə́ ə́ hąą yili kpąąn yɛ́ li kɔ́ ɓa, Kɛlaa, Yai-Laa ɓə yee tɛɛ mąą kaa ɲəi.

Gɛlaɠaa 3:26

Ka mąą mɛ̨nį ɓə gbɛa gɛ, Yálá yɛ nwɔ tímun həɠə ɉu, yɛ dɔɔ ka pɔɔli, yɛ lúwɔ́ too káá, yɛ ka tɛitɛi ka həɠə ka wɔ túwɔ́ pələ ɲɔnŋaa pulu.»

Mąątɛ̨nɛ̨ 72:17

Laa kɛnɛ̨ ə kɛ mą kpɛɛ hva kɛ mą, naa ə həli ɓɛi hvoló a hɔɔ laai; nuą diɛ lúwɔ kɛ di keeni diɛ naa hu, lɔi kəlee yɛ nwun na nɛ̨ɛ̨ mɛ̨nį ɓo.

Ɉeremi 3:23

Haláá kulaa yee kpu kpuɠaa mɛ̨i, da mɛ̨nį tamąą kɛɛ yeeɠaa nwuɔ̨, yili nwɛi, a tɛ̨ą gaa kpɔ a kpɛli-kpɛli. A tɛ̨ą Israɛlə nwun mąąɓo mɛ̨nį a həɠə lɔ Yai-Laa kuɔ Yálái yee ŋą.

M̀ɛni-lɛɛi 19:1

Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

Mąątɛ̨nɛ̨ 29:11

Yai-Laa kaa pai huwalawala tɛɛi nwɔ nu huwui pɔ, Yai-Laa kaa pai lúwɔ tooi nwɔ nu huwui ɓa liilaa hu.

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Hebreu 6:14

yɛ mą: «A tɛ̨ą, gáá pai ə́ pilɛi lúwɔ́ hu, ŋą́ ə́ huwu hu ɓɛlɛ.»

Lonon mo 10:35

Ɓɛlɔwai mąąnɛ̨ɛ̨ kɛ di li la a mįnɛ̨ kəhi, Moisə a kɛ mą: «Yai-Laa ə́ muhəɠə Ə́i yowoɠaa hu taɠa, nuąi diɛ di tɔɔ Ə́ la, di pu di həɠə Ə́ ɲɛ̨itɔwɔ!»

Samia Veerɛi 23:12

Sama ə tɔɔ dɔwɔ́ kpɔlɔ hu, ə kulɔ Filisti nuą tɛɠii, ə di paa; gɔ ə nɛ̨ɛ̨ laa Yai-Laa ɓa kpɔ kɛnɛ̨.

Mąątɛ̨nɛ̨ 9:20

Yai-Laa, 'ə́ muhəɠə, 'ə́ tɔɔ! Nu kan 'və nwun dɛ! Lɔiɠaa kiti tee tai, ə́ líila!

Mąątɛ̨nɛ̨ 31:16

Nwɔ́ hvólóɠaai kaa ə́ yee ŋą, 'gulɔ ɲówoɠaa yəi.

Mąątɛ̨nɛ̨ 58:7

Yálá! 'Di ɲįn ɲali di la, Yai-Laa, ɲalaɠaai tii laa wolo.

Mąątɛ̨nɛ̨ 119:94

Ə́ pɔɔ ɓaa a ɲą́ą́! 'Málo! Mąąhɔlɔɓo, ə́ wɔ tɔn nwooɠaai kɛ lii kaa gwə́i.