Bib sou entènèt

Paj dakèy
Bib sou entènèt
Mąątɛ̨nɛ̨ 27:5

Mąątɛ̨nɛ̨ 27:5 - Yálá laawoo hɛɓɛ (dc)

⁵ Mąąhɔlɔɓo a nóó nwɔ pɛ́lɛ́i mu, ɓɛlɔwai mɛ̨nį ɲąąnwąnąą a həli mą́ą́; a nóó nwɔ pɛ́lɛ́i ɉɔ̨nwɔ̨n ɉu, a gɔ́wɔ́ tɔɔ kwɛni mɛ̨i.

Gade chapit la Kopi

Yálá laawoo hɛɓɛ

⁵ Mąąhɔlɔɓo a nóó nwɔ pɛ́lɛ́i mu, ɓɛlɔwai mɛ̨nį ɲąąnwąnąą a həli mą́ą́; a nóó nwɔ pɛ́lɛ́i ɉɔ̨nwɔ̨n ɉu, a gɔ́wɔ́ tɔɔ kwɛni mɛ̨i.

Gade chapit la Kopi

Bible

⁵ A pâi ḿaa kɔ̃ɔ̂i mɛni kpɔ̂lu su, é gɛ́ ŋ́gɛ ƃò ŋɔpɛ́rɛi mu ŋuŋ ma ƃô su, é ńdɛ ɣelêi é ńzee kɔni kɛ́tɛ ŋá sɛŋ da kélee yée fa pɔ̂ri ḿâ.

Gade chapit la Kopi

tounen moute ⬆

Mąątɛ̨nɛ̨ 27:5
33 Referans Kwoze

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Mąątɛ̨nɛ̨ 31:20

Mɛ̨inɛ̨ɛ̨ɠaai yáá ɉee ə́ ɲɔw nuą tɔwɔ, gɛnɛ̨i nuąi da di mąąkilɛ ə́ pɔ pələ, diɛ ɓə yá gɛ diɛ, nu kəlee ɲɛ̨i ɓa.

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Mąątɛ̨nɛ̨ 119:114

Mą́ą́ kilɛi da mą́ą́kpɛ kpanąn maa a yɛ́, ə́ woo ə gílitɔɔi mą.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 40:2

Ŋą́ą́ Yai-Laa mąąkpɔn, ŋą́ą́ mąąkpɔn a ɉu kwɛa, aa nwəli mąą yɛɛ bɔ́ pələ, aa dómą woo mɛ̨n.

Kolosə 3:3

Káá haa, ɛlɛɛ, ká wɔɔ yɛnɛ̨ɛ̨ da Kristə di lowɔi Yálá hu.

Mąątɛ̨nɛ̨ 17:8

Ə́ ɲɛ̨i kɛ mą́ą́, ə́ mą́ą́ kpɛ yɛ nu ɲɛ̨i lon, nóo ə́ hvaŋąn mu.

Mąątɛ̨nɛ̨ 46:1

Nwələ ɲɛ̨itɔwɔmun Kore lonnii di wɔ wələ.

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Mąątɛ̨nɛ̨ 57:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Mąątɛ̨nɛ̨ 61:2

Ee kə Yálá! 'Ə́ wəli tɔɔ nwɔ́lɔ woo ɓa, 'ə́ wəli tɔɔ kpɔ a nɛlɛɛ, ə́ hvɛlii gáá moi nwóó ɓa.

Mąątɛ̨nɛ̨ 18:33

Ɲálái tii ɓə a ɉú yili a huwalawalalaa, yɛ ɉíɛ pələ lɛlɛ.

Mąątɛ̨nɛ̨ 83:3

Ə́ yówóɠaa kaa li, diɛ hvaa ŋɛ̨i di nwun ɉu nwɔ̨ɔ̨i! Nuąi da tɔɔ ə́ lai di kaa li, diɛ di nwun dɛi!

Mąątɛ̨nɛ̨ 77:2

Yálá ɓə gáá dəlii, gɛ́ tómą, Yálá ɓə gáá dəlii, yɛ nwəli tɔɔ nwóó ɓa.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Mąątɛ̨nɛ̨ 10:1

Yai-Laa, lə ɓə kɛ yai ə́ kaa kwɛaa la, yɛ́ ə́ loo a mɔ̨nɔ̨ yələɠaa?

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Kɔlɔnikɔ Veerɛi 22:12

Ɉoasə ə lɛɛ now pələi Yálá yəi bɛlɛ́n, kwɛlan mɛ̨ida yee mu, Atali yɛ nɔi ɲąąwooɓo.

Mąątɛ̨nɛ̨ 31:21

Yáá di loo, ɓɛi ə́ ɲɛ̨i lɛlɛɛ heɛ lai, mąą kwɛaa nuą di wɔ gbąnąlaa mɛ̨nįɠaa diɛ, yáá di loo, nu nɛ̨n nwɔ kɔɠaai tɔwɔ.

Mąątɛ̨nɛ̨ 40:3

Aa gúlɔ ɓoloon ɲɔ̨nwɔ̨ɔ̨ hu, da palayá kpon ɉu kwɛaa hu; ə ɉáŋą ə dɔ́ɔ́, ə gɔ́wɔ́ hvilɛn kwɛni mɛ̨i, ə gɔ́wɔ́ɠaa hukɔlɔ mú.

Mąątɛ̨nɛ̨ 61:3

Ŋą́ lɛɛ kpɔ lɔi kpɛlai, ŋą́ tómą ə́ pɔ pələ, vį́i kəlee aa kpɛɛ! 'Lii a ɲą́ą́ kwɛn mɛ̨i kwɛa, mɛ̨i.

Swiv nou:

Lyen patwone

Piblisite

Piblisite