Mąątɛ̨nɛ̨ 27:14 - Yálá laawoo hɛɓɛ (dc)

¹⁴ Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Yálá laawoo hɛɓɛ

¹⁴ Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Bible

¹⁴ Láa a Yâwɛɛ maa mɛ̂ni. Kili kɛ-zu é kɛ́ íyêei, ílii fé tòo pôlu. Ye ílii kpéle í m̀aa kpɛ́ŋ.

Mąątɛ̨nɛ̨ 27:14 Referans Kwoze

Azaya 40:31

Kɛlaa nuąi da di kilitɔɔ Yai-Laa ɓa, di hvaŋą ta lɔ ɓə a pɛlɛ mą, da kɛ yɛ da kɛi koon, yɛ kuwɔ́ɠaa, diɛ gilɛ həɠə, di hvii hva kpɛɛ, di kaa lɔ hiɛi, di kɔ́wɔ hu hva haa.

Mąątɛ̨nɛ̨ 31:24

Kaai a Yai-Laa yee pɔ nuą, 'ka nwɛlilakɛ! Nuąi kpɔ Yai-Laa aa di kulɔ mɛ̨nįi; Kɛlaa nui a tɛɠɛɓoɉu, a gwələ kulɔ a ɲəi ɓɔ pələ ɉu.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Mąątɛ̨nɛ̨ 37:34

'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.

Mąątɛ̨nɛ̨ 130:5

Ɲɛ̨́i kaa Yai-Laa tɔwɔ, gáá mąą kpɔn ɉii kpɔ, a nwą́nąi, gílitɔɔi nwoo ɓa.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Mąątɛ̨nɛ̨ 62:5

Mąąhɔlɔɓo, di kwəi kiliɠaa kaa lɔ a nu ɓowo mɛ̨nį, di liiɓa ɓaa diɛ lɛɛ kɛ, da lúwɔ́ too a di laaləi, diɛ nɛ̨ŋɛ̨naa kɛ, di kwəi pələ.

Kolosə 1:11

Ká hu yɛ pɛli walawalai la mɛ̨nį kəle hu, mąąɲįnɛ̨n vaŋą kɛnɛ̨ɛ̨ háálai, káá pɛli tɔɔi la a vaŋąlɔ da liikpələ, hukɔɔn mɛ̨nįɠaa kəlee hu. Kwəinɛ̨ɛ̨ hu,

Mąątɛ̨nɛ̨ 138:3

Ɲələi ŋį́ ə́ təli la, yɛ́ nwóó mu hon, ə́ váŋą ta pɛlɛ mą.

Hanwon 20:22

'Hvó kɛ diɛ: «Mɛ̨ni ɲɔ̨n di naa mą́ą́, gáá gwələ kulɔi.» Ə́ kilitɔɔ lɔ Yai-Laa ɓa, gaa pai ə́ ɓaloi.

Mąątɛ̨nɛ̨ 33:20

Ku wɛi, ku ɲɛ̨i kaa Yai-Laa tɔwɔ, yai a ku mąąkpɔn mąąɓo, yɛ ku mąąkpɛ.

Lomaŋ 8:25

Kɛlaa, mɛ̨nįi hvó gaai, ə́ ɲɛ̨i yɛ ɓo dɔwɔ a nwala walaa, ya ɓə a kilitɔɔmąąlaa.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Mąątɛ̨nɛ̨ 25:21

Kwəi kwələlaa, da tɛ̨ą ɓə da náá hɔnmo. Yɛ́ ɓə ŋą́ą́ gílitɔɔ yɛ́, 'hvó lənə mą́ą́.

Mąątɛ̨nɛ̨ 25:3

Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Zɛnɛse 49:18

Gílitɔɔi yɛ́ Yai-Laa málomun!

Lukə 2:25

Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Ifisiɛŋ 3:16

Ŋą́ vɛli gɛ́: yɛ bələi nwɔ hɛn Nąmu laa kaa la mąąwiɛlaa hu, ə ka huwalawala, ə ka hvaŋąlɔ nwɔ Kilii háálai yai gaa ka hu.

Mąątɛ̨nɛ̨ 62:1

Nwələ ɲɛ̨itɔwɔmun, Yedutun Davidə nwɔ Yálá mąątɛ̨nɛ̨ wələ.

Mąątɛ̨nɛ̨ 40:1

Nwələ ɲɛ̨itɔwɔmun, Davidə nwɔ wələ.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Lukə 2:38

Volói ŋɛ̨i di kɛi Jesus laa həli la Yálá ɓa, Anə ə pa Yálá hee pɛlɛ́ mu a volói tii, ə lɛɠɛ di kwɛlɛ, yɛ Yálá hɛɠɛɛɓo nokoloi tii mąą mɛ̨nį ɓa. Ɛlɛɛ, nuą kpɔ kɛi Ɉerusalɛmə taa nwun mąąɓomun mąą kpɔn, Anə hvaŋą lɔɔi lɔ kɛ yɛ nokoloi tii mąą mɛ̨nį hukulɔ diɛ.

Gɛlaɠaa 28:15

Ku nąn nonnii kɛ daa ti hu, di ku pa mɛ̨nį bələ mɛ̨n, di pa ku laakwiɛn ɉii Apiusə nɔwɔ-kpalan ŋą, di pa kpɔ di həli nwɛ̨ą laa pɛlɛ́ haaɓai nąą; di kaai ə mo, Polə ə Yálá hɛɠɛɛɓo, yili ə nįilɔ.

Mąątɛ̨nɛ̨ 37:7

Yá kɛ Yai-Laa kwɛlɛ, 'kɔlɔhaa yɛ́! Ə́ kilitɔɔ mą; 'ə́ líi hvo kələn ə́ kwəi nui ɲeepɔɔ kaa lɛlɛi bɔ, da nui gbąną-gbąną mɛ̨nįɠaa kɛi.