Mąątɛ̨nɛ̨ 26:11 - Yálá laawoo hɛɓɛ (dc)

¹¹ Nwɛ́i, gáá bɔ ŋį́ hiɛ nwɔ́ kwəi kwələlaa hu, 'volóonnaɓo, yɛ́ wɛlikɛmąąlaa haalai.

Yálá laawoo hɛɓɛ

¹¹ Nwɛ́i, gáá bɔ ŋį́ hiɛ nwɔ́ kwəi kwələlaa hu, 'volóonnaɓo, yɛ́ wɛlikɛmąąlaa haalai.

Bible

¹¹ Kɛ́lɛ à kɛ̀ a ńyãa, ŋa tûa a teniŋ ƃô pere. Mɛni ma, ŋ́uŋ ma ƃó í ḿalôŋ káa.

Mąątɛ̨nɛ̨ 26:11 Referans Kwoze

Mąątɛ̨nɛ̨ 69:18

'Hvó kɛa ə́ ɲɛ̨i lɛlɛɛ loo ə́ wɔ tímun ma, mɔ̨nɔ̨ aa gwə́i pili mą́ą́, nwóó mu hon ɉa-ɉa.

Mąątɛ̨nɛ̨ 26:1

Davidə nwɔ wələ woo. Yai-Laa, mą́ą́ tɛ̨ą ɓo, mąąhɔlɔɓo, gáá hiɛi a kwəi kwələlaa, ɛlɛɛ, yii kpɔ gílitɔɔ Yai-Laa ɓa, vá tɔɔ takpa takpa.

Tɛsalonikə dɔlɔɔ 2:10

Ká káá a yili mąą kɛla, ə mą kɛ, Yálá yaa kpɛli yaa kpinįi, káái a laa na nuą, ku túwɔ́ ká ɲɛ̨i mu, mąąhəɠə laa hu, tələnmo laa hu, mąąkulɔi hvo kɛ mą.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Azaya 38:3

Yɛ kɛ mą: «Ee kə! Yai-Laa, nɛ̨ɛ̨ yɛ́, ə́ kiliŋąhiɛ, ə́ vilɛn bələi ŋą́ túwɔ́ la ə́ ɲɛ̨i ɓa a tɛ̨ą da kwəi kwələ laa; mɛ̨nįi kɛ a nɛ̨ɛ̨ yɛ́, ya ɓə ŋą́ kɛi gɛ.» Ezekiasə ə wɔlɔ kpɔ kɛnɛ̨.

Mąątɛ̨nɛ̨ 49:15

Di puɔi di kee mɛ̨i ɲąmuątaa yɛ ɓɛlaaɠaa, haa ɓə a pələ kulɔ a diɛ, yɛ bələi taatɛlɛɛ mɛ̨i kaamun a gɛ la a nwɔ taatɛlɛɛɠaai. Yələ a kɛ gaa ɓɔi, kwəikwələ nuą diɛ hee di mɛ̨i, di mąąnįnįn gbɛɛi ɓaa ɲąmuątaa; di mąąkwɛa di wɔ tɔɔ pɛlɛ́ɠaai diɛ.

Mąątɛ̨nɛ̨ 49:7

A nuąi di kilitɔɔ di wɔ hɛn gɔw ɓa? Diɛ di kpɔwɔ ɲąą kɛnɛ̨ di wɔ hɛn gɔw kpɛa kpɛaai mąą mɛ̨nį ɓa.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Nehemi 13:31

Gwɛi mąąnɛ̨ɛ̨ kɛ di paa la a mɛ̨inɛ̨ɛ̨, yɛ pələi guuɠaa heeɛ kɛ la, da ɉihɛnŋąą dɔlɔɔɠaa mąą mɛ̨n, ŋį́ yiliɠaa hee gban ɲa. Ŋą́ Yálá hvɛli, gɛ́ mą: «Ə́ kili lɛɛ ɉú mɛ̨nį lɛlɛɛ mąą mɛ̨nį ɓa.»

Nehemi 13:22

Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Nehemi 13:14

Ŋą́ Yálá hvɛli gɛ́ mą: «Nwɔ́ Yálá, mɛ̨nįɠaa ŋɛ̨i ŋą́ gɛ, ə́ wɔ tələnmo la yii ŋį́ golói ŋɛ̨i kɛ, ə́ wɔ pɛ́lɛ́i mu, ə́ mąąwiɛ mɛ̨nį ɓa, ə́ kili lɛɛ ɉu.»

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Mąątɛ̨nɛ̨ 101:2

Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n.