Mąątɛ̨nɛ̨ 25:9 - Yálá laawoo hɛɓɛ (dc)

⁹ Nuąi da di kpɔwɔ mąą yɛɛ, a di tɛ̨nɛ̨ndɔɔ tələnmolaa ɓa, nuąi di hva di nwun dɛ, a nwɔ pələi lɛ diɛ.

Yálá laawoo hɛɓɛ

⁹ Nuąi da di kpɔwɔ mąą yɛɛ, a di tɛ̨nɛ̨ndɔɔ tələnmolaa ɓa, nuąi di hva di nwun dɛ, a nwɔ pələi lɛ diɛ.

Bible

⁹ Diai da dímaa yèŋ, a díteniŋ tɔ̀ɔ a tɔ̃yâ-pere, é ŋɔtûa-perei lɛ́ dîa.

Mąątɛ̨nɛ̨ 25:9 Referans Kwoze

Mąątɛ̨nɛ̨ 23:3

Yɛ nį́ilɔ. Tələnmo pələ mɛ̨i ɓə a vílɛn naa, Naa mąąwiaa, mąą mɛ̨nį ɓa.

Galatə 5:23

lii nɛ̨ɛ̨ gwəilaa, nu yee pɛliɛɛ gbɔwɔ ɓa, mɛ̨nįɠaai ti nwɛi, tɔ́n və tɔɔ li da ɓa.

Maafîu 5:5

Nwun na nɛ̨ɛ̨ nuą ɓaa nuąi di wɔ mɛ̨nį lɛlɛɛ. Mąąhɔlɔɓo, mɛ̨nįi Yálá ə naakwɛlanmo nwɔ nuą diɛ, huwuɠaa diɛ, di ka pai ɉɔlɔɓoi!

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Sofoni 2:3

Kaai kpɔwɔmąą yɛɛ laa kaa ka yəi nɔi, kaa Yai-Laa woo hon, 'ka Yai-Laa ɲɛ̨ilaa kwɛli, gbəli hu kiɛ, gaa pai ka ɲɛ̨imąąwɛli kaai, a Yai-Laa nwɔ liiɲąnwąną hvólói.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 147:6

Yai-Laa a ɲee pu nuąi da di nwun mąą yɛɛ, di mu, yɛ nwąnąlɔ nuą yee pɛlɛ lɔi ɓa.

Mąątɛ̨nɛ̨ 143:10

Mą́ą́kwɛli a ə́ liiɓa kɛ pələ, mąąhɔlɔɓo yɛ́ ɓə a nwɔ́ Yálá, ə́ wɔ Líinɛ̨ɛ̨gwəi laa, ə də́nən dɔɔ pələ lɛlɛɛ mɛ̨i.

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Zĩi 1:21

Yili ɓa tii, 'ká ká yee kulɔ mąąliɓi mɛ̨nįɠaa hu, da lííholi mɛ̨nįɠaa, Nwoo ŋɛ̨i ɉinŋąą ká hui, yai a pɛli ə ká ɓaloi, 'ká ká yee hee mu a lii nɛ̨ɛ̨ gwəilaa.

Mąątɛ̨nɛ̨ 119:66

Kiti haŋąą da mɛ̨nį kɔ́lɔn ŋąą di tɔlɔ lɛ mą́ą́, mąąhɔlɔɓo, náái ə́ wɔ tiɓoɠaai la.

Mąątɛ̨nɛ̨ 119:35

'Vílɛn ə́ wɔ tɔnŋaai hiɛ pələ mɛ̨i, mąąhɔlɔɓo, yili ɓə ɲąąnɛ̨ɛ̨i mą́ą́.

Mąątɛ̨nɛ̨ 76:9

Yá lɛɛ yələ kɔ́lɔn ɉu, ə́ giti tee, lɔi ə ɲɔw, ə tɔɔ kpɔ kpɛ-kpɛ.

Mąątɛ̨nɛ̨ 73:24

Yɛ́ li a ɲą́ą́ ɓɛi ə́ kɛ bɔ, yili pulu, ə́ kaa pai ɉə́i mąąwiɛ pulu.

Mąątɛ̨nɛ̨ 27:11

Yai-Laa ə́ wɔ pələi lɛ mą́ą́, ə́ vílɛn pələ lɛlɛɛ mɛ̨i; bələi mąn nuą kaa la heeni dɔ́wɔ.

Mąątɛ̨nɛ̨ 22:26

Yɛ́ ɓə ŋą́ ə́ tɛ̨nɛ̨, ɲąąkpɔn gbɛa-kpɛa hu! Mɛ̨nįɠaai ŋą́ di laakwɛlanmo, ŋą́ di kɛ ə́ ɲɔwmąą nuą ɲɛ̨i ɓa.

Hebreu 10:20

Pələ nįnɛ̨ hvúlúmąą ka tii kani kɛa gu yəi, yai ə nįnɛ̨ kulɔ ɉəɠə ɓɛla hu pələ, mukulaa ɓaa, gbɔwɔ kɔ́lɔ pɔ pələ.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Hanwon 8:20

Pələ haŋąą ɓə ŋą́ hiɛ ɉu, da tələnmolaa pələ.

Gɛlaɠaa 13:10

Hulɔnu yɛ́ ɓə! Yɛ́i ə́ laahvɛɛ a gbąną-gbąną huwu kəlee da nwąnąlɔɔ, ə́ nąnį lon tii, tələnmolaa ɲowo kɛnɛ̨, hvó mɔ̨ɔ̨ pai kpɛlai ku Ną́mu Yálá nwɔ pələ haŋąai hukpinįn ɉi, a bələ haŋąnŋąąi ti?

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.