Mąątɛ̨nɛ̨ 25:5 - Yálá laawoo hɛɓɛ (dc)

⁵ 'Dɛ̨́nɛ̨n dɔɔ yɛ́ tɛ̨ą pələi mɛ̨i, 'Ə́ mą́ą́ kwɛli ɉu yíiɓo pələ ɓa, mąąhɔlɔɓo, málo Yálá ɓaa a yɛ́. Gílitɔɔi lɔ yɛ́ a yələ kəlee.

Yálá laawoo hɛɓɛ

⁵ 'Dɛ̨́nɛ̨n dɔɔ yɛ́ tɛ̨ą pələi mɛ̨i, 'Ə́ mą́ą́ kwɛli ɉu yíiɓo pələ ɓa, mąąhɔlɔɓo, málo Yálá ɓaa a yɛ́. Gílitɔɔi lɔ yɛ́ a yələ kəlee.

Bible

⁵ Gɛ́ ŋá ŋákɛ ɣéniɛi kɛ́ tɔ̃yâ-laa pere su yɛ̂ɛ berei ya ŋ̀wɛ̂lii lai, kpɛ́ni fêi, yá ƃa Ŋáɣâlai nyii a ŋ́uŋ ma ƃôi. Ńâai a yá a ɣele kélee.

Mąątɛ̨nɛ̨ 25:5 Referans Kwoze

Hanwon 8:34

Lúwɔ́ lon maa nui a nwəli tɔɔ nwóó ɓa, dɔɔ ɲə́i bɛlɛ́ laaləi a yələ kəlee, yɛ ɓo a ɲɛ̨i yɛ ɲɛ̨i kɛ ɲə́i bɛlɛ́ laaləi ɓa.

Mąątɛ̨nɛ̨ 25:10

Yai-Laa nwɔ pələɠaai kaa a tələnmolaa, da tɛ̨ą, nuąi da nwɔ mįnɛ̨i hu wooɠaa pɔ mɛ̨nį kɛ.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Ɉaan 16:13

Dɛ̨ą Kilii tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Mąątɛ̨nɛ̨ 88:1

Wələ, mąątɛ̨nɛ̨ wələ, hvɛ́li woo; Kore lonnii. Nwələ ɲɛ̨itɔwɔmun. Ɓɛlɔwai Ɛzra mun Heman ə kɛ la ɲɔ̨n ɉaɠa ɓa, nwɔ nu mąąkwɛli woo.

Mąątɛ̨nɛ̨ 79:9

'Kpɔnmąą tɛɛ ku pɔ, ku ɓalo Yálá, ə́ laa mąąwiaai mąą mɛ̨nį ɓa; 'ku nwun mąąɓo, ku wɔ nɛ̨ŋɛ̨nŋaai waa, ə́ laa mąąwiaai mąą mɛ̨nį ɓa.

Nehemi 9:20

Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Lomaŋ 8:14

A tɛ̨ą, nuąi Yálá nwɔ Kilii a di tənən dɔɔ, diɛ ɓə a Yálá lonni.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Mąątɛ̨nɛ̨ 119:66

Kiti haŋąą da mɛ̨nį kɔ́lɔn ŋąą di tɔlɔ lɛ mą́ą́, mąąhɔlɔɓo, náái ə́ wɔ tiɓoɠaai la.

Mąątɛ̨nɛ̨ 107:7

Ə di hvilɛn pələ haŋąą mɛ̨i, diɛ pɛli taa hɔlɔɓoi, nuą di ɓo ɉu.

Azaya 42:16

Gáá pai ɲɛ̨ipu nuą hvilɛn ɉii pələi di hvo gɔlɔn mɛ̨i, lɔwɔ mu pələɠaai di hvo di kɔ́lɔn, diɛ ɓə da kɛ hiɛi mɛ̨i, gɛ́ kpinį mąąpənə di ɲɛ̨i tɔwɔ a kɛɛ pɔ̨nɔ̨, gɛ́ pələ hu heɛɠaa mąąpənə a ɉaŋąą, gáá pai mɛ̨nįɠaai tii kəlee kɛi, vá dɔ̨nɔ̨ kpɛli lɛɛ laa.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Hanwon 23:17

Ə́ ɲɛ̨i hvo kulɔ nɛ̨ŋɛ̨n ɉəɠə nuą túwɔ́ pələ pɔ. Kɛlaa, nuąi da ɲɔw Yai-Laa ɓa, ə́ ɲɛ̨i ə kulɔ di túwɔ́ pələ pɔ a yələ kəlee.

Mąątɛ̨nɛ̨ 119:97

Ə́ wɔ tɔn nwooi wɛli kaa mą́ą́! Ŋą́ ɉu kpɛ a yələ kəlee.

Ɉaan 6:45

Yálá kwəi mɛ̨nį hukulɔ nuą di bɛ̨ɛ̨ diɛ mą: ‹Yálá ɓə pai di kilaa pono.› Nui pai ną́n nwoo mąn ɉi, ə ɲąą kaa, ə ɲee hee mu, a pa bɔ́.

Mąątɛ̨nɛ̨ 86:3

Nwɔ́ mɛ̨nį Nąmu, mą́ą́wɛli kaa, yɛ́ ɓə ŋą́ túwɔ́ ə́ təlii.

Mąątɛ̨nɛ̨ 24:5

Mąą nu ɓə a lúwɔ́ hɔlɔɓo Yai-Laa yəi, yai gaa a nu malo Yálá, dələnmɔɔ.

Mąątɛ̨nɛ̨ 22:2

Nwɔ́ Yálá! Nwɔ́ Yálá! Lə ɓə kɛ yai, ə́ ə́ kili kulɔ ɉú? Gɛ́ tómą lɔ kpɛli kpɛli, málo mɛ̨nį mąą kwɛaa lɔ mą́ą́.

Mąątɛ̨nɛ̨ 119:33

Yai-Laa, ə́ lííɓa kɛ pələ lɛ mą́ą́, gáá bɔ ŋį́ di kɛ a ɲéé lɛɛ tíi.

Mąątɛ̨nɛ̨ 119:26

Ŋį́ ɉíɛ pələɠaa hukulɔ yɛ́, ə́ nwóó pulu pənə, ə́ kwəi mɛ̨nįɠaa lɛ mą́ą́.

Zôo 36:22

'Ə́ ɲɛ̨i hee tai, Yálá yəi kɛnɛ̨i, gbɛɛ ɓə a pɛli nu mąą kwɛlii ə tɛɛ mą?

Mąątɛ̨nɛ̨ 68:20

Mąąwiɛ ə kɛ Ną́mu ɓa, a yələ kəlee da-nwɔɔ! Ɲalái tii ɓə a gɔ́ nɛ̨ɛ̨ guɔ.

Mąątɛ̨nɛ̨ 25:8

Yai-Laa nwɔ mɛ̨nį lɛlɛɛ moɔ! Ɉaŋąŋąąi moɔ! A nwɔ pələi lɛ nɛ̨ŋɛ̨n ɉəɠənuą diɛ.

Zɛnɛse 49:18

Gílitɔɔi yɛ́ Yai-Laa málomun!

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.