Mąątɛ̨nɛ̨ 25:4 - Yálá laawoo hɛɓɛ (dc)

⁴ Yai-Laa, yɛ́ pələɠaai lɛ mą́ą́, mą́ą́ kwɛli, ɉu hiɛ ɓo pələ ɓa.

Yálá laawoo hɛɓɛ

⁴ Yai-Laa, yɛ́ pələɠaai lɛ mą́ą́, mą́ą́ kwɛli, ɉu hiɛ ɓo pələ ɓa.

Bible

⁴ Yâwɛɛ, ítûa-perei lɛ́ ḿâ. Ye berei lɛ́ ḿâ ŋa pɔ̂ri siâi lai.

Mąątɛ̨nɛ̨ 25:4 Referans Kwoze

Mąątɛ̨nɛ̨ 86:11

Yai-Laa, ə́ wɔ pələi lɛ mą́ą́, akɛtii ŋą pɛli hiɛi yɛ bələi ə́ wɔ tɛ̨ąi kaa la. Gíliŋąhiɛ pələ kɛ lɔ tanɔ̨n, əgɛ, gɛ́ pɛli ɲɔwii ə́ laa ɓa.

Mąątɛ̨nɛ̨ 27:11

Yai-Laa ə́ wɔ pələi lɛ mą́ą́, ə́ vílɛn pələ lɛlɛɛ mɛ̨i; bələi mąn nuą kaa la heeni dɔ́wɔ.

Mąątɛ̨nɛ̨ 143:8

Yələ a lɛɛ kpɔlɔ ɓɔi, ə́ ə́ wɔ wɛlikɛmą́ą́laa lɛ mą́ą́, mąąhɔlɔɓo, yɛ́ ɓə gílitɔɔ yɛ́. Bələi mąąnɛ̨ɛ̨ ŋį́ tɛɛ la nɛ mą́ą́, mąąhɔlɔɓo ə́ pɔ pələ ɓə, níí muhəɠɛɛi la.

Mąątɛ̨nɛ̨ 5:8

Kɛlaa, nwɛ́li la kɛ pələ kɛnɛ̨ ə́ yəi, ŋą́ lɔ ə́ yəi bɛlɛ́n; ŋą́ kwɛli hvilɛn yɛ́, yɛ́ pɛlɛ́ mąąhəɠɛɛi pɔ pələ, gɛ́ ə́ mąąwiɛ a ɲɔw mąąlaa.

Lɛɛ gbɔwɔ ɓa 33:13

Yii hu, akɛ ŋą́ą́ ə́ líí hon a neelee, mɛ̨nįi ə́ kaa bɔ, nɛ mą́ą́, əgɛ, ŋą́ ə́ kɔ́lɔn a neelee, yá gɛ ti, akɛti ŋą́ą́ Ə́ líí hon gbɔ a tɛ̨ą; Ɛlɛɛ, Ə́ nu huwui ŋɛ̨i kaa a Yɛ́ nu huwu.»

Mąątɛ̨nɛ̨ 119:27

Ə́ wɔ tɔn nwooɠaai hu yíi ɓo pələ lɛ mą́ą́, gɛ́ pɛli ə́ kɛ mɛ̨nį kpɛa kpɛaɠaa lɛɛi gíli pɔ.

Ɉeremi 6:16

Yai-Laa yɛ diɛ: Ka tɔɔ tai, bələɠaa mɛ̨i, ka ka ɲɛ̨i laa! Ka ka hiɛ pələ pɔlɔ mɛ̨i kaa; ka mąąni kɛ kɛ; kaa diɛ: mįnɛ̨ pələ ɓə nwun na nɛ̨ɛ̨ pələ kaa la! Ɛlɛɛ, ka ɉon na. Ka káá pai hvįįtɔɔ hɔlɔɓoi ka wɔ yɛnɛ̨ɛ̨ hu. Kɛlaa ka káá kɛi diɛ: «Ku hvo ɉon ɉii la!»

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Hanwon 8:20

Pələ haŋąą ɓə ŋą́ hiɛ ɉu, da tələnmolaa pələ.

Mąątɛ̨nɛ̨ 5:1

Nwələ ɲɛ̨i tɔwɔmun, Davidə wələi ə doo a ɓɔɔ.

Tɔɔɓɛlaa dɔlɔɔ 8:36

Ną́mu, yɛ́i ə́ kaa yələkɔlɔn ɉu, ə́ wəli tɔɔ, ə́ ə́ wɔɔ tímun Israɛlə ŋą nɛ̨ŋɛ̨n mąąhvaalɛɛ. Bələ haŋąąi mąą nɛ̨ɛ̨ di hiɛ la, ə́ nɛ diɛ, ə́ tulɔ tɛɛ ə́ wɔ lɔi pɔ, nɔi ŋɛ̨i ə́ dɛɛ ə́ wɔ nuąi pɔ a di kwɛlin.