Mąątɛ̨nɛ̨ 25:12 - Yálá laawoo hɛɓɛ (dc)

¹² Nui a ɲɔw Yai-Laa ɓa, Yai-Laa a ɉiɛ pələ lɛ mą, yɛ ɉon na.

Yálá laawoo hɛɓɛ

¹² Nui a ɲɔw Yai-Laa ɓa, Yai-Laa a ɉiɛ pələ lɛ mą, yɛ ɉon na.

Bible

¹² Diai da ƃaa kɛ́ maa tɛ̂ɛ Yâwɛɛ pɔ́i, a díteniŋ tɔ̀ɔ pere sîi lɛ́lɛɛ su.

Mąątɛ̨nɛ̨ 25:12 Referans Kwoze

Mąątɛ̨nɛ̨ 37:23

Yai-Laa a nu kɔ́wɔ tɔɔ mu kpąąn; nwɔ pələi yɛ nu lii hon.

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Hanwon 1:7

Nu ɲɔwɔ Yai-Laa ɓa ɓə gaa a kili mɛ̨nį kəlee kɔ́wɔ tɔɔi. Kilikpɛɛɲəi nuą di hva kili mɛ̨nį ɓɛlɛ kɛ mą, da liɛwoo.

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 15:33

Nui a ɲɔw Yai-Laa ɓa, mąą nu kaa kili mąąkwɛlii. Kpɔwɔ mąąyɛɛlaa kaa mąąwiɛlaa tɔwɔ.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Azaya 35:8

Di kaa pai pələ laai laa, diɛ kɛ mą pələ mąąhəɠɛɛ, nui mąąliɓiɛ, hvo pai tɛɛ laa, mąąhɔlɔɓo, Yai-Laa yaa kpinįi ɓə pai tɛɛ laa tɔlɔɔ; kilikpɛɛgwəi nuą di hva lan di hvo kɔ́wɔ hvilɛn bələi tii mɛ̨i.

Hanwon 2:5

yá yili kɛ tii, bələi mąąnɛ̨ɛ̨ ə́ ɲɔw la Yai-Laa ɓa, yá kɔ́lɔn, yá pɛli mą ə́ Yálá kɔ́lɔn.

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Gɛlaɠaa 11:14

Mɛ̨nįɠaai pai pai ə́ wɔ pɛlɛ́i pɔ a ɓalo mɛ̨nį, a pa, gaa pai ɉukulɔi yɛ́.

Gɛlaɠaa 10:2

Dələnmoɔ kɛ yɛ ɲɔw Yálá ɓa da ɲəi bɛlɛ́n nuą kəlee. Ə kɛli mɛ̨inɛ̨ɛ̨ kɛ Ɉuifəɠaa diɛ, yɛ Yálá hvɛli a yələ kəlee.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Zɛnɛse 26:2

Yai-Laa ə gbɔwɔ lɛ Isaakə ɓa, yɛ mą: «Və́ kɛ li yɛ́ li Eziptə lɔi hu, kɛlaa, ɓɛi ŋį́ nąą lɛ yɛ́, li ə́ hee laa.

Lɛɛ gbɔwɔ ɓa 4:15

Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Zasua 3:4

Kɛlaa ka kɛi hiɛ, yee laa mą waa hveelɛ ɲɔ̨nwɔ̨mą ə kɛ ka lɔwai; yili ɓə a gɛ, bələi mąąnɛ̨ɛ̨ ka ɉon na, ka kɛ a gɔlɔnŋąą, mąąhɔlɔɓo, ka hvo ta pa li ɓɛ pələ.»

Samuɛlə dɔlɔɔ 9:6

Yili yɛ Saulə ɓa: «Kɛlɛi Yálá nwɔ nu ta kaa daa ŋɛ̨i hu-ee! Ɉulɔnui tii laa tɛɛi, yii a mo, a kɛ, hva ɉəɠə mą. Gwə li laa, gaa kiɛ pai gu tənən dɔɔi ɉiɛi ŋɛ̨i gu gulɔ mąą mɛ̨nį hu.»

Hanwon 2:9

Akɛ yá ə́ wəli tɔɔ mą́ą́, yá mɛ̨nį haŋąą kɔ́lɔn, yɛ́ pɛli mɛ̨nį lɛlɛɛ kɛi.