Mąątɛ̨nɛ̨ 24:7 - Yálá laawoo hɛɓɛ (dc)

⁷ Pɛlɛ́ɠaa, 'ka ka laaɓo! Tɔwɔ-tɔwɔ pɛlɛ́ɠaa 'ka ka laaɓo kpɔ gbagan! Mɛ̨nį kəlee ŋą Heeɓo-Yálá ə lɔ!

Yálá laawoo hɛɓɛ

⁷ Pɛlɛ́ɠaa, 'ka ka laaɓo! Tɔwɔ-tɔwɔ pɛlɛ́ɠaa 'ka ka laaɓo kpɔ gbagan! Mɛ̨nį kəlee ŋą Heeɓo-Yálá ə lɔ!

Bible

⁷ Ka ziɣãŋ-ŋai lá ƃó. Ka ŋ̀wɔ́lɔ-wɔlɔ kpoŋ-ŋai lá ƃó vólo-laa kaloŋ kɛ́tɛi perêi a gɛɛ é lɔ́.

Mąątɛ̨nɛ̨ 24:7 Referans Kwoze

Azaya 26:2

Ka gbonŋąą laaɓo, dəlimo lɔi hu nuą di lɔ, nɔi tii a kulɔ nwoo ɓai.

M̀ɛni-lɛɛi 4:11

«Oo! Ku Ną́mu, ku wɔɔ Yálá, yɛ́ ɓə ə́ mąąnɛ̨ɛ̨i ku, mąąwiɛlaa, kɛnɛ̨laa da hvaŋą laa kɛ yɛ́, mąąhɔlɔɓo, yɛ́ ɓə hɛn gəlee pɛli, Yɛ́ ɓə hvaa mą diɛ kɛ yɛnɛ̨ɛ̨, ɛlɛɛ diɛ yɛnɛ̨ɛ̨ kɛ.»

Korɛntə dɔlɔɔ 2:8

Ɲɛnɛ̨ɛ̨ ŋɛ̨i hu tɔɔɓɛlaa danɔ̨n gbɛli hvo kɛ gɔlɔn; hvo gaai, da gɔlɔn gɛ, di hvo li kɛ mąąwiɛlaa Ną́mu kpɔn kolɔwa ɓa.

Mąątɛ̨nɛ̨ 97:6

Yələ kɔ́lɔn a nwɔ tələnmolaa loloɓo, nu huwuɠaa kəlee diɛ mąąwiɛ pələ kaa.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Egaa 2:7

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Tɔɔɓɛlaa dɔlɔɔ 8:11

Ə lɛɛ ɉaláá laa həli nuą di hvo pɛli góló kɛ pələ kaai dulɔ kpinįn tii ɓa. Mąąhɔlɔɓo, Yai-Laa nwɔ mąąwiɛ bɛlɛ́ laahvɛɛ.

Piɛrə dɔlɔɔ 3:22

yai tɛi ə mo yələkɔlɔn ɉu, ə hee Yálá ɓa-mįi-yee hu pələ, a yai, malakaɠaa, hééɓolaa kəlee da hvaŋą laa kəlee kaa ɲee mu.

Samia Veerɛi 6:17

Yii kɛa di pa a Yai-Laa nwɔ mįnɛ̨ kəhii, di ɉee ɓɛi mąąnɛ̨ɛ̨ di ɉee laa, ɉəɠə pɛlɛ́ mu, yai Davidə ə dɔɔ mąą mɛ̨nį ɓa a həɠə ɓɛla. Davidə ə nɛ̨ɛ̨ mą, ə haláá hɛn da gəlee kələn, da nɛ̨ɛ̨yɔwɔ laa haláá kulɔ Yai-Laa ɓa.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Mąątɛ̨nɛ̨ 132:8

'Ə́ muhəɠə, Yai-Laa! 'Pá ə́ hvįitɔɔ pɛlɛ́ mu! Yɛ́ ká ə́ wɔ mįnɛ̨ kon, ɓɛi ə́ hvaŋą kaa laai!

Zĩi 2:1

Ną́n nonnii, káái káá laa gu Nąmu Jesus Kristə mąąwiaa la, 'ká hvo nuą huyɛɠɛ.

Tɔɔɓɛlaa dɔlɔɔ 8:6

Ɉaláá laa həli nuą di Yai-Laa nwɔ mįnɛ̨ kəhii hee ɉeei, gɛɛnąą mąąhəɠɛɛ gəlee ɓa, mąąkpɛ malakaɠaa koon mu.

Mąątɛ̨nɛ̨ 21:1

Nwələ ɲɛ̨i tɔwɔmun. Davidə nwɔ wələ.

Mąątɛ̨nɛ̨ 21:5

Ə yɛnɛ̨ɛ̨ hu hvɛli yɛ́, ə́ dɛɛ bɔ, a yɛnɛ̨ɛ̨i kpɛɛ hvo mą.

Azaya 62:10

'Ka tɛɛ, 'ka tɛɛ, ka həɠə bɛlɛ́ɠaa laaləi, 'ka həɠə nuą tɛɛ pələ hu. 'Ka pɔlɔ pu bələ mɛ̨i, 'ka pɔlɔ pu laa, 'ka kwɛni pu mɛ̨i, 'ka húú pili nɔi hu nuą diɛ.

Mise 4:8

Ɛlɛɛ, yɛ́i ɓaa daatɛlɛɛ mąąkpɛmun ɉee pɛlɛ́, Siɔn nɛ̨ɛ̨gbɛla nwɔ yeei, dɔɔi tii wɔlɔ kɛ ə́ yə́i, a pənə ə pa ə́ pɔ, a dɔɔlaai tii bɛ̨ɛ̨ Ɉerusalɛmə nɛ̨ɛ̨gbɛla nwuɔ̨i.