Mąątɛ̨nɛ̨ 23:4 - Yálá laawoo hɛɓɛ (dc)

⁴ Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ.

Yálá laawoo hɛɓɛ

⁴ Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ.

Bible

⁴ Berei máŋ ŋa tɛ̂ɛ la kpíni su pîlaŋɔɔ su kɛ́ɛ yɛ̂ɛ saa táai, fé pâi ŋɔ́nɔ yaôi, Yâwɛɛ, kpɛ́ni fêi, íkaa ŋ́gɔlɛ. Ísia-tũaŋ da íƃala mɛi káa wûrii da ḿaa kɔ̃ɔ.

Mąątɛ̨nɛ̨ 23:4 Referans Kwoze

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Mąątɛ̨nɛ̨ 118:6

Yai-Laa kaa búlu, va ɲɔw, lə kpɔ ɓə nukan a pɛli gɛi a ɲą́ą́?

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Mąątɛ̨nɛ̨ 3:6

Ɛlɛɛ ɲą́ą́n, ŋą́ laa, ŋą́ nwɔ́ yíi ɓo! Ŋą́ nwun! Yai-Laa ɓə a dɔ́ɔ́ bulu.

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Mąątɛ̨nɛ̨ 46:11

Yɛ kɛ diɛ: «'Ka gwɛlihɛnŋaa laa, 'ka gɔlɔn kaa diɛ ɲą́ą́ ɓə gaa a Yálá! Ŋą́ hį́iɠaa ɲąąwooɓo, gɛ́ lɔi ɲąąwooɓo.»

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Timote veelɛ 4:22

Gu Ną́mu ə lɛɛ ə́ pɔ. Ŋą mɛ̨inɛ̨ɛ̨ ə kɛ ká kəlee ka pɔ. Amįįną.

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Mąątɛ̨nɛ̨ 44:19

Ku hvo kɛ ku kili mąą hvalin ni ə́ mąą mɛ̨nį hu, ku kɔwɔ hvo kɛ həɠə li ə́ wɔ pələi mɛ̨i.

Mąątɛ̨nɛ̨ 14:5

Ɓɛ kaa li, daa lɛɛ lɔ di kpɔwɔ ɓa, diɛ kpɛlin, mąąhɔlɔɓo, Yálá tɔɔi tələnmo nuą di wɔ kɔlaɠai pulu.

Zôo 3:5

Tɛɛhilɛ kpinį ə volói ti mɛ̨i kpulu, Tulɔ kpiliɠilin ə volói ti ɲɛ̨i paa. Volói ti hu ə tɛɠi yɛ ɲąąlee a ɲąnin ɉon.

Zakari 11:10

Ŋą́ nwɔ́ wɛlikɛmąą tunwɔ̨n həɠə, ŋą́ ɉu yali, mįnɛ̨i Yai-Laa da nɔi nuą kəlee di ɉəɠə, ŋį́ ɉəɠə mą.

Mąątɛ̨nɛ̨ 110:2

Yai-Laa ə ə́ wɔ Heeɓolaai yee kɔ̨nwɔ̨n ɉu ɓɛɛlɛɛi, ə gɔwɔ tɔɔ Siɔn, yɛ́ pɛli heei ə́ yowoɠaa mɛ̨i.

Zôo 24:17

Di wɛi, yələ a kɛi ɓɔ, gaa yɛ haa a kɛi too, too mɛ̨i kɛ mun niiɓa ɓaa kpinį pɛlɛɛ.

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

Zakari 11:14

Yili pulu, ŋį́ dunwɔ̨n veelɛnąąi a woolaamąą, ŋą́ ɉu yali, nąnnonnaai tii kɛ Ɉuda da Israɛlə di lɔwai, ŋį́ ɉukala.