Mąątɛ̨nɛ̨ 22:7 - Yálá laawoo hɛɓɛ (dc)

⁷ Kɛlaa nwɛ́i, kpə́ə́liɲɛ̨nɛ̨ɛ̨n ɓaa a ɲą́ą́, nu hvaa a ɲą́ą́, nuą diɛ di laa pu ɉú, nu kəlee diɛ vííɓo.

Yálá laawoo hɛɓɛ

⁷ Kɛlaa nwɛ́i, kpə́ə́liɲɛ̨nɛ̨ɛ̨n ɓaa a ɲą́ą́, nu hvaa a ɲą́ą́, nuą diɛ di laa pu ɉú, nu kəlee diɛ vííɓo.

Bible

⁷ Nûa da ŋ́gàa nɔ́ díkɛ ɣɛ́lɛ-maa kùla ŋ́gbonôi. Da kɛ̂ ɣɛ̂lɛi ḿâ, díkɛ díŋuŋ kpɛ̂mɛŋ a ńyãa.

Mąątɛ̨nɛ̨ 22:7 Referans Kwoze

Markə 15:29

Nuą kɛi tɛɛ naa kwɛlɛ, da di ɲɛ̨i hee Jesus ɓa diɛ di nwun gbɛŋɛ̨n, diɛ nalan, diɛ di laa kpan ɲąli la, diɛ kɛ mą: yɛi ŋɛ̨i kɛ diɛ: «Ya Yálá hee pɛlɛ́ pu, ə́ dɔɔ hvóló haaɓa yee mu,

Mąątɛ̨nɛ̨ 109:25

Di ɲɛ̨i ɓa, gáá a hɛn mąąnɛ̨ɛ̨ di bili, da gáá, diɛ di nwun gbɛŋɛ̨n.

Lukə 23:11

Herodə da gɔ́kulááɠaa di kɛi yɛlɛ Jesus ɓa, diɛ mɛlɛkpɛɛ ma. Di gbaawi lɛlɛɛ ta too Jesus kwąną, di pənə di dɛɛ diɛ li la Pilatə pɔ.

Markə 15:20

Yii kɛa di yɛlɛ kulɔ kpɔ tii ɉu a di liiɓa pələ, di gbaawii kpɔlui tii kulɔ gwaną, di nwɔ həɠəɠaai too gwaną, di kulɔ la gala hu, diɛ li kɛa la gbanwoi kolɔwa ɓa.

Maafîu 27:29

Yili pulu, di ɲąąlən gɛ a kálán di ɉee nwun ma, yili pulu, di hveen gbaɠa tee di nɔ mamįiyee ŋą, diɛ pu di kpəlin na diɛ yɛlɛ kulɔ ɉu, diɛ kɛ mą: «Ɉuifəɠaa di wɔ tɔɔmun, ə́ yii kpɛli.»

Mąątɛ̨nɛ̨ 44:14

Yáá ku kɛ a ku kwɛlɛ nuą di wɔ lalan ɉɛn, nuąi ku kaa di lɔwai, diɛ ku lalan, diɛ yɛlɛ kuɔ.

Lukə 16:14

Yii kɛa Farisiɛ̨ɠaa di nwoo tii mɛ̨n, di kɛi yɛlɛ Jesus ɓa, mąąhɔlɔɓo, wali wɛli ə kɛ diɛ.

Maafîu 9:24

Jesus ə mo diɛ yɛ diɛ: «'Nu kəlee di kulɔ! Nɛ̨ɛ̨non hvo haa li, gaa yii.» Nuą tii kəlee di yɛlɛ Jesus ɓa.

Azaya 57:4

Gbɛɛ ɓə ka káá yɛ́lɛ́i mą? Gbɛɛ ɓə ka káá hvaai mɛ̨i yaɠa yaɠa? Kaa ka laa pu ɉu? Gulɔ nwoomu lɛapɛlɛɛi hva mɔ̨ɔ̨ a kaa? A nu ɓowo nuąi?

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Mąątɛ̨nɛ̨ 31:18

Yai-Laa, ə́ təlii gáá moi, və́ nwumɛ̨ ɉu, Kɛlaa, nwumɛ̨ ə lɛɛ a nuąi di hva ə́ mąąwiɛ di wɔɔ; di laa pɛlɛ mą, diɛ yɛɛ ɲąmuątaa pələ.

Zôo 16:10

Nuą diɛ di laa taɠa mą́ą́, diɛ nwə́li lɔwa a lalan, daa kpɔn di kee ɓa, diɛ pa woloi mą́ą́.

Zôo 16:4

Ee! Ɲą́ą́ gbɛli, gáá pai nwóó ɲąąlɛi, yɛ bələi lɔ ka káá gɛi la. Mɛ̨nįi ŋɛ̨i naa mą́ą́, akɛ kɛ kaa li, ɲą́ą́ gbɛli, ŋį́ pɛli kɛ ŋį́ woo hukulɔ mąąhəɠɛɛ kɛ kaa, gɛ́ nwún mu pili ka mɛ̨i.

Zôo 12:4

Ŋą́ą́ kɛ a mɛlaa di wɔ yɛlɛ mąą hɛn. Ɲą́ą́i kɛi Yálá təli ə gɛ ə nwóó pulu pənə. Tələnmomun yii hɔn və mą, aa kɛ a yɛnɛ̨ɛ̨ nuą di wɔ yɛlɛ kulɔ ɉu hɛn.

Azaya 49:7

Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.