Mąątɛ̨nɛ̨ 22:1 - Yálá laawoo hɛɓɛ (dc)

¹ Nwələ ɲɛ̨i tɔwɔmun, nwələi da kɛ mą: «Yələ ɓɔi Lomą.» Davidə nwɔ wələ woo.

Yálá laawoo hɛɓɛ

¹ Nwələ ɲɛ̨i tɔwɔmun, nwələi da kɛ mą: «Yələ ɓɔi Lomą.» Davidə nwɔ wələ woo.

Bible

¹ Ŋáɣâlai, Ŋáɣâlai, ya íyee kulâi ḿû lé mɛni ma? Ímaa kôyaai ḿâ lé mɛni ma? Ífe ŋ́wɔlɔ-wooi mɛnîi lé mɛni ma?

Mąątɛ̨nɛ̨ 22:1 Referans Kwoze

Markə 15:34

Nɛɛlɛ Ɉaaɓa na həliɛ kɛa, Jesus ə tómą kpɔ kɛnɛ̨ yɛ mą: «Eloi, Eloi lama sabaktani.» (Yili mukulaa ɓa: «Nwɔ́ Yálá, nwɔ́ Yálá, lə mɛ̨nį ɓa ə́ lənə mą́ą́!»)

Maafîu 27:46

Voló kɔ́wɔ kulaa mu kɛa, Jesus ə tómą kpɔ a nwoo kɛnɛ̨, yɛ mą: «Eli, Eli, lema sabaktani?» (Mukulaa ɓaa: «Nwɔ́ɔ́ Yálá, nwɔ́ɔ́ Yálá, lə mɛ̨nį ɓa ə́ ə́ kili kulɔ ɉú?»)

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Mąątɛ̨nɛ̨ 22:16

Gwáną aa kpala, yɛ kwɛahaɠa a kɛ nwɔ̨n ɉu, nɛ̨́n yɛ kanąn nɛ̨́ŋɛ̨-nɛ̨ŋɛ̨ mu, yáá náá kámą la pɔlɔkpɔlun ɉu.

Zôo 3:24

Gɔ́nɔn mąą mɔ̨nɔ̨, nwɔ́ woo laa wooɠaa diɛ tɛɛ yɛ ya lee.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Mąątɛ̨nɛ̨ 10:1

Yai-Laa, lə ɓə kɛ yai ə́ kaa kwɛaa la, yɛ́ ə́ loo a mɔ̨nɔ̨ yələɠaa?

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Samuɛlə dɔlɔɔ 12:22

Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Mąątɛ̨nɛ̨ 22:11

Nwɔ́ Yálá! Néé ə gáá lɔ, di náákwɛlanmo yɛ́! Ŋą́ kɛ ni néé kwəi, Ə́ ɓo a nwɔ́ Yálá!

Mąątɛ̨nɛ̨ 71:11

Diɛ kɛ diɛ: «Yálá aa gili kulɔ ɉu, 'ka ɉon, nu hvo mą hvo mąąkɔ̨nwɔ̨!»

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Mąątɛ̨nɛ̨ 38:8

Ɉú hvulaai yɛ nwɔ̨n a kɛ ɉɛ̨́ą, ɉúwɔ hu kəlee ɲąąnwąnąąi.

Mąątɛ̨nɛ̨ 37:28

Mąąhɔlɔɓo, tɛ̨ą wɛli kaa Yai-Laa ɓa, hva gili kulɔ nwɛlikɛmąą nuą hu, a ɲɛ̨i kɛ diɛ a yələ kəlee. Kɛlaa, da nu ɲɔ̨nwɔ̨ɔ̨ɠaa huwu kulɔ a nwun. Di kaa pai mɛ̨nį ɲɔ̨n gɛ nuą hukalai a yələ kəlee mɛ̨nį.

Mąątɛ̨nɛ̨ 16:1

Davidə nwɔ kpɔwɔ mąąyɛɛ wələ Ee Yálá! 'Ə́ ɲɛ̨́i kɛ mą́ą́, mąąhɔlɔɓo, yɛ́ ɓə ŋą́ ə́ kɛ a mą́ą́ kilɛi.

Lukə 22:44

Ə kɛ yɛ nu a kɛ ɉaa kɔ́wɔ ŋą, yɛ Yálá hvɛli kpɔ a mɔlɔɔ. Hvɛnɛ̨ yɛ kulɔ mą yɛ ŋąmą, yɛ hvilɛn nɔi ɓa.

Azaya 59:11

Ku kəlee, kuɔ hvaa ku nwun ɉu, yɛ yilɛɠaa, kuɔ ku woo laa, yɛ tonwələnŋaa. Ku kili ə kɛ kiti tɔwɔ, kɛlaa hɛn da hvo pa li! Ku kili ə kɛ ku ɓalo mɛ̨nį tɔwɔ, Kɛlaa, mąą kwɛaai kuɔ.

Mąątɛ̨nɛ̨ 26:9

'Hvó nwɔ́ yɛnɛ̨ɛ̨ too nɛ̨ŋɛ̨n ɉəɠə nuą di wɛi pɔ, 'hvó kwa nu paa nuą ku pɛlɛ ku kee ɓa.

Levetekɔ 2:6

Ya ɉu yali a gbuɔɠaa, ə́ wulɔ pu mą. Yili kaa a Yálá kɔ́ hɛn.