Mąątɛ̨nɛ̨ 2:12 - Yálá laawoo hɛɓɛ (dc)

¹² 'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Yálá laawoo hɛɓɛ

¹² 'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Bible

¹² ká tóo gɔ́ɔ mu ká gɔ́ɔ sóŋ. A wàla kɛ́ tí, a pâi ǹíi ŋwânai kâa é káŋuŋ lá píli, kpɛ́ni fêi, mɛni lôŋ nɔ́ ƃa ŋɔlii ŋwânai su kɛ̀tɛ. Lûwa káa diai kélee dîa díkili tɔɔ̂i mà dí mɛi káa mɛni mai.

Mąątɛ̨nɛ̨ 2:12 Referans Kwoze

Mąątɛ̨nɛ̨ 40:4

Ə wələ nįnɛ̨ pu ná, a Yálá mąątɛ̨nɛ̨ wələ woo. Nu tamąą kaa pai nąą kaai, di ɲɔw, diɛ di kilitɔɔ Yai-Laa ɓa.

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Mąątɛ̨nɛ̨ 84:12

Mąąhɔlɔɓo, Yai-Laa nwɔ́ Yálá kaa a hvoló, Yɛ ɓo a nu mąą kpɛ gbanąn, Yai-Laa a nu kɔ́ a nɛ̨ɛ̨laa, da ɲɛ̨i pɔ̨nɔ̨. Nuąi da hiɛ a ɉaŋąą, hva di kunwɔ̨ a nwun nąnɛ̨ɛ̨.

Mąątɛ̨nɛ̨ 34:8

Yai-Laa nwɔ malaka kaa tɔɔni, nuąi da ɲɔw mą di kwɛlɛ, ɛlɛɛ, yɛ di kulɔ mɛ̨nįi.

Ɉeremi 17:7

Kɛlaa, nui a gilitɔɔ Yai-Laa ɓa, lúwɔ́ kaa mą. Yai-Laa a kɛ a gilitɔɔi.

Azaya 30:18

Kɛlaa, Yai-Laa kaa nąą mąą kpɔn ɉii, yɛ kɛa pa ka ɲɛ̨imąąwɛli kaai, gaa pai muhəɠəi, yɛ nwɔ wɛlikɛmąąlaa lɛ kaa, mąąhɔlɔɓo, Yai-Laa kaa a Yálá təlinmoɔ: Nwun na nɛ̨ɛ̨ nuą ɓaa nuąi da di kilitɔɔ mą.

Hanwon 16:20

Nui a giliŋąhiɛ yɛ mɛ̨nį ɓo, a kulɔ ɉu a nɛlɛɛ. Nui nwɔ̨nɔ̨ a nɛɛ ɲəi kɛ Yai-Laa ɓa, nwun na nɛ̨ɛ̨ lon ni.

Piɛrə dɔlɔɔ 2:6

Mąąhɔlɔɓo, bɛ̨ɛ̨i ɉɛɓɛ́ hu, diɛ kɛ: «Gáá pai pɛlɛ́ kɔ́wɔ hvilɛn gwɛni laai Siɔn, a kwɛnii daa ɉəɠə ɉu, mąą mɛ̨nį nwąnąą, ɛlɛɛ, nui a gilitɔɔmą, gwəi hva pili mą.»

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Lomaŋ 9:33

Yɛ bələi bɛ̨ɛ̨ la Yálá lawoo hɛɓɛ́ hu yɛ mą: «Gáá kwɛni laai Siɔn, nui a kɔwɔ tuwɔ mą a too. Kɛlaa, nui a laa na, hva nwumɛ̨.»

Mąątɛ̨nɛ̨ 2:5

Yili pulu, gaa pələ ɓoi diɛ a níi holiɛ, níi holi pələ kɛnɛ̨, gaa di hu pui diɛ, yɛ kɛ diɛ:

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Lomaŋ 10:11

Hvó gaai, Yálá lawoo hɛɓɛ́ yɛ diɛ: «Nui lɔpee a laa ná hva nwumɛ̨.»

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Zɛnɛse 41:40

Yɛ́ ɓə gáá ə́ heei nwɔ́ lɔi nwun na, yɛ́ mɛ̨́i kaa, yii kpɔ ya moi, ya ɓə nɔi nuą da gɛ. Dɔɔlaa ŋɛ̨i gaa ɲə́i, yaa lɔ ɓə a gɛ́nɛ̨ ə dɛ́ɛ́ yɛ́, ɓɛ nɔi.

Mąątɛ̨nɛ̨ 31:20

Mɛ̨inɛ̨ɛ̨ɠaai yáá ɉee ə́ ɲɔw nuą tɔwɔ, gɛnɛ̨i nuąi da di mąąkilɛ ə́ pɔ pələ, diɛ ɓə yá gɛ diɛ, nu kəlee ɲɛ̨i ɓa.

Mąątɛ̨nɛ̨ 34:9

'Ka ka ɲɛ̨i hee tai, ɛlɛɛ, bələi Yai-Laa nwɔ mɛ̨inɛ̨ɛ̨ kaa la, ka gaa! Nui a mąąkilɛ vaŋąn mu, nwun na nɛ̨ɛ̨i ɓə!

Mąątɛ̨nɛ̨ 109:20

Bələ ɓə Yai-Laa kaa pai gálámąɓo nuą tii hon ɉii la, da nuąi da kɛ mɛ̨nį ɲɔ̨n moi a náá.

Sofoni 2:2

Gɛɛ mɛ̨nįi tii hvo pa kulɔ, di ka hutaɠa yɛ dɛ̨ɛ̨ kpalaan, a vóló tɔ̨nɔ̨i tii, gɛɛ Yai-Laa nwɔ liiɲąnwąną hvo yɛɛ a ka nwun, gɛɛ niiɲąnwąną hvólói tii hvo ɓɛla ka mɛ̨i, 'Ka ka nwun dɔɔ, ka ka kɔ́wɔ mąąnikɛ!