Mąątɛ̨nɛ̨ 19:9 - Yálá laawoo hɛɓɛ (dc)

⁹ Yai-Laa nwɔ tíɓoɠaai haŋąąi, a nu lii ɲąąnɛ̨ɛ̨, Yai-Laa nwɔ tɔ́n nwooi hu pɔ̨nɔ̨ɔ̨i, a nu kiliŋą pono a nu.

Yálá laawoo hɛɓɛ

⁹ Yai-Laa nwɔ tíɓoɠaai haŋąąi, a nu lii ɲąąnɛ̨ɛ̨, Yai-Laa nwɔ tɔ́n nwooi hu pɔ̨nɔ̨ɔ̨i, a nu kiliŋą pono a nu.

Bible

⁹ Núu yaoɔ Yâwɛɛ ma káa a mɛni maa waa. Gáa a wɔ́lɔ-wɔlɔ da wɔ́lɔ-wɔlɔ mɛni. Yâwɛɛ ŋɔmɛni ŋá-teɛɛi káa a tɔ̃yâ mɛni ŋá-teɛɛ. Ŋɔɣele kélee mɛni ŋá-teɛɛi káa a teniŋ ƃo-pere.

Mąątɛ̨nɛ̨ 19:9 Referans Kwoze

Samuɛlə dɔlɔɔ 12:24

Yii lɔ gaa mą a ɉaŋąą, ya ɓaa: Ka ɲɔw Yai-Laa ɓa, ka tí mą a ka kwəi kwɛlɛɛ a kilitɔɔmąąlaa, mąąhɔlɔɓo, aa gbɔwɔ lɛ kaa, yɛ gɛnɛ̨i.

Mąątɛ̨nɛ̨ 119:142

Ə́ haŋą pələ, gaa a yələ kəlee mɛ̨nį, ə́ wɔ tɔn nwooi ə ɓo a tɛ̨ą.

Mąątɛ̨nɛ̨ 119:1

Nuąi di yíi pələ mąąkulɔi hvo mą, di nwun na nɛ̨ɛ̨i, a diɛi da hiɛ a Yai-Laa nwɔ tɔn nwooi.

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

Mąątɛ̨nɛ̨ 115:13

Gaa pai lúwɔ́ kɛi nuąi da ɲɔw Yai-Laa ɓa diɛ, bɛlɛɛ pɛlɛɛ mąn, gbɛa kpɛa mąn.

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Dutɛrɔnome 4:8

Lɔi lə kɛɛ ɓə laa, gɛnɛ̨, tɔ́nŋąą da yɛnɛ̨ɛ̨ hon bələ yɛ ɓo ɲəi, di haŋąą yɛ bələi dɔ́nŋąą ŋɛ̨i gáá dɛɛi ka pɔ di kaa la?

Zɛnɛse 42:18

Voló ɉaaɓa yələ, yɛ diɛ: «Mɛ̨nį gáá ɉu hvɛlii kaa, ka gɛ, ka nwun mąą a ɓo. Mąąhɔlɔɓo, ɲą́ą́ gbɛli, ŋą ɲɔw Yálá ɓa.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

M̀ɛni-lɛɛi 16:7

Ɛlɛɛ, ŋį́ ɉaláá kulɔi woo mɛ̨n, yɛ mą: «A tɛ̨ą, Hééɓo kəlee Nąmu Yálá, ə́ wɔɔ kitiɠaa haŋąąi, ɛlɛɛ, yɛ ɓo a tɛ̨ą.»

Lomaŋ 2:2

Gu gɔlɔn guɔ diɛ: Nuąi di túwɔ́ pələ kaa ti, Yálá a di kiti tee a tɛ̨ą.

Azaya 26:8

Bələi ə́ woo a nɛ kuɔ, ya ɓə kwa hiɛ mɛ̨i, ku kili ə ɓo a dɔɔ Yɛ́, Yai-Laa, mɛ̨nįi niihɛlɛn gaa kuɔ, ya ɓaa, ku kɛ lɔ ə́ laa ɓo mɛ̨nį hu.

Mąątɛ̨nɛ̨ 119:106

Ŋą́ą́ gwɛ́la, ɛlɛɛ, nwóó lɔ ɓaa a nwóó, gɛ́ ŋą́ ə́ wɔ tɔn nwooɠaai pɔ yíiɓo, di haŋąąi.

Mąątɛ̨nɛ̨ 119:7

Gáá pai kɛi ə́ laa tɛi a gwə́i kwəlɛɛ, gɛ́ ə́ wɔ tələnmo wooɠaai mąąkwɛli.

Mąątɛ̨nɛ̨ 36:6

Yai-Laa, ə́ wɔ wɛlikɛmąąlaa kaa yələkɔlɔn ɉu, yɛ́ kulɔ nwoo ɓa laa, yɛ həli kpɔ tulɔ kpinįnŋaa diɛ.

Mąątɛ̨nɛ̨ 36:1

Nwələ ɲɛ̨itɔwɔmun, Yai-Laa nwɔ tímun Davidə nwɔ wələ woo.

Mąątɛ̨nɛ̨ 10:5

Nu taaləi tii, gɛ mɛ̨nįɠaa hu a nɛ̨ɛ̨ mą a yələ kəlee; yii hvilɛn na Yálá nwɔ kitii ɓa, gwəi kili hva yili kpaɠala kaa, dɛɠɛɓoɔ ɲowoɠaa hu.

Nehemi 5:15

Nɔi ɲąąwooɓo nuą tɔlɔɔ-tɔlɔɔɠaai kɛ dɔ́wɔ, di kɛi too nɔi lonnii mɛ̨i, diɛ kɔ̨nɔ̨n gulɔ di yəi, da lɔɔ, ɛlɛɛ yili pulu diɛ wali kwələ pow nąąn ɉəɠə di yəi. Di yee pɔ nuą kpɛli mąn, di kɛi hee nuą mɛ̨i. Kɛlaa nwɛi, və́ tíwɔ́ tii, mąąhɔlɔɓo, ŋį́ ɲɔw Yálá ɓa.

Lɛɛ gbɔwɔ ɓa 21:1

«Bələi mąąnɛ̨ɛ̨ ka ɲɛnɛ̨ɛ̨ yíi ɓo la, bələ ka. Ɉukulɔ diɛ, yɛ diɛ:

Zɛnɛse 22:12

Malaka yɛ mą: «Hvo mɛ̨nį ta kɛ a ɉulɔnon tii, ŋą́ą́ gɔlɔn gea, gɛ́ diɛ, yáá nwɔ́ kɛnɛ̨ laa mąąwiɛ, hvo kɛ lənə li ə́ lon gulɔi mą́ą́ a haláá.»

Lomaŋ 11:22

Yálá nwɔ mɛ̨nį lɛlɛ pələi tii kaa, da ɲąmąn bələ, bələi ə yąmą na nuąi too diɛ, da nwɔ mɛ̨nį lɛlɛ pələ ə́ pɔ; Yá lɛɛ lɔ nwɔɔ mɛ̨nį lɛlɛ pələi tii pulu, yá wala gɛ tii, da ə́ kpɔwɛɛ mą.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Mąątɛ̨nɛ̨ 147:19

A nwoo lɛ Ɉakɔbə ɓa, ə nwɔ tɔnŋaai, da nwɔ tíɓoɠaai tɛɛ Israɛlə pɔ.

Mąątɛ̨nɛ̨ 119:75

Yai-Laa, ŋą́ą́ gɔlɔn gɛ́ diɛ, ə́ kwəi kiliɠaai haŋąąi, ɛlɛɛ, nwún mąąyɛɛ mɛ̨nį ə́ yəi, dɛ̨ą kaa ə́ pɔ.

Mąątɛ̨nɛ̨ 119:62

Ŋą́ múhəɠə a kwiihɛ̨ą, gɛ́ ə́ laa tɛ, mąąhɔlɔɓo ə́ wɔ kiti wooɠaai haŋąąi.

Mąątɛ̨nɛ̨ 119:39

Ŋą́ ɲɔw lalan ma, 'voló mą́ą́, ə́ wɔ kiti wooɠaai pa lúwú ɓə.

Mąątɛ̨nɛ̨ 12:7

Yai-Laa wooɠaa kaa a woo hu pɔnɔ̨ɔ̨ɠaa, di kaa yɛ walii, daa ɉəɠeen gee hu hveelɛ, yɛ walii daa ɉuwaa gee mɛ̨i mɛ̨ihveelɛ.

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!