Mąątɛ̨nɛ̨ 19:8 - Yálá laawoo hɛɓɛ (dc)

⁸ Yai-Laa nwɔ tɔ́n mąąkulɔi hvo mą, a yɛnɛ̨ɛ̨ tɛɛ nu pɔ; Yai-Laa hvaa woo hva ɉəɠə mą, a kili tɛɛ nu tunun bɔ.

Yálá laawoo hɛɓɛ

⁸ Yai-Laa nwɔ tɔ́n mąąkulɔi hvo mą, a yɛnɛ̨ɛ̨ tɛɛ nu pɔ; Yai-Laa hvaa woo hva ɉəɠə mą, a kili tɛɛ nu tunun bɔ.

Bible

⁸ Yâwɛɛ ŋɔtɔ̂ŋ sãai. Diai da lâa lai da lii nɛ̃ɛ kùla. Yâwɛɛ ŋɔtɔ̂ŋ káa a tɔ̂ŋ maa waa. A núu ŋɛ́i-la ƃò.

Mąątɛ̨nɛ̨ 19:8 Referans Kwoze

Mąątɛ̨nɛ̨ 12:6

Ya ɓə Yai-Laa a kɛ diɛ: «Mąąwɛli nuą laanɔ̨nwɔ̨ ɓo pələ, da yeehvowolo nuą wɔlɔ pələ, múhəɠə hiɛ kpɔlɔ li. Nui di kɛi di lɛayá pili mą, gɛ́ ɉee liilaa hu.»

Mąątɛ̨nɛ̨ 119:105

Ə́ laawoo kaa a nwɔ̨n nən, gɔ́wɔ mu, yɛ ɓo a kɛɛpono dɛ́ɛ́ pələ hu.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Hanwon 30:5

Yálá hvaa wooɠaa kəlee kaa a tɛ̨ą. Nuąi da di mąą kilɛ vaa woo hu, gaa a di mąąkpɛmun.

Mąątɛ̨nɛ̨ 119:128

Yili mąą mɛ̨nį ɓa, ŋą́ ə́ wɔ tɔn nwooɠaai kəlee kaa a ɉaŋąą. Lɛɛ pələɠaa kəlee wɛli kpɛɛi mą́ą́ kpɔ tɛ-tɛ.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Mąątɛ̨nɛ̨ 119:92

Ə li kɛ ə́ wɔ tɔn nwooi hvo kɛ a nííɓa mɛ̨nįɠaa, yɛ ŋą́ą́ haa laanɔ̨nwɔ̨ hu.

Mąątɛ̨nɛ̨ 119:80

'Gɛ ŋą́ hvilɛn ə́ tɔn nwɔ nwooɠaai pulu a neelee, əgɛ, nwumɛ̨ hvo pa tɛ a ɲą́ą́.

Hanwon 6:23

Mąąhɔlɔɓo, liɛwoo kaa yɛ labon, mɛ̨nįi da nu kalan na, gaa a kɛɛ pɔ̨nɔ̨. Kili nwɔ hutɔɔ wooɠaa kaa a yɛnɛ̨ɛ̨ kɛ hɛn.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Galatə 2:19

Hvo gaai, nwɛ́i, ŋą́ą́ haa dɔn bɔ pələ, ə gɛ ŋą́ yɛnɛ̨ɛ̨ kɛ Yálá pɔ pələ. Kwa Kristə ɓə haa kolɔwa ɓa;

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Lomaŋ 7:7

Yili mukulaa ɓaa a lə? Akɛti, tɔ́n gaa mɔ̨ɔ̨ a nɛ̨ŋɛ̨n? Kpaa-o, tɔ́n və a nɛ̨ŋɛ̨n. Kɛlaa, dɔ́n mə nɛ̨ŋɛ̨n nɛ mą́ą́. Yili ɓa, və́ kɛli pa ɲɛ̨i kulɔ bɔ kɔ́lɔn ɉii akɛ dɔ́n və kɛ diɛ: 'Hvó ɲɛ̨i kulɔ bɔ kɛ.

Mąątɛ̨nɛ̨ 119:16

Ə́ liiɓa mɛ̨nįɠaa kaa a nííɓa mɛ̨nįɠaa, vá lɛ̨ą ə́ woo ta ɓa.

Mąątɛ̨nɛ̨ 119:14

Ŋą́ą́ lɛɛ ə́ wɔ tɔn nwooɠaai pulu, ŋą́ą́ gwə́inɛ̨ɛ̨ mɛ̨nį hɔlɔɓo, gaa lɔ yɛ ŋą́ kwiɛn a hɛngɔw kɛnɛ̨ɛ̨.

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Mąątɛ̨nɛ̨ 119:171

Ee kə! 'Ə́ mąątɛ̨nɛ̨ woo ə lɛɛ lɔ yɛ kulɔ ná! Mąąhɔlɔɓo, yá kɛ mą́ą́kwɛlii ə́ wɔ tɔn nwooɠaa diɛi.

Mąątɛ̨nɛ̨ 119:143

Ɉú aa pu mą́ą́, níi aa hɛlɛn, Kɛlaa ə́ wɔ tíɓoɠaai ɲąą nɛ̨ɛ̨ kaa gulɔi.

Mąątɛ̨nɛ̨ 119:130

Ə́ laawoo, kili ɲąpono, a kili tɛɛ lɛapɛlɛɛ pɔ.

Mąątɛ̨nɛ̨ 119:121

Ŋą́ túwɔ yɛ bələi ə́ mo la tələnmolaa hu, 'hvó dóó mɔ̨nɔ̨ɓo nuą yee ɲą.

Mąątɛ̨nɛ̨ 119:40

A neelee, ə́ wɔ tɔn nwooɠaai wɛli kaa mą́ą́, 'Pənə ə́ dóó nwų́nu kɔ́lɔi a ə́ wɔ tələnmolaai.

Mąątɛ̨nɛ̨ 119:12

Mąąwiɛ ə kɛ yɛ́ Yai-Laa, mą́ą́ kwɛli ə́ liiɓa mɛ̨nįɠaa diɛ.

Mąątɛ̨nɛ̨ 105:45

Əgɛ, di di yee kanąn lɔ nwɔ tɔ́n nwooɠaai diɛ, diɛ nwɔ tíɓoɠaai kɛ. 'Kánikookwəi!

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Mąątɛ̨nɛ̨ 13:3

Níí yɛ kələn gwə́i ə lɛɛ ɉu mįnɛ̨ lɔwai ə həli la? Ŋį́ ɓo lɔ mɔ̨nɔ̨ hu, a yələ kəlee? Ɲówo yee kaa pai lɛɛi a dɛɛ mą́ą́, ə lɛɛ ɉu lə yələ ə ɉəli?

Lɛɛ gbɔwɔ ɓa 18:16

Mɛ̨nį ta a həli diɛ, da pa bɔ́, gɛ́ di lɔwai mɛ̨nį ɓo, ɛlɛɛ, gɛ́ Yálá lííɓa mɛ̨nį da nwɔ tɔ́n nwooɠaa lɛ diɛ.»

Zɛnɛse 26:5

Mąąhɔlɔɓo, Abrahamə ə nwóó mɛ̨n, ə nwɔ́ tɔ́nŋąąi hon, da bɔ liɛwooɠaa, ə́ nwɔ́ tiɓoɠaa kɛ.»

Galatə 3:21

Akɛ tii dɔ́n a kɔ pɛlɛ mɔ̨ɔ̨ Yálá ŋą mɛ̨nį laakwɛlanmoɔ ɓa? Kpaa-o! Akɛ dɔ́n a pɛli kɛ yɛnɛ̨ɛ̨ tɛɛi, ɛlɛɛ, ə li kɛ, nu kanŋaa di dɔ́n ɲili hɔlɔɓo kɛi, yɛ mą dɔ́n ə li pɛli mą, nu kanŋaa tələnmoi.

Azaya 64:5

Ku kəlee ku kɛ yɛ nu kɔ́hɔɓoɔ, ku wɔ təlimo túwɔ́ɠaa kəlee di kɛ yɛ həɠə kɔ́hɔɓoɔ, ku kəlee kwaa yohva yɛ laakpala, ku wɔ túwɔ́ pələ ɲɔ̨nŋąą diɛ li a kuɔ yɛ hvaŋą.

Mąątɛ̨nɛ̨ 119:54

Bɛlɛ́i ŋɛ̨i gáá lɔ mu lɔwai tawolo, Ə́ liiɓa mɛ̨nįɠaa lɔ ɓə di kaa a nwɔ́ wələ woo.

Mąątɛ̨nɛ̨ 119:24

Ə́ wɔ tɔn nwooɠaai kaa a gwə́inɛ̨ɛ̨ mɛ̨nį, diɛ ɓə da níɛwooɓo.

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Nehemi 8:12

Nɔi lonnii kəlee diɛ kɛa li di kɔ̨nɔ̨n mįi diɛ di kpələ. Nuą yiiɠaai hɛn da hvo kɛ di yəi, diɛ di kɔ́, di kəlee diɛ kwəinɛ̨ɛ̨ kɛnɛ̨ kulɔ. Mąąhɔlɔɓo, nwooɠaai di mo diɛ, daa kɛ ŋąą kaa.

Dutɛrɔnome 16:14

Ka ɉɛlii tii pu a kwəinɛ̨ɛ̨, kaa, ka ka lonnii, da ka wɔ luwɔɠaa, Leviɠaa, da nwɛ̨ąą, ə mą kɛ, təliɠaa da galaninŋąą, diɛi di kaa ka wɔ taaɠaa hu.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Tɔɔɓɛlaa veelɛ 17:37

Díɓoɠaa, dɔ́n nwooɠaa, ɉaláá kulɔ pələ, da nɔi hon bələɠaai ə bɛ̨ɛ̨ a ka mąą mɛ̨nį, ka tɔɔ a ka nwąnąąi, ka di kɛ a yələ kəlee, 'ka hvo ɲɔw haliɠaa diɛ.

Mąątɛ̨nɛ̨ 93:5

Ə́ wɔ tɔ́n nwooɠaai kaa a tɛ̨ą, hva ɉəɠə mą, mąą hva hvalin, Yai-Laa! Mąąhəɠəlaa kaa a yɛ́ bɛlɛ́i mąą hon ɉɛn, a yələ kəlee mɛ̨nį.

Mąątɛ̨nɛ̨ 111:7

Ɲeepɔ kolóɠaa kaa a tɛ̨ą, ɉaŋąą; nwɔ tɔn nwooɠaai kəlee kaa a tɛ̨ą mɛ̨nį.